2024માં રૂપિયા છાપવાનું મશીન બની જશે આ સેક્ટર, આંખો બંધ કરીને ઝંપલાવો 5 પેઢી તરી જશે

નવી દિલ્હીઃ ભારતમાં શેરબજાર સતત તેજીમાં ચાલી રહ્યું છે. કહેવાય છે કે તે 1 લાખની સપાટીને ટચ કરશે. શેરબજારમાં ધંધો કરતા મોટા રોકાણકારો ઘણીવાર એવી કંપનીઓ અથવા સેક્ટર પર દાવ લગાવે છે જેનું ભવિષ્ય તેઓ ઉજ્જવળ જુએ છે. હવે આવનારો સમય આર્ટિફિશિયલ ઈન્ટેલિજન્સ કે એઆઈનો હશે તેમાં કોઈ શંકાને નથી. ChatGPT અને Google Bardએ એડવાન્સમાં તોફાન મચાવવાનું શરૂ કરી દીધું છે. ChatGPTએ ઘણી કંપનીઓનું કામ સરળ બનાવ્યું છે, તો તેણે ઘણા લોકોની નોકરીઓ પણ છીનવી લીધી છે. બીજી તરફ, AI સાથે કામ લેવામાં સક્ષમ લોકો માટે કામની તકો પણ વધી રહી છે. આ તમામ બાબતોને જોતા કહી શકાય કે ભવિષ્ય AIનું હશે. શેરબજારમાં આર્ટિફિશિયલ ઈન્ટેલિજન્સમાં કામ કરતી કંપનીઓના શેરને જબરદસ્ત બુસ્ટ મળી શકે છે.

આજે અમે તમને કેટલીક એવી કંપનીઓ વિશે જણાવવા જઈ રહ્યા છીએ, જેમાં તમે પૈસાનું રોકાણ કરીને લાંબા સમય સુધી કમાણી કરી શકો છો. જો આપણે આર્ટિફિશિયલ ઈન્ટેલિજન્સમાં કામ કરતી ટોચની 5 કંપનીઓનો ઉલ્લેખ કરીએ, તો Tata Elxsi, Bosch, Kelton Tech Solutions, Happiest Minds Technologies, and Persistent Systems કંપનીઓ છે. યાદ રાખો  માત્ર કંપનીઓના નામ જાણવા પૂરતા નથી, જો તમે આમાંના કોઈપણમાં રોકાણ કરવા માંગતા હોવ તો તમારે પહેલા આ કંપનીઓ વિશે જાતે સંશોધન કરવું જોઈએ અને પછી પ્રમાણિત રોકાણ સલાહકારની સલાહ લેવી જોઈએ. ઉપરોક્ત પાંચ કંપનીઓ ભારતીય શેરબજારોમાં લિસ્ટેડ છે અને અહીં અમે તમને આ કંપનીઓ વિશે કેટલીક મહત્વપૂર્ણ બાબતો જણાવી રહ્યા છીએ.

ઇન્વેસ્ટમેન્ટ સ્ટ્રેટેજિસ્ટ કહે છે કે ટેક્નોલોજી માર્કેટ ઝડપથી બદલાઈ રહ્યું છે. આ સંલગ્ન કંપનીઓ પણ ઝડપથી વિસ્તરી રહી છે. તમામ નાની-મોટી કંપનીઓએ AI જેવી ટેક્નોલોજીનો ઉપયોગ શરૂ કરી દીધો છે. જેને પગલે આ કંપનીઓના શેરમાં નાણાંનું રોકાણ ભવિષ્યમાં નફાકારક સોદો બની શકે છે.

