Vikram Lander: હવે વિક્રમ લેન્ડર પણ 'ઊંઘી ગયું'! પણ સૂતા પહેલા કરી નાખ્યો જબરદસ્ત કમાલ

Chandrayaan 3: વિક્રમ લેન્ડર પણ ચંદ્ર પર છલાંગ માર્યા બાદ હવે સ્લીપ મોડમાં જતું રહ્યું છે. ચંદ્રયાન 3 મિશનનું લેન્ડર લગભગ સવારે 8 વાગે સ્લીપ મોડમાં સેટ થઈ ગયું. ત્યારબાદ તમામ પેલોડ્સ બંધ કરી દેવાયા છે. ફક્ત રિસિવર ઓન રખાયું છે. અત્યાર સુધીનો તમામ ડેટા બેંગ્લુરુ સ્થિત ISTRACને મળી ચૂક્યો છે. એવી આશા છે કે હવે તે 22 સપ્ટેમ્બરના રોજ ફરીથી જાગી જશે. 

ઈસરોએ પ્રજ્ઞાનને સૂવાડ્યા બાદ આજે એટલે કે 4 સપ્ટેમ્બર 2023ની સવારે 8 વાગે વિક્રમ લેન્ડરને પણ સૂવાડી દીધુ છે. સૂતા પહેલા વિક્રમ  લેન્ડરે ચંદ્ર પર છલાંગ લાવી હતી. છલાંગના પહેલા અને બાદનો ફોટો પણ ઈસરોએ બહાર પાડી છે. જેમાં જગ્યા બદલાયેલી જોવા મળી રહી છે. 

Chandrayaan-3 Mission:
Vikram Lander is set into sleep mode around 08:00 Hrs. IST today.

Prior to that, in-situ experiments by ChaSTE, RAMBHA-LP and ILSA payloads are performed at the new location. The data collected is received at the Earth.
Payloads are now switched off.… pic.twitter.com/vwOWLcbm6P

— ISRO (@isro) September 4, 2023

હાલ વિક્રમ લેન્ડરને સૂવાડતા પહેલા નવી જગ્યા પર તમામ પેલોડ્સથી ત્યાંની તપાસ કરવામાં આવી. ત્યારબાદ વિક્રમ લેન્ડરને સૂઈ જવાનો કમાન્ડ અપાયો. હાલ તમામ પેલોડ્સ બંધ છે. ફક્ત રિસિવર ઓન છે. જેથી કરીને બેંગલુરુથી કમાન્ડ લઈને ફરીથી કામ કરી શકે. 

સૂતા પહેલા કર્યો કમાલ
વિક્રમની બેટરી જેવું ધીરે ધીરે ઘટવા લાગશે તે ગાઢ ઊંઘમાં સરી પડશે. હવે ઈસરોને આશા છે કે 22 સપ્ટેમ્બરના રોજ ફરીથી વિક્રમ લેન્ડર કામ કરી શકે છે. આ પહેલા ગઈ કાલે એટલેકે 3 સપ્ટેમ્બરના રોજ વિક્રમ લેન્ડરે ચંદ્ર પર  છલાંગ લગાવી હતી. તે પોતાની જગ્યા પરથી કૂદીને 30-40 સેન્ટીમેટર દૂર ગયું હતું. તે હવામાં 40 સેન્ટીમીટર જેટલું કૂદ્યું. વિક્રમની આ છલાંગ ભવિષ્યના સેમ્પલ રિટર્ન અને માણસ મિશનમાં ઈસરોને મદદ કરશે. 

Chandrayaan-3 Mission:
🇮🇳Vikram soft-landed on 🌖, again!

Vikram Lander exceeded its mission objectives. It successfully underwent a hop experiment.

