ટપોટપ ખૂલી રહેલા જીમને જોઈને AMC એ આદેશ આપ્યો, જીમ ખુલશે તો કાર્યવાહી થશે

Updated By: Apr 2, 2021, 10:39 AM IST
ટપોટપ ખૂલી રહેલા જીમને જોઈને AMC એ આદેશ આપ્યો, જીમ ખુલશે તો કાર્યવાહી થશે
  • જીમનેશયમ બંધ કરવાનો આખરી આદેશ amc એ આપ્યો હતો. જોકે, બે દિવસથી શહેરમાં અનેક જીમ ખૂલી રહ્યાં છે
  • એએમસીના સોલિડ વેસ્ટ મેનેજમેન્ટ વિભાગ દ્વારા સ્પષ્ટતા કરાઈ કે, અમે જીમ ખોલવા માટેનો કોઈ જ આદેશ આપ્યો નથી

અર્પણ કાયદાવાલા/અમદાવાદ :કોરોનાના કેસ સતત વધતા સ્પોર્ટસ સંકુલ, જિમ અને ગાર્ડન બંધ કરવાનો તંત્ર દ્વારા આદેશ આપવામાં આવ્યો હતો. અમદાવાદ મ્યુનિસિપલ કમિશનરે 17મી માર્ચના રોજ અમદાવાદ શહેરના ક્લબ અને તમામ જીમ બંધ કરવાનો આદેશ કર્યો હતો. જે બાદ નવો ઓર્ડર ન થાય ત્યાં સુધી જીમ બંધ રાખવા હુકમ કર્યો હતો. બીજી તરફ કેન્દ્ર સરકારની ગાઈડલાઇન આવતા તમામ જીમ ફરી ખુલી ગયા છે. પરંતુ ઘડાઘડ જિમના દરવાજા શરૂ થઈ રહ્યાં છે. બે દિવસથી અમદાવાદમાં જીમ ખોલવા મામલે ભારે અસમંજસ જોવા મળી હતી. પોલીસ કમિશનરને આદેશને આધાર બનાવી સંચાલકોએ જીમ ખોલ્યા છે. પરંતુ આ વચ્ચે એએમસીનું મોટુ નિવેદન સામે આવ્યું છે. AMCના સોલિસ વેસ્ટ મેનેજમેન્ટ વિભાગે કહ્યું જીમ ખુલશે તો કાર્યવાહી થશે. 

આ પણ વાંચો : ફરી એ જ ઘટનાઓ બનવા લાગી, કોરોનાથી મૃત્યુ પામેલી મહિલાનો મૃતદેહ લઈ 4 કલાક ફર્યો પરિવાર

Amc તરફથી અમને કોઈ સ્પષ્ટતા મળી નથી, એટલે અમે જીમ શરૂ કર્યાં 
અમદાવાદ શહેરમાં કોરોના ગાઈડલાઈન મુજબ, શહેરમાં ફરી તમામ જીમનેશયમ શરૂ થયા છે. જીમનેશયમ ઓપન થવા અંગે સંચાલકોમાં ભારે અસમંજસ જોવા મળી છે. જીમનેશયમ બંધ કરવાનો આખરી આદેશ amc એ આપ્યો હતો. જોકે, બે દિવસથી શહેરમાં અનેક જીમ ખૂલી રહ્યાં છે. ત્યારે એક જીમ સંચાલક જય આચાર્યએ જણાવ્યું હતું કે, Amc તરફથી અમને કોઈ સ્પષ્ટતા મળી નથી. અમે શહેર પોલીસ કમિશનરના જાહેરનામા મુજબ જ અમલ કરી રહ્યા છે. તમામ sop અને નિયમોના પાલન સાથે જ જીમ ચાલી રહ્યા છે. જીમ બંધ કરવાના આદેશ કરનારા amc ની જિમ ખોલવા અંગે કોઈ સ્પષ્ટતા નથી. Amc ના અધિકારીઓ હાલ આ મુદ્દે કંઈપણ કહેવા પણ તૈયાર નથી. 

આ પણ વાંચો : કોરોનાનો કહેર : સુરતમાં વેક્સીન લેનારા 236 લોકો પોઝિટિવ, તો વડોદરામાં 2 નવજાત પોઝિટિવ 

જીમ ખોલવાનો કોઈ આદેશ નથી 
તો અમદાવાદ શહેરમાં ખૂલી રહેલા જીમ મામલે સ્પષ્ટતા કરવામાં આવી છે. એએમસીના સોલિડ વેસ્ટ મેનેજમેન્ટ વિભાગ દ્વારા સ્પષ્ટતા કરાઈ કે, અમે જીમ ખોલવા માટેનો કોઈ જ આદેશ આપ્યો નથી. વિભાગના ડાયરેક્ટર હર્ષદરાય સોલંકીએ જણાવ્યું કે, અમદાવાદમાં જીમ બંધ રાખવાનો આદેશ યથાવત જ છે. નવો આદેશ ન થાય ત્યાં સુધી કોઈપણ જીમનેશયમ ખોલી નહિ શકાય. આવી સ્થિતિમાં જીમ ખુલ્લા નજરે પડશે તો મોટી કાર્યવાહી થશે. 

આ પણ વાંચો : કોરોના વચ્ચે કેરી પણ મોંઘી બને તેવી શક્યતા, કેસર કેરીનો 80 ટકા પાક નિષ્ફળ ગયો