આ પણ વાંચોઃ મકાન-દુકાન બધુ લઈ આપશે આ સરકારી બેંકનો શેર! મોકો ચુક્યા તો પસ્તાશો

Tata Elxsi
ટાટા ગ્રુપની આ કંપની છેલ્લા 25 વર્ષથી ટેક્નોલોજી આધારિત ઈનોવેશન પર કામ કરી રહી છે. કંપની સેલ્ફ-ડ્રાઈવિંગ કારથી લઈને વીડિયો એનાલિટિક્સ સોલ્યુશન્સ સુધીની દરેક વસ્તુ પર કામ કરી રહી છે. તેનું સૌથી મોટું કાર્ય ઓટોમેશન છે, જે આર્ટિફિશિયલ ઈન્ટેલિજન્સ અને એનાલિટિક્સની મદદથી કરવામાં આવે છે. આ કંપનીએ AI નો ઉપયોગ કરીને ઘણા OTT પ્લેટફોર્મ માટે કામ કર્યું છે. આમાં એન્જિન રિકમન્ડેશન, સીનની ઓળખ, સબ ટાઈટલને ઓટોમેટ કરવું , એક્સ-રે સુવિધા (અભિનેતા, દ્રશ્ય ઓળખ), વાંધાજનક સામગ્રીનું સ્ક્રીનીંગ અને ઘણું બધું શામેલ છે.

19મી ડિસેમ્બર 2023ના રોજ બજાર બંધ થયું ત્યાં સુધી, NSE પર Tata Elxsiનો શેર 8,900.75 પર બંધ થયો છે. 2020થી કંપનીના શેરો રોકેટની જેમ ઉડી રહ્યા છે અને તેણે 10,760 રૂપિયાની ઊંચી સપાટી બનાવી છે.

બોશ લિમિટેડ (Bosch)
આ કંપની એનર્જી અને ટેક્નોલોજી બિલ્ડિંગ, કન્ઝ્યુમર ગુડ્સ, ઈન્ડસ્ટ્રીયલ ટેક્નોલોજી અને મોબિલિટી સોલ્યુશન્સમાં સેવાઓ પૂરી પાડે છે.

આ પણ વાંચોઃ 84 ટકા નફાનો સંકેત, 20 ડિસેમ્બરે ઓપન થશે આ કંપનીનો આઈપીઓ, સચિને પણ કર્યું છે રોકાણ

બોશ  (Bosch) એ વિઝ્યુઅલ ક્વોલિટી ઇન્સ્પેક્શન (VQI) નામનું સોલ્યુશન વિકસાવ્યું છે, જે AI-આધારિત સિસ્ટમ છે. તે ગુણવત્તા નિરીક્ષણ પ્રક્રિયાને સ્વચાલિત કરવા માટે કમ્પ્યુટર વિઝન અને ડીપ લર્નિંગ અલ્ગોરિધમનો ઉપયોગ કરે છે. પ્લેટફોર્મ જનરેટિવ એડવર્સરિયલ નેટવર્ક્સ (GAN) નો ઉપયોગ કરે છે અને સમયાંતરે વિવિધ સમસ્યાઓ ઓળખવા માટે લર્નિંગ ટ્રાન્સફર કરે છે. 

બોશ લિમિટેડનો શેર NSE પર રૂ. 21,888.60 પર બંધ થયો હતો. માર્ચ 2015માં રૂ. 27,990ની ઊંચી સપાટી બનાવ્યા બાદ આ શેર નવી ઊંચી સપાટી બનાવી શક્યો નથી. કોરોના સમયગાળા દરમિયાન રૂ. 7,850ના સૌથી નીચા સ્તરને સ્પર્શ્યા પછી, અત્યાર સુધીમાં તે લગભગ અઢી ગણો વધી ગયો છે.

કેલ્ટન ટેક સોલ્યુશન્સ (Kellton Tech Solutions)
કેલ્ટન ટેક ડિજિટલ ટ્રાન્સફોર્મેશન, એન્ટરપ્રાઇઝ મોબિલિટી, ઓગમેન્ટેડ રિયાલિટી (AR)/વર્ચ્યુઅલ રિયાલિટી (VR), એનાલિટિક્સ, ઇન્ટરનેટ ઑફ થિંગ્સ અને આર્ટિફિશિયલ ઇન્ટેલિજન્સ (AI) પ્રદાન કરવામાં ગ્લોબલ લીડર કંપની છે. જનરેટિવ AI દ્વારા સંચાલિત કેલ્ટનની નોલેજ ડેટાબેઝ સેવાઓ સાથે, વિવિધ કંપનીઓ વિવિધ લાભોનો આનંદ માણી રહી છે. 

