Swara Bhasker: હવે અભિનેત્રીએ શેર કર્યા સુહાગરાતના Photos, પતિ સાથે જોવા મળ્યો રોમેન્ટિક અંદાજ

બોલીવુડ અભિનેત્રી સ્વરા ભાસ્કર હાલ તેના લગ્નને લઈને ખુબ ચર્ચામાં છે. અભિનેત્રીએ તાજેતરમાં સમાજવાદી પાર્ટીના નેતા ફહદ અહમદ સાથે કોર્ટ મેરેજ કર્યા. સ્વરાએ જેવી આ જાણકારી ફેન્સ સાથે શેર કરી કે સોશિયલ મીડિયા પર તેના પર શુભેચ્છાઓનો વરસાદ થવા લાગ્યો. સ્વરાના લગ્નના ફોટા ખુબ વાયરલ થયા. અભિનેત્રી આ ફોટામાં ખુબ ખુશ પણ જોવા મળી. આ બધા વચ્ચે હવે અભિનેત્રીએ સુહાગરા માટે સજેલા તેના બેડરૂમના ફોટાની ઝલક  દેખાડી છે. 

સ્વરા ભાસ્કરે હાલમાં જ પોતાની ઈન્સ્ટાગ્રામ સ્ટોરી પર એક સાથે અનેક તસવીરો શેર કરી છે. આ તસવીરોમાં અભિનેત્રીએ તેની ફિલ્મી સુહાગરાતની ઝલક દેખાડી છે. વાત જાણે એમ છે કે ફોટામાં સ્વરા ભાસ્કરનો રૂમ, તેનો ફૂલોથી સજેલો બેડ જોવા મળી રહ્યો છે. આ ફોટાના કેપ્શનમાં અભિનેત્રીએ લખ્યું છે કે 'માં પૂરો ખ્યાલ રાખી રહી છે કે મારી સુહાગરાત ફિલ્મી હોય.'

આ ઉપરાંત અન્ય એક સ્ટોરીમાં અભિનેત્રીએ એક વીડિયો પણ શેર કર્યો છે જેમાં એક મહિલા તેને શુભેચ્છા પાઠવતી પૂછે છે કે આ બધુ શું ચાલી રહ્યું છે, જેના પર સ્વરા બેડ દેખાડતા કહે છે કે આ બધુ તેની માતાએ તેના માટે કર્યું છે. 

અત્રે જણાવવાનું કે સ્વરા ભાસ્કર વર્ષ 2019માં એક પ્રોટેસ્ટ દરમિયાન પહેલીવાર ફહાદને મળી હતી. અહીંથી બંનેની મિત્રતા થઈ અને પછી આ મિત્રતા પ્રેમમાં ફેરવાઈ ગઈ. ત્યારબાદ અભિનેત્રીએ 6 ફેબ્રુઆરીના રોજ એક વીડિયો શેર કર્યો હતો અને ફહાદ સાથે પોતાના સંબંધને જગજાહેર કર્યો હતો. હવે કપમ માર્ચમાં પોતાના ટ્રેડિશનલ લગ્નની તૈયારીમાં લાગ્યું છે.