HDFCએ ગ્રાહકોને કર્યા એલર્ટ, નજરઅંદાજ કરવા પર લાગી શકે છે પેનલ્ટી

નવી દિલ્હીઃ એચડીએફસી (HDFC) બેન્કે નિયમોનું પાલન ન કરવાને લઈને ગ્રાહકોને ઈમેલ અને વોટ્સએપના માધ્યમથી નોટિસ મોકલી છે. બેન્કને આશા છે કે  સંચારની નવી રીત અપનાવવાથી મામલા ઝડપથી પતાવી શકાશે. બેન્કના એક અધિકારીએ કહ્યું, એચડીએફસી બેન્ક દરેક કોર્ટમાં તે વાત પર ભાર આપી રહી છે કે ઈમેલ અને વોટ્સએપ જેવા સંચારના ડિજિટલ માધ્યમોની મદદથી નોટિસ અને સમન મોકલવા જોઈએ. તેનાથી મામલાનો ઝડપથી છૂટકારો મળવામાં મદદ મળશે. 

60 લાખથી વધુ ચેક બાઉન્સના કેસ પેન્ડિંગ
અધિકારીએ કહ્યું કે 60 લાખથી વધુ ચેક બાઉન્સના મામલા દેશમાં પેન્ડિંગ છે અને એચડીએફસી બેન્ક સમન મોકલવાને લઈને ડિજિટલ સાધનોના ઉપયોગને લઈને કોર્ટમાં વિનંતી કરી રહી છે. તેમણે કહ્યું, અમે ઈમેલ અને વોટ્સએપ પર નોટિસ મોકલતા રહ્યાં છીએ. ઘણા મામલામાં અમે જોયું કે પોસ્ટથી મોકલવા પર ગ્રાહક નોટિસ પ્રાપ્ત થયાનો ઈનકાર કરી દે છે. અધિકારીએ કહ્યું,- ઘણીવાર લોકો ઘર ઝડપથી ફેરવી નાખે છે પરંતુ તેનો ઈમેલ અને મોબાઇલ નંબર સામાન્ય રીતે બદલતો નથી. તેથી અમારૂ માનવું છે કે સંચારની નવી રીત પ્રભાવી છે. 

ડિજિટલ માધ્યમોથી આશરે 250 સમન્સ મોકલ્યા
અધિકારીએ કહ્યું, એચડીએફસી બેન્ક અત્યાર સુધી ડિજિટલ માધ્યમોથી આશરે 250 સમન મોકલ્યા છે અને આશા છે કે કાયદા મૂજબ આ મામલાનો પતાવવામાં ઝડપ મળશે. અત્યાર સુધી ડિજિટલ રીતે નોટિસ મોકલવામાં આવી છે. તેના વધુ કેસ મહારાષ્ટ્ર, ગુજરાત, પશ્ચિમ બંગાળ, ઓડિશા, તમિલનાડુ અને ઉત્તર પ્રદેશ સાથે જોડાયેલ છે. કેટલાક મામલા દિલ્હી, ચંડીગઢ, રાજસ્થાન અને જમ્મૂ-કાશ્મીર સાથે સંકળાયેલા છે. 

ચેક બાઉન્સ મામલામાં મોકલી નોટિસ
ચેક બાઉન્સ મામલામાં વાટાઘાટો યોગ્ય સાધનની કલમ 138 મુજબ આવે છે જેમાં પ્રાથમિક નોંધો, એક્સચેન્જ બિલ અને ચેકો સંબંધિત મામલાને પરિભાષિત કરવામાં આવ્યા છે અને સંબંધિત કાયદામાં સંશોદન કરવામાં આવ્યું હતું.