દુનિયામાં માત્ર 18 લોકો પાસે છે આ લક્ઝરી ઘડિયાળ, 42 કરોડની વોચ સાથે સલમાનનો વીડિયો વાયરલ

Jacob Arabo Ultra Luxury Watch : સલમાન ખાન  (Salman khan)જ્યાં પણ જાય છે તે હંમેશા સમાચારમાં રહે છે. હવે બોલિવૂડના ભાઈજાનના હાથમાં એક ઘડિયાળ જોવા મળી, જેની માલિકી  દુનિયામાં માત્ર 18 લોકો પાસે છે. તેમાં ઘણા હીરા જડેલા છે, આ સ્થિતિમાં આ ઘડિયાળની કિંમત જાણીને તમે પણ ચોંકી જશો.

બોલિવૂડ સુપરસ્ટાર સલમાન ખાન  (Salman khan) તેની દરિયદિલી સાથે સાથે તેની સ્ટાઈલ માટે પણ જાણીતો છે. લોકોને ખાસ કરીને અભિનેતાના પેન્ટની ડિઝાઇન પસંદ છે, પરંતુ આ વખતે તેની એક ઘડિયાળે બધાનું ધ્યાન ખેંચ્યું. જેની કિંમત કરોડોમાં છે. એટલું જ નહીં, તે ઘણા બધા હીરાની સાથે એમરોલ્ડ કટ ડાયમંડથી જડવામાં આવી છે.

View this post on Instagram

A post shared by Jacob Arabo (@jacobarabo)

ખરેખર, તાજેતરમાં જ ભાઈજાન લક્ઝરી ઘડિયાળ અને જ્વેલરી બ્રાન્ડ જેકબ એન્ડ કંપનીના માલિક જેકબ અરાબોને (Jacob Arabo) મળ્યા હતા, જેઓ સલમાનને તેમની લિમિટેડ એડિશનની એક ઘડિયાળ પહેરાવતાતા જોવા મળ્યા હતા. જેનો વીડિયો હાલ સોશિયલ મીડિયા પર વાયરલ થયો છે. આ ઘડિયાળની ડિઝાઇન માત્ર અનોખી જ નથી, પરંતુ તે ખૂબ જ ખાસ પણ છે. એટલા માટે સલમાનના હાથમાં તેને જોઈને બધા આશ્ચર્યચકિત થઈ ગયા.

આ ઘડિયાળની કિંમત છે-
જેકબે સલમાન  (Salman khan)સાથેનો પોતાનો વીડિયો ઈન્સ્ટાગ્રામ પર શેર કર્યો છે. જેમાં અભિનેતાએ બિલિયોનેર III ઘડિયાળ પહેરી છે, જેના વિશ્વભરમાં માત્ર 18 મોડલ અસ્તિત્વમાં છે. આ ઘડિયાળને એટલી શાનદાર રીતે ડિઝાઇન કરવામાં આવી છે કે તેણે તેની વિશિષ્ટતા સાથે તમામ રેકોર્ડ તોડી નાખ્યા છે. ઘડિયાળની કિંમત લગભગ 41.5 કરોડ રૂપિયા છે.

જાણો ક્યાં કેટલા હીરા લાગ્યા છે-
સલમાનના  (Salman khan)હાથમાં જોવા મળેલી આ ઘડિયાળમાં કુલ 714 હીરા છે. તેના ડાયલથી લઈને તેના બેન્ડ સુધી તેમાં કરોડો રૂપિયાના હીરા છે. તેનો કેસ અને અંદરની રીંગ 152 એમરોલ્ડ કટ ડાયમંડથી જડેલી છે. જેમાં દરેક સેક્શનમાં 76 હીરા છે, જ્યારે મૂવમેન્ટ બ્રિજમાં 57 બેગ્યુટ-કટ ડાયમંડ છે અને બ્રેસલેટમાં 504 ડાયમંડ છે. જેણે આ ઘડિયાળને ખૂબ જ ખાસ અને મૂલ્યવાન બનાવી છે.

ફેન્સે કહ્યું- સલમાને ઘડિયાળની કિંમત વધારી-
આ ઘડિયાળ પહેરેલા સલમાનનો વીડિયો સામે આવ્યા બાદ ચાહકો પણ ઉત્સાહિત થઈ ગયા છે. જ્યારે જેકબ કહે છે કે તે ભાગ્યે જ કોઈને તેની બિલિયોનેર III ઘડિયાળ પહેરાવે છે, પરંતુ સલમાન ખાસ છે એટલે એને નિયમો તોડ્યા છે. ફેન્સનું કહેવું છે કે અભિનેતાની ઘડિયાળ પહેરવાથી તેની કિંમત વધુ વધી ગઈ છે, જ્યારે કોઈએ કહ્યું કે જેકબે સલમાનનો આભાર માનવો જોઈએ કે સુપરસ્ટારે તેની ઘડિયાળ પહેરી.

ઘણા સ્ટાર્સ પાસે છે લક્ઝરી ઘડિયાળ-
જેકબ અરબો (Jacob Arabo) એક લક્ઝરી બ્રાન્ડ છે, જે માત્ર કરોડો રૂપિયા કમાતા સ્ટાર્સ પહેરી શકે છે. આવી સ્થિતિમાં, બ્રાન્ડ દ્વારા ઘણી લક્ઝરી ઘડિયાળો બનાવવામાં આવી છે, જે ઘણા પ્રખ્યાત સ્ટાર્સ પહેરે છે. તેમાં મેડોના, રીહાન્ના, જે-ઝેડ, એલ્ટન જોન અને ક્રિસ્ટિયાનો રોનાલ્ડો જેવા ઘણા આંતરરાષ્ટ્રીય સ્ટાર્સ સામેલ છે. જે ઘણા પ્રસંગોએ તેના હાઈ એન્ડ પીસ પહેરતા જોવા મળે છે.