આ હેન્ડસમ બોલિવૂડમાં હિરો તરીકે આવવા તૈયાર, પિતા એક જમાનાના 'હિરો નંબર વન'

મુંબઈ : બોલિવૂડમાં અનેક સ્ટાર સંતાનો કામ કરી રહ્યા છે. જાન્હવી કપૂર અને સારા અલી ખાન પછી હવે ગોવિંદાનો દીકરો યશવર્ધન બોલિવૂડમાં એન્ટ્રી માટે તૈયાર છે. યશવર્ધન હાલમાં ખાસ ટ્રેઇનિંગ લઈ રહ્યો છે જેથી તે સફળતાપૂર્વક એન્ટ્રી કરી શકે. 

એન્ટરટેઇનમેન્ટ પોર્ટલ પર આપવામાં આવેલી માહિતી પ્રમાણે બોલિવૂડમાં એન્ટ્રી પહેલાં યશવર્ધન સોશિયલ મીડિયા પર સક્રિય છે. ગોવિંદાની દીકરી નર્મદા પહેલાં જ બોલિવૂડમાં એન્ટ્રી કરી ચુકી છે પણ તેને સફળતા નથી મળી. બોલિવૂડમાં એન્ટ્રી પહેલાં તેણે પોતાનું નામ બદલીને ટીના આહુજા કરી નાખ્યું હતું અને 2015માં સેકન્ડ હેન્ડ હસબન્ડથી બોલિવૂડમાં એન્ટ્રી કરી હતી. જોકે બોલિવૂડમાં સફળતા ન મળતા તેણે પંજાબી ફિલ્મો તરફ વળી જવાનું પસંદ કર્યું છે. 

View this post on Instagram

Happy #diwali 💥

A post shared by Yashvardhan Ahuja (@ahuja_yashvardhan) on Nov 9, 2018 at 1:30am PST

ગોવિંદાની ફિલ્મી કરિયર પર નજર નાખો તો હાલમાં તેની ફિલ્મ રંગીલા રાજા રિલીઝ થઈ છે પણ એના બોક્સઓફિસ આંકડા નિરાશાજનક છે. ગોવિંદા હાલમાં અનેક રિયાલિટી શોમાં પણ દેખાયો છે. હાલમાં એક ઇન્ટરવ્યૂમાં ગોવિંદાએ કહ્યું હતું કે બોલિવૂડમાં તે કોઈ ગ્રુપનો હિસ્સો નહોતો જેના કારણે તેને કામ મળવામાં સમસ્યા થવા લાગી હતી.