ટી-સીરિઝના ભૂષણ કુમારે #MeToo વિશે આપ્યો સણસણતો જવાબ

નવી દિલ્હી : ટી-સીરિઝના પ્રમુખ ભૂષણ કુમારે પોતાના પર લાગેલા યૌન શોષણા આરોપોને નકારતા શુક્રવારે કહ્યું કે, આરોપ દ્વારા તેમની છબીને ખરડવાનો પ્રયાસ કરવામાં આવી રહ્યો છે. ટ્વિટર પર એક અજ્ઞાત મહિલાએ આરોપ લગાવ્યો છે કે, કુમારે તેમના પ્રોડક્શન હાઉસની ત્રણ ફિલ્મોમાં ગીત ગાવાને બદલે તેમની સાથે યૌન સંબંધ બનાવવા કહ્યું હતું.

મહિલાઓ આરોપ લગાવ્યો કે, તેણે જ્યારે કુમારનો પ્રસ્તાવ નકારી કાઢ્યો તો ભૂષણે આ વિશે કોઈના વાત કરવા પર તેનું કરિયર બરબાદ કરવાની ધમકી આપી હતી. કુમારે કહ્યું કે, હું આ જાણીને ચિંતિંત અને દુખી છું કે એક અજ્ઞાત વ્યક્તિએ મારું નામ ‘#MeToo’ અભિયાનમાં ધસેડ્યું છે. મારી વિરુદ્ધના આરોપો પાયાવિહોણા છે. મારી છબી હંમેશાથી સાફ રહી છે અને હું એક વ્યવસાયી વ્યક્તિ છું. ટ્વિટનો ઉપયોગ મને અપમાનિત કરીને મારી છબી ખરાબ કરવા માટે કરવામાં આવ્યો છે.

ફરિયાદ દાખલ કરીશ
નિર્માત ભૂષણે આગળ કહ્યું કે, તેઓ મુંબઈ પોલીસના સાઈબર સેલમાં આ ટ્વિટને લઈને ફરિયાદ દાખલ કરાવશે. ઉલ્લેખનીય છે કે, છેલ્લા કેટલાક દિવસોથી બોલિવુડના અનેક ડાયરેક્ટર, એક્ટરનો આ મામલે પર્દાફાશ થયો છે. જોકે, આમાંથી અનેકોએ આરોપ લગાવવાની વિરુદ્ધ માનહાનીનો કેસ દાખલ કરવાની વાત કરી છે. તો બીજી તરફ, આલોકનાથ અને નાના પાટેકર જેવા એક્ટર્સે આ મામલે કોઈ વાત કરી નથી, તેમના વકીલે નિવેદન જાહેર કર્યાં છે.

ભૂષણ કુમાર હાલ પોતાની આગામી ફિલ્મના પ્રોજેક્ટમાં વ્યસ્ત છે. આ ફિલ્મ બેડમિન્ટન પ્લેયર સાયના નહેવાલની બાયોપિક છે. તેમાં લીડ રોલમાં શ્રદ્ધા કપૂર નજરે આવશે. આ ફિલ્મની શુટિંગ ગત મહિને જ શરૂ કરાઈ છે.  

પ્રિન્સ નરુલા અને યુવિકાના લગ્નમાં થયું કંઈક એવું કે, જોતા રહી ગયા બધા મહેમાનો