Corona Update: કોરોનાના નવા કેસમાં ધરખમ ઘટાડો નોંધાયો, જાણો લેટેસ્ટ અપડેટ

નવી દિલ્હી: દક્ષિણ ભારતમાં કોરોનાના જે રીતે કેસ વધતા હતા તેને લઈને ચિંતાનું મોજું ફરી વળ્યું હતું. જો કે આરોગ્ય મંત્રાલયે આજે જાહેર કરેલા આંકડામાં ધરખમ ઘટાડો જોવા મળ્યો છે. છેલ્લા 24 કલાકમાં દેશભરમાંથી કોરોનાના 31 હજાર જેટલા નવા કેસ નોંધાયા છે. ગઈ કાલે નવા 43 હજાર જેટલા કેસ નોંધાયા હતા. 

છેલ્લા 24 કલાકમાં આટલા નોંધાયા કેસ
કેન્દ્રીય આરોગ્ય મંત્રાલયે આજે સવારે જાહેર કરેલા આંકડા મુજબ છેલ્લા 24 કલાકમાં દેશભરમાંથી કોરોનાના નવા 30,941 કેસ નોંધાયા છે. ગઈ કાલે કોરોનાના 42,909 દર્દીઓ નોંધાયા હતા. જે જોતા નવા કેસમાં ધરખમ ઘટાડો જોવા મળ્યો છે. એક દિવસમાં 36,275 દર્દીઓ રિકવર પણ થયા છે. 

એક દિવસમાં 350 દર્દીઓના કોરોનાથી મૃત્યુ
સરકારી આંકડા મુજબ દેશભરમાં કોરોનાથી 350 દર્દીઓના મૃત્યુ થયા છે. આ સાથે કોરોનાથી કુલ મૃત્યુઆંક 4,38,560 પર પહોંચ્યો છે. હાલ દેશમાં 3,70,640 કોરોના દર્દીઓ સારવાર હેઠળ છે. દેશમાં ચાલી રહેલા રસીકરણ અભિયાન હેઠળ અત્યાર સુધીમાં કોરોના રસીના 64,05,28,644 ડોઝ આપવામાં આવ્યા છે. 

Out of 30,941 fresh COVID-19 cases & 350 deaths, Kerala reported 19,622 cases & 132 deaths yesterday

— ANI (@ANI) August 31, 2021

કેરળમાં 19,622 કેસ નોંધાયા
કેરળમાં પણ નવા કેસમાં ઘટાડો જોવા મળ્યો છે. છેલ્લા 24 કલાકમાં કેરળમાં 19,622 નવા કેસ નોંધાયા છે. જ્યારે 132 લોકોએ કોરોનાથી જીવ ગુમાવ્યા છે.