દર્દીના પગ નીચેથી જમીન સરકી ગઈ, બે વાર પગનું ઓપરેશન કરનાર નીકળ્યો ઝોલાછાપ ડોક્ટર

Tapi News : સોનગઢમાં ડોક્ટર વિરુદ્ધ ફરિયાદ નોંધાઈ. સર્જન હોવાનું કહીને એક નકલી તબીબે દર્દીના પગનું ઓપરેશન કર્યું હતું. બે વાર ઓપરેશન અસફળ રહેતા પરિજનોને શંકા જઈ હતી. ત્યારે ડોક્ટરનો ભાંડો ખૂલ્યો છે. 

તાપી જિલ્લાના સોનગઢ નગરમાં એક મુન્નાભાઈ એમબીબીએસ ડોકટર વિરુદ્ધ પોલીસ ફરિયાદ નોંધાઈ છે, પોતે ડોકટર ન હોવા છતાં દર્દીનું ઓપરેશન કરી નાખ્યું, એકવાર ઓપરેશન અસફળ રહેતા બીજીવાર પણ ઓપરેશન કર્યું હતું. પરંતુ તે પણ અસફળ રહેતા પરિવારજનોને શંકા ગઈ હતી અને સમગ્ર મામલો બહાર આવ્યો.

તાપી જિલ્લાના સોનગઢમાં લોકમાન્ય મલ્ટી સ્પેશિયાલિસ્ટ હોસ્પિટલમાં પ્રેક્ટિસ કરતા ડોકટર હેમંત પાટીલ વિરુદ્ધ ભાવિનસિંહ ચૌહાણ નામના યુવકે પોલીસ ફરિયાદ નોંધાવી છે. આ ઝોલાછાપ ડોકટર સર્જન હોવાનું કહી ફરિયાદીને સંબંધીના પગનું ઓપરેશન બે વાર કર્યું. પરંતું બંનેવાર ઓપરેશન અસફળ રહેતા પરિજનોને શંકા ગઈ હતી. તેથઈ તેઓએ ડોક્ટરની ડિગ્રીની તપાસ કરી હતી. જેમાં ડોક્ટર બોગસ હોવાનું પ્રાથમિક તબક્કે બહાર આવતા સોનગઢ પોલીસ મથકે ડોકટર વિરુદ્ધ અરજી આપી હતી. સોનગઢ પોલીસે બોગસ ડોકટર હેમંત પાટીલને ડૉક્ટરીના જરૂરી પ્રમાણપત્રો એક સપ્તાહમાં આપવા જણાવ્યું હતું. પરંતુ ડોક્ટરે જરૂરી પ્રમાણપત્રો ન આપતા ડોકટર હેમંત પાટીલ વિરુદ્ધ સોનગઢ પોલીસ મથકે ફરિયાદ નોંધાઈ છે. પરંતુ ડોકટર પોલીસ પકડથી હાલ દૂર હોવાનું મનાઈ રહ્યું છે. બોગસ ડોક્ટરની ધરપકડ બાદ તેનો કેટલા લોકો ભોગ બન્યા છે તે હકીકત બહાર આવશે તેવું તાપી જિલ્લાના ડીવાયએસપી જેએમ નાયકે જણાવ્યું.