આવી રહ્યો છે સોલર કંપનીનો IPO, ગ્રે માર્કેટમાં હાલથી જ રૂ. 100 પ્રીમિયમ પર ભાવ

Solar91 Cleantech IPO: જો તમે કોઈ IPOમાં દાવ લગાવવાનું વિચારી રહ્યા છો, તો તમારા માટે સારા સમાચાર છે. આ અઠવાડિયામાં ઘણી કંપનીઓના IPO રોકાણ માટે ખુલી રહ્યા છે. આ IPO Solar91 Cleantech નો છે. Solar91 Cleantechનો IPO 24 ડિસેમ્બરથી રોકાણ માટે ખુલશે. રોકાણકારો આ ઈશ્યુમાં 27 ડિસેમ્બર સુધી દાવ લગાવી શકે છે. આ માટે પ્રાઇસ બેન્ડ 195 રૂપિયા નક્કી કરવામાં આવી છે.

શું ચાલી રહ્યું છે GMP?
Investorgain.com અનુસાર કંપનીના શેર ગ્રે માર્કેટમાં 100 રૂપિયાના પ્રીમિયમ પર ઉપલબ્ધ છે. મતલબ કે કંપનીના શેર 295 રૂપિયામાં લિસ્ટ થઈ શકે છે. આનો અર્થ એ છે કે કંપનીના શેર 52% પ્રીમિયમ પર લિસ્ટ થઈ શકે છે. આ આઈપીઓ BSE SME પ્લેટફોર્મ પર લિસ્ટ થશે. કંપનીના શેર 1 જાન્યુઆરીએ લિસ્ટ થઈ શકે છે.

શું છે વિગતો?
આ ₹106 કરોડના SME IPOમાં 54.36 લાખ નવા ઇક્વિટી શેરનો સમાવેશ થાય છે. આ IPOના એક લોટમાં કંપનીના 600 શેર સામેલ છે. છૂટક રોકાણકારોએ ઓછામાં ઓછા ₹1.17 લાખનું રોકાણ કરવું પડશે.

ઉલ્લેખનીય છે કે, કંપનીની સ્થાપના વર્ષ 2015માં ચાર IIT ગ્રેજ્યુએટ્સ દ્વારા કરવામાં આવી હતી. Solar91 Cleantechનું મુખ્ય મથક જયપુરમાં છે અને તે સમગ્ર ભારતમાં કમર્શિયલ અને ઈન્ડસ્ટ્રિયલ ગ્રાહકો માટે ટર્નકી EPC સેવાઓમાં સક્રિય છે. હાલમાં કંપની પાસે PM KUSUM (C2 – ફીડર લેવલ સોલારાઇઝેશન) યોજના હેઠળ એક સ્વતંત્ર પાવર પ્રોડ્યુસર (IPP) તરીકે 155MWથી વધુની ઓર્ડર બુક છે. કંપનીએ સમગ્ર ભારતમાં 13 રાજ્યોમાં આશરે 80 મેગાવોટના વિતરિત સોલાર પ્રોજેક્ટ્સ સફળતાપૂર્વક સ્થાપિત કર્યા છે.

કંપનીની યોજના
કંપની આઈપીઓમાંથી એકત્ર થયેલા ભંડોળનો ઉપયોગ આઈપીપીના રૂપમાં પ્રોજેક્ટ વિકસાવવા માટે કરશે. વધુમાં EPC તરીકે કંપની તેની કાર્યકારી મૂડીની જરૂરિયાતોને પૂર્ણ કરશે અને બાકીના ભંડોળ સામાન્ય કોર્પોરેટ હેતુ માટે ખર્ચ કરશે.