ભાણીના લગ્નમાં 1 કરોડનું મામેરું : સાસરિયાં બંડલો ગણતાં ગણતાં થાકી ગયા

Tax on Gifts: હરિયાણામાં મામેરાંની અનોખી વિધિ જોવા મળી છે. રેવાડીમાં જ્યારે એક ભાઈ તેની વિધવા બહેનના ઘરે મામેરું ભરવા ગયો તો તેને જોઈને બધા આશ્ચર્યચકિત થઈ ગયા. કારણ કે સતબીરે તેની બહેનને મામરાંમાં એક કરોડ 1 લાખ 51 હજાર રૂપિયા આપ્યા હતા.

રેવાડીમાં, એક ભાઈએ તેની એકમાત્ર બહેનના ઘરે ચલણી નોટો ફેલાવી ત્યારે લગ્નમાં હાજર તમામ લોકોની આંખો ચકરાઈ ગઈ હતી. ભાઈએ માત્ર 1 કરોડ, 1 લાખ, 51 હજાર 101 રૂપિયા રોકડા જ નહીં, કરોડો રૂપિયાની જ્વેલરી પણ આપી. તેનો વીડિયો પણ વાયરલ થઈ રહ્યો છે જે ચર્ચાનો વિષય બની રહ્યો છે. મળતી માહિતી મુજબ, સતબીરનો પોતાનો ક્રેનનો વ્યવસાય છે, સતબીર શરૂઆતથી જ તેની વિધવા બહેનને મદદ કરી રહ્યો છે.

સતબીર મામેરાંની વિધિ કરવા ગયો હતો.
રેવાડીના દિલ્હી-જયપુર હાઈવેને અડીને આવેલા અસલવાસ ગામમાં રહેતા સતબીરની બહેનના લગ્ન સિંદરપુરમાં થયા હતા. હાલ તે તેના પરિવાર સાથે પડૈયાવાસ પાસે રહે છે. સતબીરની એકમાત્ર બહેનના પતિનું ઘણા સમય પહેલા અવસાન થયું હતું. તેની એક જ ભાણી છે, જેના લગ્ન પહેલા સતબીર મામેરાંની (શગુન) વિધિ કરવા ગામ ગયો હતો.

गांव आसलवास जिला रेवाड़ी(हरियाणा) के सतवीर खटाना ने अपनी विधवा बहन के भरा 1 करोड़ 1 लाख 11 हजार 111 रुपए का भात। pic.twitter.com/JlLn0gKaI4

— Troll Indian Politics (@itrollpolitiics) November 27, 2023

સાંજે મામેરાં પીરસવાની વિધિ શરૂ થઈ ત્યારે ત્યાં હાજર સૌ કોઈ સ્તબ્ધ થઈ ગયા. સતબીરે તેની બહેનના ઘરે 500 રૂપિયાની નોટોના બંડલ મૂક્યા. 1 કરોડ, 1 લાખ, 51 હજાર 101 રૂપિયાની સમગ્ર રકમ રોકડમાં આપવામાં આવી હતી. આ સિવાય સતબીરે તેની બહેન અને ભાણીને કરોડો રૂપિયાના ઘરેણાં અને અન્ય વસ્તુઓ પણ આપી હતી. આ વીડિયો વાયરલ થયા બાદ દરેક જગ્યાએ તેની ચર્ચા થઈ રહી છે.