કેલ્ટનનો શેર મંગળવારે રૂ. 101.90 પર બંધ રહ્યો હતો. જાન્યુઆરી 2022માં તેણે 135 રૂપિયાની ઊંચી સપાટી બનાવી હતી. તે પછી થોડો ઘટાડો થયો હતો અને હવે ફરીથી આ સ્ટોક સારા વોલ્યુમ સાથે ઉપર તરફ આગળ વધી રહ્યો છે.

હેપીએસ્ટ માઇન્ડ્સ ટેક્નોલોજીસ (Happiest Minds Technologies)
કંપનીએ અત્યાર સુધીમાં 20થી વધુ ગ્રાહકોને તેમની જરૂરિયાત મુજબ જનરેટિવ એઆઈ સોલ્યુશન્સ પ્રદાન કર્યા છે. તેમણે કહ્યું, "અમારી પાસે વિવિધ વિસ્તારોમાંથી 120 થી વધુ કેસ છે જેમાં કામ કરવામાં આવ્યું છે."

હેપીએસ્ટ માઈન્ડ્સનો આઈપીઓ સપ્ટેમ્બર 2020માં આવ્યો હતો. તે રૂ. 350 પર લિસ્ટ થયો હતો. જુલાઈ 2021માં તેણે રૂ. 1,500ની ઊંચી સપાટી બનાવી હતી. તે પછી, લગભગ 50 ટકાના સુધારા પછી, તે હાલમાં રૂ. 925.70 પર બંધ છે.

આ પણ વાંચોઃ ઓપન થતાં પહેલા ધૂમ મચાવી રહ્યો છે આ IPO, 210 રૂપિયા પહોંચ્યો GMP, જાણો વિગત

પર્સિસ્ટન્ટ સિસ્ટમ્સ (Persistent Systems)
તે આર્ટિફિશિયલ ઇન્ટેલિજન્સ અને મશીન લર્નિંગ (AI & ML) માં અગ્રણી કંપનીઓમાંની એક છે. થોડા મહિના પહેલા જ, Persistent Systems એ Google Cloud સાથે મળીને Generative AI લોન્ચ કર્યું હતું. રેગ્યુલેટરી એક્સચેન્જમાં માહિતી આપતાં કંપનીએ કહ્યું હતું કે ક્લાયન્ટ તેમની AI સફરને શરૂઆતથી અંત સુધી સમજી શકે છે. તેઓ જોઈ શકે છે કે તેઓ અદ્યતન ટેક્નોલોજીનો ઉપયોગ કરીને તેમના વ્યવસાયને કેવી રીતે વધારી શકે છે.

પર્સિસ્ટન્ટ સિસ્ટમ્સનો સ્ટોક ઓલટાીમ હાઈ સ્તરની નજીક છે. ગયા અઠવાડિયે રૂ. 7,400ની સર્વોચ્ચ સપાટી બનાવ્યા બાદ તે 19 ડિસેમ્બરે રૂ. 7,064.30 પર બંધ થયો હતો. જુલાઈ 2020માં આ શેર રૂ. 900થી નીચે ટ્રેડ થઈ રહ્યો હતો.

(Disclaimer: આ સમાચાર માત્ર માહિતીના હેતુ માટે પ્રકાશિત કરવામાં આવ્યા છે. જો તમે આમાંથી કોઈપણ શેરમાં નાણાંનું રોકાણ કરવા માંગતા હો, તો પહેલા કોઈ પ્રમાણિત રોકાણ સલાહકારની સલાહ લો. તમારા કોઈપણ નફા કે નુકસાન માટે Zee24 kalak જવાબદાર નથી.)