Jammu Kashmir: સુરક્ષા દળોનો આતંક પર મોટો હુમલો, Pulwama માં 5 આતંકીઓને માર્યા ઠાર

શ્રીનગર: જમ્મુ-કાશ્મીરમાં (Jammu Kashmir) સુરક્ષા દળોએ આતંકવાદીઓ વિરુદ્ધ મોટી કાર્યવાહી હાથ ધરીને 5 આતંકીઓને (Terrorists) ઠાર કર્યા છે. માર્યા ગયેલા આતંકવાદીઓમાં લશ્કર-એ-તૈયબાના (LeT) જિલ્લા કમાન્ડરનો પણ સમાવેશ છે.

જમ્મુ-કાશ્મીર (Jammu Kashmir) પોલીસના આઈજી (શ્રીનગર ઝોન) વિજય કુમારે કહ્યું કે પુલવામાના (Pulwama) હંજિન રાજપોરા વિસ્તારમાં સુરક્ષા દળો અને આતંકવાદીઓ (Terrorists) વચ્ચે અથડામણ થઈ હતી. આ વિસ્તારમાં છુપાયેલા આતંકવાદીઓએ સર્ચ ઓપરેશન (Search Operation) દરમિયાન ગુરુવારે મોડી રાત્રે ગોળીબાર કર્યો હતો. જે બાદ સુરક્ષા દળોએ આ વિસ્તારને ઘેરી લીધો હતો અને 5 આતંકીઓને ઠાર કર્યા હતા.

આ પણ વાંચો:- લગ્ન પછી તરત જ મુશ્કેલીમાં મૂકાઈ બોલીવુડ અભિનેત્રી યામી ગૌતમ, ED મોકલ્યું સમન

તેમણે કહ્યું કે, લશ્કર-એ-તૈયબાના (LeT) જિલ્લા કમાન્ડર નિશાજ લોન પણ માર્યા ગયેલા આતંકવાદીઓમાં સામેલ છે. તેની સાથે એક પાકિસ્તાની આતંકી પણ માર્યો ગયો છે. આઇજીએ કહ્યું કે આ ઓપરેશનમાં આતંકીઓ પાસેથી ઘણાં હથિયારો મળી આવ્યા છે. સ્લીપર સેલ્સ અને તેમની સાથે જોડાયેલા નેટવર્કની તપાસ કરવામાં આવી રહી છે.