અસમ અને મેઘાલય માટે ઐતિહાસિક દિવસ, 50 વર્ષ જૂના સરહદ વિવાદનો આવ્યો ઉકેલ

નવી દિલ્હીઃ અસમ અને મેઘાલય વચ્ચે 50 વર્ષથી ચાલી રહેલા જમીન વિવાદનો આજે ઉકેલ આવી ગયો છે. બંને રાજ્યોના મુખ્યમંત્રીઓએ કેન્દ્રીય ગૃહમંત્રી અમિત શાહની હાજરીમાં સમજુતી પર સહી કરી છે. અસમ અને મેઘાલય વચ્ચે 12 જગ્યા પર સરહદ વિવાદ છે. પ્રથમ તબક્કામાં 6 વિવાદીત ક્ષેત્રોનો ઉકેલ લાવવામાં આવ્યો છે. જ્યારે બીજા તબક્કામાં અન્ય છ જગ્યાઓ પર જલદી હસ્તાક્ષર થશે. અમિત શાહે આ સમજુતીને ઐતિહાસિક ગણાવી છે. 

ગૃહ મંત્રી અમિત શાહે કહ્યુ, 'આજનો દિવસ એક વિવાદ મુક્ત પૂર્વોત્તર માટે ઐતિહાસિક દિવસ છે, દેશમાં જ્યારથી મોદી જી પ્રધાનમંત્રી બન્યા ત્યારથી પૂર્વોત્તરની શાંતિ પ્રક્રિયા, વિકાસ, સમૃદ્ધિ અને ત્યાંના સાંસ્કૃતિક વારસાના સંવર્ધન માટે અનેક પ્રયાસો કર્યા છે.'

#WATCH Assam CM Himanta Biswa Sarma and Meghalaya CM Conrad K Sangma sign an agreement to resolve the 50-year-old pending boundary dispute between their states, in the presence of Union Home Minister Amit Shah in Delhi pic.twitter.com/hnP6hs8yMm

— ANI (@ANI) March 29, 2022

તેમણે આગળ કહ્યુ, મને ખુશી છે કે આજે વિવાદની 12 જગ્યાઓમાંથી 6 પર અસમ અને મેઘાલય વચ્ચે સમજુતી થઈ છે. સરહદની લંબાઈની દ્રષ્ટિથી જોઈએ તો લગભગ 70 ટકા સરહદ વિવાદ આજે મુક્ત થઈ ગયો છે. મને વિશ્વાસ છે કે બાકી છ જગ્યાનો પણ અમે નજીકના ભવિષ્યમાં ઉકેલ લાવી દેશું. 

It is a historic day for us. After this MoU, in the next 6-7 months, we aim to resolve the issue of the remaining disputed sites. We will work towards making the Northeast region a growth engine in the country: Assam CM Himanta Biswa Sarma pic.twitter.com/Siev2ULgIq

— ANI (@ANI) March 29, 2022

I also want to thank all members of the committee and the officers from both states. We will try to resolve further differences between our states at the earliest: Meghalaya CM Conrad K Sangma pic.twitter.com/mJ8NgWLYun

— ANI (@ANI) March 29, 2022

સમજુતી બાદ અસમના મુખ્યમંત્રી હેમંત બિસ્વા સરમાએ કહ્યુ કે, આ એમઓયૂ બાદ અમે બીજા તબક્કાનું કામ શરૂ કરીશું અને આગામી 6-7 મહિનામાં બાકી છ વિવાદિત જગ્યાનો હલ કાઢવાનો પ્રયાસ કરીશું. મેઘાલયના મુખ્યમંત્રી કોનરાડ સંગમાએ કહ્યુ કે, આગળ જઈને બાકી જગ્યાઓ પર વિવાદ છે, તેને હલ કરી લેવામાં આવશે.