అవును... ఇదీ మేము చెబుతుంది కాదు. బ్రెజిల్ కు చెందిన ప్ర‌ముఖ వైద్యుడి స‌ల‌హా. స్త్రీల‌కు గ‌ర్భ‌స్త సమయం ఎంతో కీల‌క‌మైంది. పండంటి బిడ్డ‌కు జ‌న్మ‌నివ్వాలంటే... త‌ప్పకుండా పురిటినొప్పుల‌ను పెదవి బిగిట భ‌రించాల్సిందే. అలా తీవ్ర‌మైన శారీర‌క వేద‌నకు ప‌రిష్కారం చూపేలా ఈ బ్రెజిల్ వైద్యుడు ఫెర్నాండో సరికొత్త విధానాన్ని అమ‌లుప‌రుస్తున్నారు. ఆధునిక విధానాన్ని గ‌ర్భిణీల‌తో అమ‌లు చేస్తున్న ఓ వీడియో ఇప్పుడు సోష‌ల్ మీడియాలో తెగ సంద‌డి చేస్తుంది. త‌న ఆసుప‌త్రికి వ‌చ్చిన స్త్రీల‌తో క‌లిసి డ్యాన్స్ చేయించ‌డ‌మే... వైద్యుడు రూపొందించిన నూత‌న విధానం.
అయితే ఈ విధానంలో శారీర‌క ఉల్లాసంతోపాటు, స్త్రీల‌కు ప్ర‌స‌వ వేద‌న చాలా వ‌ర‌కు త‌గ్గుతుంది. క‌డుపులోని బిడ్డపై ఒత్తిడి పెరిగి ప్ర‌సవం సుల‌భంగా అవుతుంది. దీనికోసం చిన్న చిన్న స్టెప్పులు వేస్తూ... స్త్రీలు నెమ్మ‌దిగా డ్యాన్స్ చేయ‌డ‌మేన‌ని డాక్ట‌ర్ ఫెర్నాండో చెబుతున్నారు. ఆసుప‌త్రిలోని ఓ సిబ్బంది ఈ వీడియోను చిత్రీక‌రించి సోష‌ల్ మీడియాలో పోస్టు చేయ‌గా, నెటిజ‌న్ల‌ను ఎంత‌గానో ఆక‌ట్టుకుంటుంది.
