Fact Check: 'કોરોનાના કારણે દેશમાં લાગશે લોકડાઉન', જાણો આ વાયરલ દાવાની સચ્ચાઈ

Fact Check News: ચીન, જાપાન, અમેરિકા, કોરિયા સહિત અનેક દેશોમાં કોરોનાએ હાહાકાર મચાવેલો છે. જેને જોતા ભારતમાં પણ ખુબ સાવધાની વર્તવામાં આવી રહી છે. કેન્દ્ર સરકારે પણ રાજ્યોને સતર્ક રહેવાનું કહ્યું છે. ચીન સહિત અનેક દેશોના મુસાફરો માટે આરટી પીસીઆર ટેસ્ટનો નેગેટિવ રિપોર્ટ પણ ફરજિયાત કરાયો છે. આ બધા વચ્ચે દેશમાં અનેક પ્રકારની અફવાઓ ફેલાઈ રહી છે. 

સોશિયલ મીડિયા પર એક મેસેજ વાયરલ થયો છે જેમાં કહેવાય છે કે કોરોનાના કારણે દેશમાં લોકડાઉન લાગશે અને આગામી 20 દિવસ સુધી શાળા/કોલેજો બંધ રહેશે. આ વાયરલ ખબરને પીઆઈબી ફેક્ટ ચેક યુનિટે ફેક ગણાવ્યો છે. 

सोशल मीडिया पर कई खबरों को शेयर करते हुए दावा किया जा रहा है कि #Covid19 के कारण देश में लॉकडाउन लगेगा और स्कूल/कॉलेज बंद रहेंगे। #PIBFactCheck

✅ ये सभी दावे फ़र्ज़ी हैं।

✅ कोविड से जुड़ी ऐसी किसी भी जानकारी को शेयर करने से पहले #FactCheck अवश्य करें। pic.twitter.com/jLcIeI9pBn

— PIB Fact Check (@PIBFactCheck) January 4, 2023

ટ્વિટર પર તે વિશે પ્રતિક્રિયા આપતા પીઆઈબીની ફેક્ટ ચેક યુનિટે કહ્યું કે સોશિયલ મીડિયા પર અનેક ખબરો શેર કરતા દાવો કરવામાં આવી રહ્યો છે કે કોવિડ-19ના કારણે દેશમાં લોકડાઉન લાગશે અને શાળા કોલેજો બંધ રહેશે. પીઆઈબીની ફેક્ટ ચેક યુનિટે કહ્યું કે આ તમામ દાવા ફેક છે. કોવિડ સંબંધિતિ આવી કોઈ પણ જાણકારી શેર કરતા પહેલા ફેક્ટ ચેક અવશ્ય કરો.

કોરોના અંગે સરકાર સતર્ક
કોરોનાના વધતા ખતરાને જોતા કેન્દ્રીય સ્વાસ્થ્ય મંત્રાલયે સોમવારે કહ્યું હતું કે ચીન, હોંગકોંગ, જાપાન, દક્ષિણ કોરિયા, સિંગાપુર અને થાઈલેન્ડથી ભારતના કોઈ એરપોર્ટ પર પોહંચી રહેલા મુસાફરો માટે કોવિડનો નેગેટિવ ટેસ્ટ ફરજિયાત છે. તેમાં કહેવાયું હતું કે ભલે તેમણે મૂળ રીતે કોઈ પણ દેશથી મુલાફરી કરી હોય. 

જુઓ લાઈવ ટીવી