Shocking: સરકારી યોજનાનો લાભ લેવા ભાઇએ બહેન સાથે કર્યા લગ્ન, જાણો શું છે મામલો

Viral News: એક વિચિત્ર ઘટનામાં એક વ્યક્તિએ મુખ્યમંત્રી સમૂહ લગ્ન યોજનાના પૈસા લેવા માટે પોતાની જ બહેન સાથે સમૂહ લગ્ન કરી લીધા છે. જોકે લગ્ન સમાજ કલ્યાણ વિભાગ દ્વારા કરાવવામાં આવે છે. સમૂહ લગ્ન યોજના અંતગર્ત રાજ્ય સરકાર દરેક કપલને ઘરેલૂ ઉપહાર ઉપરાંત 35,000 રૂપિયા આપે છે. યોજનાના વિવરણ અનુસાર વરરાજાના ખાતામાં 20,000 રૂપિયા જમા કરવામાં આવે છે અને 10,000 રૂપિયાની ભેટ પણ આપવામાં આવે છે. લગ્ન 11 ડિસેમ્બરના રોજ ફિરોજાબાદના ટૂંડલામાં થયા હતા. 

દંપતીની ઓળખ ભાઈ અને બહેન તરીકે થઈ
આ મામલો ત્યારે પ્રકાશમાં આવ્યો જ્યારે સ્થાનિક ગ્રામજનોએ પરિણીત યુગલને ભાઈ અને બહેન તરીકે ઓળખ્યા. ટુંડલા બ્લોક ડેવલપમેન્ટ ઓફિસના પરિસરમાં આ કાર્યક્રમનું આયોજન કરવામાં આવ્યું હતું, જેમાં 51 અન્ય યુગલોએ પણ લગ્ન કર્યા હતા. બ્લોક ડેવલપમેન્ટ ઓફિસર ટુંડલા નરેશ કુમારે જણાવ્યું હતું કે આમાં સામેલ વ્યક્તિઓ સામે કાર્યવાહી કરવામાં આવશે. જેના આધાર કાર્ડની ચકાસણી કરવામાં આવી રહી છે તે ભાઈ સામે પણ FIR દાખલ કરવામાં આવી છે.

કેસની તપાસ શરૂ
બ્લોક ડેવલપમેન્ટ ઓફિસર નરેશ કુમારે જણાવ્યું કે ગ્રામ પંચાયત સચિવ મરસેના કુશલપાલ, ગ્રામ પંચાયત ઘિરોલીના સચિવ અનુરાગ સિંહ, ADO સહકારી સુધીર કુમાર, ADO સમાજ કલ્યાણ વિભાગ ચંદ્રભાન સિંહ પાસેથી સ્પષ્ટતા માંગવામાં આવી છે, જેઓ લગ્ન માટે યુગલોની શોધ કરી રહ્યા છે. સંતોષકારક જવાબ નહીં મળે તો તેમની સામે કાર્યવાહી કરવામાં આવશે.

આ પણ વાંચો: Health Tips: રાત્રે ઉંઘતાં પહેલાં ભૂલથી પણ ના પીવો પાણી, આ મોટી બીમારીઓનો શિકાર બનશો
આ પણ વાંચો: શરીરને ઠંડક આપે છે છાશ, વજન તો ઘટાડશે જ આ ઉપરાંત છે બીજા આ 5 ફાયદા
આ પણ વાંચો: યુવતીઓની પહેલી પસંદ હોય છે આવા પુરૂષો: થઈ જાય છે સામેથી ફીદા

આરોપી વિરુદ્ધ FIR નોંધવામાં આવી
BDO નું કહેવું છે કે આરોપી ભાઈ વિરુદ્ધ નકલી લગ્ન કરવા બદલ FIR નોંધવામાં આવી છે. આ ઉપરાંત બનાવટના આરોપમાં અન્ય ઘણા યુગલો સામે પણ કાર્યવાહી કરવામાં આવી રહી છે. એક મહિલા પાસેથી સામાન પણ પરત લેવામાં આવ્યો છે. ત્યાં મામલાની તપાસ કરવામાં આવી રહી છે. તપાસમાં દોષિત જણાશે તો તેમની સામે કડક કાર્યવાહી કરવામાં આવશે.