Price Hike: મોંઘવારીનો વધુ એક માર, હવે CNG-PNG નો વારો, જાણો કેટલી વધશે કિંમત

વધતી જતી મોંઘવારીના કારણે ફરી એકવાર આકરો ઝટકો લાગવાનો છે. ફરી એકવાર સીએનજી (CNG) અને પાઇસના રસોઇ ગેસના ભાવ (PNG) માં આગામી મહિને 10-11 ટકાનો વધારો થઇ શકે છે.

Updated By: Sep 28, 2021, 09:29 AM IST
Price Hike: મોંઘવારીનો વધુ એક માર, હવે CNG-PNG નો વારો, જાણો કેટલી વધશે કિંમત

નવી દિલ્હી: વધતી જતી મોંઘવારીના કારણે ફરી એકવાર આકરો ઝટકો લાગવાનો છે. ફરી એકવાર સીએનજી (CNG) અને પાઇસના રસોઇ ગેસના ભાવ (PNG) માં આગામી મહિને 10-11 ટકાનો વધારો થઇ શકે છે. આઇસીઆઇસીઆઇ સિક્યોરિટી (ICICI Securities) ના રિપોર્ટમાં જણાવવામાં આવ્યું છે કે ઓક્ટોબરમાં સરકાર ગેસના ભાવમાં લગભગ 76 ટકાનો વધારો કરી શકે છે. આવો જાણીએ હવે કેટલી વધશે કિંમત.  

મોંઘવારીનો લાગશે આકરો આંચકો
ગેસના ભાવમાં વધારાથી ગાડી ચલાવવી અને ભોજન બનાવવું મોંઘુ બનશે. એટલે કે લગભગ ફરી જનતાને બમણો માર પડવાનો છે. જોકે નવી ડોમેસ્ટિક ગેસ પોલિસી 2014 હેઠળ દર છ મહિનામાં નેચરલ ગેસના ભાવ નક્કી કરવામાં આવે છે. તેના અનુસાર હવે આગામી સમીક્ષા 1 ઓક્ટોબરના રોજ થશે. ઓક્ટોબર બાદ એપ્રિલ 2022 માં ગેસના ભાવ નક્કી થશે. 

મોંઘા પેટ્રોલ-ડીઝલમાંથી મળશે છુટકારો, ફ્લેક્સ ફ્યૂલર વડે દોડશે કાર, જલદી જાહેર થશે આદેશ

આટલા વધશે ગેસના ભાવ
બ્રોકરેજના અનુસાર, 1 ઓક્ટોબર, 2021 થી 31 માર્ચ 2022 ના સમયગાળા માટે APM એટલે એડમિનિસ્ટર્ડ રેટ 3.15 અમેરિકી ડોલર પ્રતિ મિલિયન બ્રિટિશ થર્મલ યૂનિટ (mmBtu) થઇ જશે, જે હાલ 1.79 ડોલર છે. રિલાયન્સ ઇંડસ્ટ્રીઝ લિમિટેડ (Reliance Industries Ltd) ના કેજી-ડી6 અને બીપી પીએલસી (BP Plc) જેવા ઉંડા પાણીના વિસ્તારોમાં ગેસના દર આગામી મહિને વધીને 7.4 ડોલર પ્રતિ એમએમબીટીયૂ થઇ જશે. 

Petrol ના વધતા જતા ભાવને લઇને મોટા સમાચાર! સરકારે કહ્યું ક્યારે અને કેવી રીતે સસ્તુ થશે પેટ્રોલ

10-11 ટકા સુધી વધી જશે ભાવ
આઇસીઆઇસીઆઇ સિક્યોરિટીના રિપોર્ટ અનુસાર સિટી ગેસ ડિસ્ટ્રીબ્યૂટર્સ (CGD) ને ઓક્ટોબરમાં ભાવમાં 10-11 ટકાનો વધારો કરવો પડશે. આંતરરાષ્ટ્રીય બજારોમાં ચલણના અનુસાર એપ્રિલ 2022 થી સપ્ટેમ્બર 2022 માં APM ગેસના ભાવ 5.93 અમેરિકી ડોલર પ્રતિ mmBtu અને ઓક્ટોબર 2022 થી માર્ચ 2023 દરમિયાન 7.65 અમેરિકી ડોલર પ્રતિ mmBtu થવાની આશા વ્યક્ત કરવામાં આવી રહી છે. 

Jio નો ધાંસૂ પ્લાન, વધુ ડેટા સાથે મળશે Netflix-Amazon નું ફ્રી સબ્સક્રિપ્શન

49 થી 53 ટકા સુધી વધશે ભાવ
એટલે એપ્રિલ 2022 માં CNG અને પાઇપ્ડ પ્રાકૃતિ ગેસ (PNG) ના ભાવમાં 22-23 ટકા અને ઓક્ટોબર 2022 માં 11-12 ટકાનો વધારો થશે. APM ગેસની કિમત FY22 ની પહેલી છમાસિકમાં 1.79 ડોલર પ્રતિ mmBtu થી FY23 ની બીજી છમાસિકમાં 7.65 ડોલર પ્રતિ mmBtu સુધી વધવાનો અર્થ MGL અને  IGL ઓક્ટોબર 2021 થી ઓક્ટોબર 2022 દરમિયાન 49-53 ટકાનો વધારો કરવો પડશે. ગેસના ભાવમાં વધારા થી ઓએનજીસી અને ઓઇલ ઇન્ડીયા લિમિટેડ (OIL) ની સાથે-સાથે રિલાયન્સ ઇંડસ્ટ્રીઝ લિમિટેડ જેવી ખાનગી કંપનીઓના માર્જિનને પ્રોત્સાહન આપવામાં મદદ મળશે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube