લીંબુના ભાવ માટે રાહતના સમાચાર, માર્કેટમાં ઘટી ગયા ભાવ

તેજસ દવે/મહેસાણા :લૂ લાગવાથી બચવા માટે સૌથી વધુ લીંબુનુ પાણી અક્સીર સાબિત થતુ હોય છે. આવામાં આ ઉનાળામાં લીંબુનુ પાણી તો છોડો લીંબુ જોવા પણ દુષ્કર બન્યા છે. પહેલીવાર લીંબુના ભાવે ચર્ચા જગાવી છે. ત્યારે આ વચ્ચે લીંબુના ભાવ ઘટ્યાના સુખદ સમાચાર સામે આવ્યા છે. ગુજરાતમાં સૌથી વધુ લીંબુ ઉત્પાદન કરતા જિલ્લામાં લીંબુના ભાવ ઘટ્યા છે. 

ઉનાળાની શરૂઆતથી જ લીંબુની માંગમાં વધારો જોવા મળ્યો હતો. ત્યારે રાજ્યમાં લીંબુના ઉત્પાદનમાં મહેસાણા જિલ્લો મહત્વનું સ્થાન ધરાવે છે. પરંતુ ચાલુ વર્ષે વાતાવરણની અનિયમિતતાને કારણે જિલ્લામાં લીંબુના ઉત્પાદનમાં ઘટ જોવા મળી હતી. ઉત્પાદનમાં ઘટ થવાના કારણે લીંબુના ભાવ 200 રૂપિયે કિલો સુધી પહોંચ્યા હતા. અત્યારની વાત કરીએ તો, મહારાષ્ટ્રમાંથી લીંબુની આવક શરૂ થતાં હાલમાં લીંબુના ભાવમાં ઘટાડો જોવા મળી રહ્યો છે. જેમાં હોલસેલ માર્કેટમાં 110 થી 120 પ્રતિ કિલોનો ભાવ અને રિટેલમાં 130 થી 140 રૂપિયા પ્રતિકિલોનો ભાવ હોવાનું મહેસાણા માર્કેટ યાર્ડના વેપારી ધીરજભાઈએ જણાવ્યું. 

આ પણ વાંચો : દિલ્હીમાં નવાજૂની થવાના ભણકારા, નરેશ પટેલ ફરી કોંગ્રેસ દરબારમાં પહોંચ્યા 

લીંબુના ઉત્પાદનમાં મહેસાણા મોખરે
જીરુ, વરિયાળીની જેમ લીંબુના ઉત્પાદનમાં પણ ઉત્તર ગુજરાતનો દબદબો છે. લીંબુના ઉત્પાદનમાં મહેસાણા જિલ્લો સમગ્ર રાજ્યમાં પ્રથમ ક્રમે છે. તો બીજા નંબરે ભાવનગર છે. મહેસાણાના લીંબુની નિકાસ અફઘાનિસ્તાન, પાકિસ્તાન અને અન્ય અરબ દેશોમાં પણ જાય છે. મહેસાણાની વાત કરીએ ત, કડી, ઊંઝા, ઉદાલપુર, ખેરવા, જગુદણ, ઉંટવા, કહોડા, જગન્નાથપુરામાં લીંબુનુ ઉત્પાદન વધુ છે. જિલ્લાની 30 ટકા કેતી માત્ર લીંબુ પર થાય છે. 

આ પણ વાંચો : સ્ટુડન્ટ-શિક્ષકની જોડીએ વાહનોના ધુમાડાનું એવુ સોલ્યુશન શોધ્યું, જે સરકાર પણ ન શોધી શકી  

લીંબુના ભાવ વધવાના કારણો
ભાવ વધારાનું સૌથી મોટું કારણ લીંબુની અછત છે. દેશભરમાં જે શહેરોમાં લીંબુનું મોટા પ્રમાણમાં ઉત્પાદન થાય છે, ત્યાં ભીષણ ગરમી પડી રહી છે. ગરમીના કારણે લીંબુના ઉત્પાદન પર અસર થઈ રહી છે. ગરમી વધુ હોવાના કારણે લીંબુ શરૂઆતમાં જ નષ્ટ થઈ રહ્યા છે, જેાના કારણે ઉત્પાદન પર અસર થઈ છે. ભારે પવન અને ગરમીના કારણે લીંબુ ઝાડથી નીચે પડી રહ્યા છે. જેના કારણે ઉત્પાદન પર અસર થાય છે, તે પણ ભાવ વધારાનું મોટું કારણ છે. ગુજરાત, મહારાષ્ટ્ર, આંધ્રપ્રદેશ, મધ્યપ્રદેશ અને રાજસ્થાન સહિતના વિસ્તારોમાં લીંબુની ખેતી મોટા પ્રમાણમાં થાય છે. જો કો આ વર્ષે આ રાજ્યમાં ગરમીના પ્રમાણમાં સતત વધારો થયો છે. જેના કારણે ઉત્પાદન પર અસર થઈ છે. આ ઉપરાંત પેટ્રોલ-ડીઝલના વધતા ભાવના કારણે ટ્રાન્સપોર્ટ ચાર્જ પણ વધ્યો છે. એક તરફ લીંબુના ઉત્પાદન ઘટ્યું, તો બીજી તરફ વધી રહેલો ટ્રાન્સપોર્ટેશન ચાર્જ. બન્ને જ કારણથી શાકભાજીમાં મોંઘવારી વધી રહી છે. કેટલાક વેપારીઓએ જણાવ્યું કે, ગુજરાતમાં વાવાઝોડા બાદ અસરના કારણે લીંબુનું ઉત્પાદન ઘટ્યું છે. ઉત્પાદન ઓછું થવાના કારણે પણ લીંબુના ભાવ વધ્યા છે. જોકે હાલમાં લીંબુના ભાવમાં ઘટાડો જોવા મળી રહ્યો છે. પરંતુ આગામી દિવસોમાં ફરી લીંબુ મોંઘા થાય તેવી શક્યતા છે.

આ પણ વાંચો :