Jammu Kashmir: આતંકીઓએ CRPF ના બંકર પર કર્યો ગ્રેનેડ હુમલો, 3 નાગરિકોને ઈજા

શ્રીનગરઃ જમ્મુ-કાશ્મીરના શ્રીનગરમાં લાલ ચોકથી આશરે એક કિલોમીટર દૂર આતંકીઓએ સીઆરપીએફના જવાનોના એક બંકર પર ગ્રેનેડ હુમલો કર્યો છે. પરંતુ આ આતંકી હુમલામાં સુરક્ષાદળોને કોઈ નુકસાન પહોંચ્યું નથી, પરંતુ ત્રણ સ્થાનીક લોકો ગ્રેનેડ હુમલામાં ઈજાગ્રસ્ત થયા છે. 

આ ગ્રેનેડ હુમલા બાદ સુરક્ષાદળોએ તે વિસ્તારમાં ઘેરાબંધી કરી લીધી છે અને સર્ચ અભિયાન શરૂ કરી દીધુ છે. પરંતુ હાલ પોલીસે હુમલાખોરો વિશે કોઈ જાણકારી આપી નથી. 

Jammu and Kashmir: Three civilians have been injured in the grenade attack on CRPF party at Barbar Shah in Srinagar.

(Visuals deferred by unspecified time) pic.twitter.com/gkXuufF9Pp

— ANI (@ANI) June 26, 2021

ઈજાગ્રસ્તોમાં એક મહિલા પણ સામેલ
મહત્વનું છે કે છેલ્લા કેટલાક દિવસથી શ્રીનગરની આસપાસ આતંકીઓ ઘટનામાં વધારો થયો છે. હાલમાં બે પોલીસકર્મીની હત્યાની ઘટના પણ સામે આવી હતી. મહત્વનું છે કે આ હુમલો લાલ ચોકથી માત્ર એક કિલોમીટર દૂર થયો છે. તેવામાં સુરક્ષાને લઈને લોકો ચિંતિત છે. 

આ પણ વાંચોઃ શું મહાગઠબંધનમાં સામેલ થશે LJP? ચિરાગે કહ્યુ- તેજસ્વી મારો નાનો ભાઈ

વીકેન્ડ લૉકડાઉનને કારણે ઓછુ નુકસાન
તમને જણાવી દઈએ કે કોરોના સંક્રમણને કારણે વિસ્તારમાં વીકેન્ડ લૉકડાઉન લાગૂ છે. આ કારણે આજે રસ્તા પર ઓછી ભીડ હતી. જેના કારણે વધારે નુકસાન થયું નથી.