Video: પાર્ટીમાં નાચતી વખતે રણવીરનું અચાનક વચ્ચેથી પેન્ટ ફાટી ગયું, દીપિકાએ બચાવ્યો

નવી દિલ્હી: બોલીવુડના પાવર કપલ દીપિકા પાદુકોણ અને રણવીર સિંહ હંમેશા પોતાની શાનદાર કેમિસ્ટ્રીના કારણે ચર્ચામાં રહે છે. લોકોના દિલ જીતે છે. ઓન સ્ક્રિન હોય કે ઓફ સ્ક્રિન બંનેની આંખોમાં એક બીજા માટે પ્રેમ સ્પષ્ટ જોવા મળે છે. શું તમે જાણો છો એકવાર રણવીર સિંહ પોતાની વિચિત્ર ફેશનના કારણે પાર્ટીમાં અધવચ્ચે Oops મૂમેન્ટનો ભોગ બન્યો હતો અને તે દરમિયાન પત્ની દીપિકા પાદુકોણે પોતાની સ્માર્ટનેસથી હાલાત સંભાળ્યા હતા. 

કપિલ શર્માના શોમાં દીપિકાએ કર્યો ખુલાસો
વાત જાણે એમ હતી કે દીપિકાએ પોતે એક એવો કિસ્સો સંભળાવ્યો કે જાણીને દરેક સ્તબ્ધ થઈ ગયા. કપિલ શર્મા શોનો એક વીડિયો હાલ સોશિયલ મીડિયામાં વાયરલ થઈ રહ્યો છે જેમાં દીપિકાએ રણવીર સિંહ સાથે ઘટેલા આ અજીબ કિસ્સાને શેર કર્યો હતો. આ વીડિયોમાં દીપિકાએ જણાવ્યું કે કેવી રીતે નાચતા નાચતા પાર્ટીમાં રણવીર સિંહનું પેન્ટ ફાટી ગયું અને દીપિકાએ આ ઓકવર્ડ સ્થિતિમાંથી રણવીરને બહાર કાઢ્યો હતો. 

પાર્ટીમાં ફાટી ગયું પેન્ટ
આ વીડિયોમાં દીપિકાએ જણાવ્યું કે આ કિસ્સો ત્યારનો છે જ્યારે તે બંને બાર્સિલોનો એક મ્યુઝિક ફેસ્ટિવલમાં ગયા હતા. તે કહે છે કે રણવીર કઈક લૂઝ જેવું પેન્ટ પહેર્યું હતું અને તે અજીબ ડાન્સ સ્ટેપ કરી રહ્યો હતો. ત્યારે જ અચાનક પાર્ટીમાં અધવચ્ચે તેનું પેન્ટ ફરરરર કરીને ફાટી ગયું. ત્યારે મે મારી બેગમાંથી સોઈ દોરો કાઢ્યો. બધા ડાન્સ કરી રહ્યા હતાં અને પાર્ટીમાં વચ્ચે હું તેનું પેન્ટ સીવી રહી હતી. 

View this post on Instagram

A post shared by Deepveer movies 🔵 (@chhapaak_83thefilm)

દીપિકાએ પુરાવો પણ આપ્યો
આ કિસ્સો કોઈને ખોટો લાગી શકે પરંતુ આ જણાવ્યાં બાદ દીપિકાએ તેનો પુરાવો પણ આપ્યો. દીપિકાએ તે સમયનો ફોટો પણ શેર કર્યો. જેમાં તે રણવીરનું પેન્ટ સિવતી જોવા મળી રહી છે. આ તસવીર જોયા બાદ બધા હસી પડ્યા. કપિલ શર્મા પણ દીપિકાના વખાણ કર્યા વગર રહી શક્યો નહીં. અને રણવીરને ભાગ્યશાળી પતિ ગણાવી દીધો.