રાજકોટમાં 1.50 કરોડથી વધુની જૂની નોટ સાથે બેની ધરપકડ

રાજકોટઃ શહેરના શાસ્ત્રી મેદાન પાસેથી 1.5 કરોડથી વધુ કિંમતની જૂની નોટો સાથે SOG પોલીસે બે આરોપીને ઝડપી પાડ્યા છે. આ બન્ને આરોપીઓ જૂની નોટો ક્યાંથી લાવ્યા હતા અને કોને આપવાના હતા તે દિશામાં SOG પોલીસે તપાસ આદરી છે. મહત્વની વાત એ છે કે નોંટ બંધીને 2 વર્ષ જેટલો સમય વીતી ગયો હોવા છત્તા મોટા પ્રમાણમાં વારંવાર જૂની નોટોનો જથ્થો મળી આવે છે. આ જૂની નોટોનો પણ વેપાર થાય છે? શું હજુ પણ જૂની નોટોની નવી નોટો મળી રહી છે? શું આ નોટો આ આરોપીઓની છે કે આ ખાલી મોહરા છે? આ સમગ્ર સવાલોના જવાબ પોલીસ તપાસ બાદ જ સામે આવશે.