3 Idiots Sequel: શું '3 ઈડિયટ્સ'ની સિક્વલ આવી રહી છે? કરીનાનો વીડિયો સોશિયલ મીડિયા પર વાયરલ

Kareena Kapoor On 3 Idiots Sequel: રાજકુમાર હિરાણી દ્વારા નિર્દેશિત, '3 ઈડિયટ્સ' બોલિવૂડની સૌથી પ્રતિકાત્મક ફિલ્મોમાંની એક છે. આ ફિલ્મ વર્ષ 2009માં રિલીઝ થઈ હતી અને બોક્સ ઓફિસ પર ઘણા રેકોર્ડ બનાવ્યા હતા. આમિર ખાન, આર માધવન, શરમન જોશી, બોમન ઈરાની અને કરીના કપૂર ખાન અભિનીત આ ફિલ્મે દર્શકોને ખૂબ ઈમ્પ્રેસ કર્યા હતા. ફેન્સ ઘણા લાંબા સમયથી આ ફિલ્મની સિક્વલની માંગ કરી રહ્યા છે. ત્યારે કરીના કપૂરે તેની ઇન્સ્ટાગ્રામ પોસ્ટમાં કંફર્મ કર્યુ છે કે '3 ઇડિયટ્સ'ની સિક્વલ આવી રહી છે.

કરીનાએ '3 ઈડિયટ્સ'ના સિક્વલને કર્યુ કંફર્મ 
જણાવી દઈએ કે કરીના કપૂરે પોતાના ઓફિશિયલ ઈન્સ્ટાગ્રામ એકાઉન્ટ પર એક વીડિયો શેર કર્યો છે. આ ક્લિપમાં કરીના આશ્ચર્ય સાથે રીએક્ટ કરતી જોવા મળી રહી છે. વીડિયોમાં પ્રેસ કોન્ફરન્સમાં બેઠેલા આમિર, આર માધવન અને શરમન જોશીની તસવીર જોવા મળે છે અને તેના પર '3 ઈડિયટ્સ' પણ લખેલું છે.

View this post on Instagram

A post shared by Kareena Kapoor Khan (@kareenakapoorkhan)

બોમને પણ '3 ઈડિયટ્સ'ના સિક્વલને કર્યુ કંફર્મ 
માત્ર કરીના જ નહીં, ફિલ્મમાં વાઈરસનું ખૂબ જ લોકપ્રિય પાત્ર ભજવનાર અભિનેતા બોમન ઈરાનીએ પણ પોતાના ઈન્સ્ટાગ્રામ હેન્ડલ પર '3 ઈડિયટ્સ'ની સિક્વલની પુષ્ટિ કરી છે. જોકે તેણે આશ્ચર્ય વ્યક્ત કરતો વીડિયો પણ શેર કર્યો છે. તેના વીડિયોમાં બોમન કહેતો જોવા મળે છે, "તમે લોકો વાયરસ વિના '3 ઈડિયટ્સ' વિશે કેવી રીતે વિચારી શકો? સારું છે કે કરીનાએ મને ફોન કર્યો અને કહ્યું. નહીંતર, મને ખબર જ ન પડી હોત." 

View this post on Instagram

A post shared by Boman Irani (@boman_irani)

આ પણ વાંચો:
Radio Device: આ ડીવાઈસથી તમે 6 કિલોમીટર દૂર સુધી કરી શકશો વાતચીત!
ઘરનાં આંગણામાં આ છોડ હોય તો ભૂલથી પણ ના તોડતા તેના પાન, માં લક્ષ્મી થાય છે નારાજ
ડુંગળી ભોજનનો સ્વાદ જેટલો વધારે છે એટલી જ વધારી શકે છે ચહેરાની સુંદરતા, આ રીતે Use

રાજકુમાર હિરાનીએ પણ '3 ઈડિયટ્સ'ના સિક્વલને કર્યુ કંફર્મ 
તમને જણાવી દઈએ કે થોડા દિવસો પહેલા રાજકુમાર હિરાનીએ પણ મીડિયા સાથેની વાતચીતમાં આ સમાચારની પુષ્ટિ કરી હતી કે '3 ઈડિયટ્સ'ની સિક્વલ આવશે. તેણે ફ્રેન્ચાઈઝી વિશે કહ્યું હતું કે હવે તેની સ્ક્રિપ્ટીંગ ચાલી રહી છે. આ માટે તે તેના કો-રાઈટર અભિજાત જોશી સાથે કામ કરી રહ્યો છે. ડિરેક્ટરે ફિલ્મની કાસ્ટ, પ્લોટ અને તે ક્યારે ફ્લોર પર જશે તેની વિગતો જાહેર કરી નથી.

'3 ઈડિયટ્સ'ની સિક્વલને લઈને ફેન્સ એક્સાઈટેડ 
જણાવી દઈએ કે કરીના કપૂર પણ આમિર ખાન સાથે 2009ની બ્લોકબસ્ટર ફિલ્મ '3 ઈડિયટ્સ'માં જોવા મળી હતી. 55 કરોડના બજેટમાં બનેલી આ ફિલ્મે ટિકિટ બારી પર 400 કરોડની કમાણી કરી હતી. આ ફિલ્મમાં આમિર અને કરીનાની જોડીને ખૂબ પસંદ કરવામાં આવી હતી. તે જ સમયે, ફિલ્મની સિક્વલની જાહેરાત પછી, ચાહકો ફરી એકવાર પડદા પર આમિર, આર માધવન, શરમન અને કરીનાના જોરદાર અભિનયને જોવા માટે ઉત્સાહિત છે.