Big Basket ની હિસ્સેદારી ખરીદશે TATA Group: સસ્તા ભાવે લોકોને કરિયાણું મળે તેવો રતન ટાટાનો પ્રયાસ

ઝી બ્યૂરો, અમદાવાદઃ આજના સમયમાં કરિયાણાની બજાર દિવસેને દિવસે વિકસતી રહે છે. બિગબાસ્કેટના ગ્રુપે કહ્યું કે તેઓએ ટાટા ગ્રુપ સાથે હસ્તાક્ષર કર્યા...પણ તેની જાહેરાત સતાવાર રીતે તેઓ ટૂંક સમયમાં કરશે. ટાટા ગ્રુપ  બિગબાસ્કેટમાં ભાગીદારી કરીને મોટું સાહસ કર્યુ.

ટાટા જૂથ બિગબાસ્કેટમાં હિસ્સો ખરીદશે
ટાટા ગ્રુપ ઓનલાઇન કરિયાણાની સાહસ બિગ બાસ્કેટમાં 68 ટકા હિસ્સો ખરીદવા જઈ રહ્યું છે. રિપોર્ટ્સ અનુસાર ટાટાનો આ હિસ્સો 13,500 કરોડ રૂપિયાના બિગબાસ્કેટના એન્ટરપ્રાઇઝ વેલ્યુમાં ફેરવાશે. આનો અર્થ એ થશે કે બિગ બાસ્કેટના અડધાથી વધુ શેર તાતા જૂથના નામે 9500 કરોડ રૂપિયામાં થઈ જશે.

બિગબાસ્કેટમાં અલીબાબાનો છે મોટો હિસ્સો
બિગબાસ્કેટમાં ચીની રિટેલ કંપની અલીબાબાનો મોટો હિસ્સો છે. અલીબાબા મહત્તમ 29 ટકા શેર ધરાવે છે જે તે વેચવા માંગે છે. બીગબેસ્કેટના અન્ય મોટા રોકાણકારોમાં અબરાજ ગ્રૂપ 16.3 ટકા, એસેન્ટ કેપિટલ 8.6 ટકા, હેલિયન વેન્ચર પાર્ટનર્સ 7 ટકા, બેસેમર વેન્ચર પાર્ટનર્સ 6.2 ટકા, મીરાઇ એસેટ નવર એશિયામાં 5 ટકા, ઇન્ટ્રાનેશનલ ફાઇનાન્સ કોર્પોરેશનમાં 4.1 ટકા, સેન્ડ્સ કેપિટલ 4 નો સમાવેશ થાય છે.

ભારતમાં બિગ બાસ્કેટનો છે મોટો વ્યવસાય
બિગબાસ્કેટ ભારતની સૌથી મોટી ઓનલાઇન ખાદ્ય અને ઓનલાઇન કરિયાણા વેચતી કંપની છે. બિગ બાસ્કેટ પ્લેટફોર્મ પર એક હજાર કંપનીઓના લગભગ 40 હજાર ઉત્પાદનો ઉપલબ્ધ છે. બિગબાસ્કેટ એપ્લિકેશનનો ઉપયોગ 6 મિલિયનથી વધુ ગ્રાહકો કરે છે અને કંપનીનો વ્યવસાય દેશના 26 શહેરોમાં ફેલાયેલો છે. બિગબાસ્કેટ દાવો કરે છે કે દરરોજ  કરોડ ઓર્ડર બિગ બાસ્કેટમાં આવે છે.

ટાટા જૂથ રિલાયન્સ સાથે કરશે સ્પર્ધા
કોરોના રોગચાળાને કારણે, દેશભરમાં કરિયાણાનું ઓનલાઇન વેચાણ જોવા મળ્યું છે. ટાટાની વ્યૂહરચના ભારતના ઇ-કોમર્સ માર્કેટમાં પોતાને મજબૂત બનાવવાની છે. માનવામાં આવે છે કે આ રિલાયન્સ અને એમેઝોન સહિતની અન્ય અગ્રણી ઇ-કોમર્સ કંપનીઓને સખત સ્પર્ધા આપશે કારણ કે ટાટા ગ્રૂપનો દાવો છે કે ટાટા ગ્રુપ સુપર એપ્સ દ્વારા નાણાકીય, કરિયાણા અને અન્ય ગ્રાહક મૈત્રીપૂર્ણ સેવાઓ પ્રદાન કરશે.