Nirjala Ekadashi Vrat 2023: నిర్జల ఏకాదశి సరైన తేది, ఉపవాస విధానం, శుభ సమయం!

Nirjala Ekadashi Vrat 2023 Date: శుక్ల పక్షంలోని నిర్జల ఏకాదశి వ్రతాలను పాటించడం వల్ల చాలా రకాల ప్రయోజనాలు కలుగుతాయని జ్యోతిష్య శాస్త్ర నిపుణులు తెలుపుతున్నారు. ఈ నిర్జల ఏకాదశి ప్రాముఖ్యత, ఉపవాస విధానాలేంటో ఇప్పుడు మనం ఇప్పుడు తెలుసుకుందాం.

Nirjala Ekadashi Vrat 2023 Date: నిర్జల ఏకాదశిని జ్యేష్ఠ మాసంలోని శుక్ల పక్షంలోని ఏకాదశి రోజున జరుపుకుంటారు. ఈ సంవత్సరం మొత్తం 24 ఏకాదశులు వస్తాయి. వీటిలో నిర్జల ఏకాదశి ప్రత్యేక ప్రాముఖ్య ఉంది. ఈ రోజున ఉపవాసాలు పాటించడం వల్ల కోరుకున్న కోరికలు నెరవేరుతాయి. అంతేకాకుండా మోక్షం లభిస్తుందని జ్యోతిష్య శాస్త్ర నిపుణులు తెలుపుతున్నారు. ఈ సారి నిర్జల ఏకాదశి  మే 31న వస్తోంది. ఈ క్రమంలో వ్రతాన్ని ఆచరించడం వల్ల చాలా రకాల ప్రయోజనాలు కలుగుతాయి. 

పురాణాల ప్రకారం..మహాభారతంలో భీముడు కూడా ఈ ఉపవాసాన్ని పాటించాడని.. ఇలా పాటించడం వల్ల 10,000 ఏనుగుల బలం పొందడానికి పేర్కొన్నారు. అయితే ఈ వ్రతాన్ని పాటించడం వల్ల చాలా రకాల అనారోగ్య సమస్యలు కూడా దూరమవుతాయని జ్యోతిష్య శాస్త్ర నిపుణులు తెలుపుతున్నారు.  

నిర్జల ఏకాదశి ప్రాముఖ్యత:
నిర్జల ఏకాదశి రోజున ఉపవాసం చేయడం వల్ల ధర్మం, అర్థ, కామ, మోక్షం అనే నాలుగు పురుషార్థాలు లభిస్తాయి. అంతేకాకుండా సంతోషకరమైన జీవితం కూడా లభిస్తుంది. ఈ వ్రతాన్ని భక్తి శ్రద్ధలతో చేయడం వల్ల పాపాలు కూడా తొలగిపోతాయని జ్యోతిష్య శాస్త్ర నిపుణులు చెబుతున్నారు.

నిర్జల ఏకాదశి శుభ సమయం:
జ్యేష్ఠ శుక్ల ఏకాదశి తిథి మే 30న మధ్యాహ్నం 01:07 గంటలకు ప్రారంభమై.. మే 31 మధ్యాహ్నం 01:45 గంటలకు ముగుస్తుంది. ఈ నిర్జల ఏకాదశి వ్రతాన్ని మే 31న ఆచరించాలని నిపుణులు సూచిస్తున్నారు. అంతేకాకుండా ఈ నిర్జల ఏకాదశి వ్రతాన్ని జూన్ 01 తేది కూడా పాటించవచ్చు. 

ఉపవాస విధానం:
నిర్జల ఏకాదశి వ్రతాన్ని ఆచరించేవారు తప్పకుండా తెల్లవారుజామునే నిద్ర లేవాల్సి ఉంటుంది. ఆ తర్వాత తల స్నానం చేసి పసుపు రంగు దుస్తులను ధరించాలి. ఆ తర్వాత పూజా గదిలోకి వెళ్లి శ్రీకృష్ణుడికి పూజా కార్యక్రమం ప్రారంభించాలి. ఈ పూజా కార్యక్రమంలో భాగంగా పంచామృతం, తులసి దళాన్ని అభిషేకం చేయాలి. ఈ క్రమంలో లక్ష్మి దేవిని పూజించి మంత్రాలు పారాయణం చేయడం వల్ల అన్ని రకాల సమస్యలు దూరమవుతాయి. ఇదే వ్రతాన్ని ద్వాదశి తిథి రోజున చేయడం వల్ల కూడా మంచి ఫలితాలు కలుగుతాయని జ్యోతిష్య శాస్త్ర నిపుణులు తెలుపుతున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.