Kanwar yatra tradition: కన్వర్ యాత్రను శివభక్తులు ఆచరిస్తారు. ముఖ్యంగా శ్రావణ మాసం ప్రారంభంనుంచి పదిహేను రోజుల పాటు ఈ యాత్ర ను నిర్వహిస్తారు. ఈ ఏడాది జులై 22 నుంచి ఆగస్టు 3 వరకు ఈ యాత్ర సాగనుంది.
కన్వర్ యాత్రను శివభక్తులు ఆచరిస్తారు.ఈ యాత్రలో ముఖ్యంగా శివభక్తులు దేశవ్యాప్తంగా కాషాయ దుస్తులు ధరిస్తారు. శ్రావణమాసంలో మొదటి రోజు నుంచి పదిహేను రోజుల పాటు ఈ యాత్ర చేపడతారు. ఈయాత్రంలో ముఖ్యంగా భక్తుల వెదురుతో శివుడి కోసం పల్లకిలు, తొట్లేల మాదిరిగా పల్లకీలు చేసుకుంటారు. దీనిలో శివుడి ఫోటోపెట్టుకుని యాత్ర చేస్తారు.
ప్రసిధ్ది చెందిన గంగాస్థానాలకు పాదయాత్ర చేసుకుంటూ వెళ్తారు. ఆ తర్వాత గంగా నదీ నుంచి జలాన్ని తీసుకుని శివుడికి అభిషేకం చేస్తుంటారు. ఇలా చేస్తే కోరుకున్న కోరికలు నెరవేరుతాయని భక్తులు చెబుతుంటారు. ప్రతి ఏడాది ఈ పవిత్రమైన యాత్ర జరుగుతుంది.
ఉత్తరాది వైపు ఉన్న భక్తులు ఈ కన్వర్ యాత్రను ఎక్కువగా చేస్తుంటారు. శ్రావణం అంటే శివుడికి ఇష్టమైన మాసంగా చెబుతుంటారు. ఈ మాసంలో శివుడికి గంగాజలాన్ని సమర్పించడం వల్ల ప్రసన్నుడు అవుతాడని నమ్ముతారు. శివ భక్తులు భగవంతుడి అనుగ్రహం పొందటం కోసం ఈ మాసంలో కన్వర్ యాత్రను నిర్వహిస్తారు. రాముడు, పరశురాముడు, రావణుడితో సహ ఎంతో మంది కన్వర్ యాత్ర చేసినట్టు పురాణాలు చెబుతున్నాయి.
ముఖ్యంగా.. ఉత్తరాఖండ్ లోని హరిద్వార్, గౌముఖ, గంగోత్రి వంటి ప్రాంతాల నుంచి గంగా జలాన్ని తీసుకువస్తారు. శివనామ స్మరణ చేసుకుంటూ కాలినడకన ఈ యాత్ర సాగిస్తారు. ఇలా కన్వర్ యాత్ర చేస్తే అన్ని కోరికలు నెరవేరతాయని నమ్ముతారు. ఈ ఏడాది జులై 22 న ప్రారంభమై ఆగస్ట్ 3న ముగుస్తుంది. ఇప్పటికే ఢిల్లీ, ఉత్తరప్రదేశ్ రాష్ట్రాలు కన్వర్ యాత్రకు సంబంధించి ఏర్పాట్లు పూర్తి చేశారు. భక్తులకు ఎటువంటి అంతరాయం కలగకుండా పోలీసులు చర్యలు కూడా తీసుకున్నారు.
కన్వర్ యాత్ర చేయాలనుకున్న వాళ్ళు తప్పనిసరిగా కొన్ని నియమాలు పాటిస్తారు. కన్వర్ యాత్ర నాలుగు రకాలుగా ఉంటుంది. సాధారణ కన్వర్ ,డక్ కన్వార్, దండి కన్వార్,స్టాండింగ్ కన్వార్ అనిఉంటారు. వీరంతా శివుడిని స్మరించుకుంటూ పాదయాత్రగా వెళ్తుంటారు. ఈ యాత్రలో పాల్గొనే భక్తులు కాషాయ రంగు వస్త్రాలు ధరిస్తారు. కావిడితో తీసుకొచ్చిన గంగా జలాన్ని శివలింగానికి సమర్పించడం వల్ల తమ కోరికలు తప్పకుండా నెరవేరతాయని భక్తుల విశ్వాసం.
కన్వర్ యాత్రలో పాల్గొనే వాళ్ళు తప్పనిసరిగా కొన్ని నియమాలు పాటించాలి. ఈ సమయంలో మద్యం, గుట్కా, పాన్ లు, పొగాకు, సిగరెట్లు వంటివి అస్సలు ముట్టుకోవద్దు. భక్తి, విశ్వాసంతో దేవుడి మీద మనసు పెట్టి ఈ యాత్ర చేపట్టాలి. మనసులో కేవలం భగవంతుడి నామం స్మరించుకుంటూ ఈ యాత్రను నిర్వహించాలి. ఇలా చేస్తే ఆ భోలేనాథుడి ఆశీర్వాదాలు ఉంటాయని చెబుతుంటారు.