On command, it fired the engines, elevated itself by about 40 cm as expected and landed safely at a distance of 30 – 40 cm away.… pic.twitter.com/T63t3MVUvI

— ISRO (@isro) September 4, 2023

છલાંગ લગાવતા પહેલા રોવરનું રેમ્પ બંધ
હાલ વિક્મ લેન્ડરના તમામ ભાગ અને યંત્ર યોગ્ય રીતે કામ કરી રહ્યા છે. આ છલાંગ લગાવતા પહેલા વિક્રમ લેન્ડરના રેમ્પ, ચાસ્ટે અને ઈસ્લા પેલોડ્સ બંધ કરાયા હતા. ફરીથી સોફ્ટ લેન્ડિંગ  બાદ ફરીથી ખોલાયા. તે પહેલા ચંદ્રયાન 3ના પ્રજ્ઞાન રોવરને ચંદ્ર પર એવી જગ્યાએ લાવીને સ્લીપ મોડમાં મૂકી દેવાયું કે જ્યાં ફરીથી જ્યારે સૂરજ ઉગે તો તેને સૂર્ય ઉર્જા મળી શકે તો તે ફરીથી એક્ટિવ થઈ શકે. 

પ્રજ્ઞાન સૂઈ ચૂક્યું છે
ચંદ્ર પર આગામી એક બે દિવસમાં અંધારુ છવાવા લાગશે. સૂરજ ઢળી જશે. ત્યારબાદ લેન્ડર રોવર 14-15 દિવસ સુધી રાતમાં રહેશે. એટલે કે ચંદ્ર પર રાત શરૂ થશે. પરંતુ હાલ ચંદ્ર પર દિવસ છે એટલે કે સાંજ પડવાની છે. ચંદ્રયાન 23 ઓગસ્ટ 2023ના રોજ સાંજે છ વાગ્યાને ચાર મિનિટે ચંદ્રના દક્ષિણ ધ્રુવ પાસે ઉતર્યું હતું. તે સમયે ત્યાં સૂરજ ઉગી રહ્યો હતો. 

ઈસરોનું પ્લાનિંગ હતું કે ચંદ્રના જે હિસ્સા પર લેન્ડર રોવર ઉતરે ત્યાં આગામી 14-15 દિવસ સુધી સુરજની રોશની પડતી રહે. એટલે કે હજુ પણ ત્યાં દિવસ છે. જે આગામી ચાર પાંચ દિવસ સુધી રહેશે. ત્યારબાદ અંધારું થશે. સૂરજની રોશની લેન્ડર રોવર પર પડશે નહીં. આવું એટલા માટે કરવામાં આવી રહ્યું છે કારણ કે જેથી કરીને પહેલેથી જ બેટરીને સંપૂર્ણ રીતે ચાર્જ કરીને સિસ્ટમ બંધ કરી દેવામાં આવે. જેથી બાદમાં જરૂર પડ્યે તેમને ફરીથી ઓન કરી શકાય. 

અંધારા પછી શું
લેન્ડર અને રોવરમાં સોલર પેનલ લાગેલી છે. તેઓ સૂરજ પાસેથી ઉર્જા લઈને ચાર્જ થાય છે. જ્યાં સુધી સુરજની રોશની મળશે, તેમની બેટરી ચાર્જ થતી રહેશે અને તેઓ કામ કરતા રહેશે. અંધારું થયા બાદ પણ થોડા દિવસ કે કલાકો સુધી રોવર અને લેન્ડર કામ કરી શકે છે. એ તેમની બેટરીના ચાર્જિંગ પર નિર્ભર કરે છે. પરંતુ ત્યારબાદ તેઓ આગામી 14-15 દિવસ સુધી સૂરજ ઉગવાની રાહ જોશે. બની શકે કે સૂરજ ઉગ્યા બાદ તેઓ ફરીથી એક્ટિવ થઈ જાય. આગામી 14-15 દિવસ કામ કરે. ચંદ્રમાં પર દર 14-15 દિવસમાં સૂરજ ઉગે છે. પછી એટલા જ દિવસ અસ્ત રહે છે.