Video: મા એ મા... કોઈએ કહ્યું મોત બાદ સરકાર આપે છે વળતર તો મા એ દીકરાની ફી માટે મોતને વ્હાલું કર્યું

સેલમઃ તમિલનાડુના સેલમમાં સનસનીખેજ ઘટના સામે આવી છે. સેલમના 2 અગ્રહારમ સ્ટ્રીટમાં એક 46 વર્ષની મહિલાએ પોતાના બાળકોના અભ્યાસના ખર્ચ  માટે નાણાકીય વળતર હાસિલ કરવા માટે પોતાનો જીવ આપી દીધો છે. મહિલાએ જાહેરમાં એક બસની સામે આવીને આપઘાત કરી લીધો છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. 

બસમાં ટકરાયા બાજ મહિલાનું મોત થઈ ગયું છે. મહિલાની ઓળખ પપાથી (45) તરીકે થઈ છે. તે કલેક્ટર ઓફિસમાં સફાઈ કર્મચારી હતી. મહિલાએ પોતાના પુત્રના સારા ભવિષ્ય માટે તમિલનાડુ સરકાર પાસે નાણાકીય મદદ મેળવવા માટે 28 જૂને ચાલતી બસની સામે કુદી ગઈ હતી. જાણવા મળી રહ્યું છે કે મહિલાને કોઈએ સરકારી વળતર મેળવવા માટે ગેરમાર્ગે દોરતા આ રીતે જણાવી હતી. ત્યારબાદ મહિલા પણ આવું ખતરનાક પગલું ભરવા માટે તૈયાર થઈ ગઈ હતી. 

Heartbreaking 🥹 A mom, a cleaner at Collector's office in Salem, takes her own life by jumping in front of a bus, deceived by someone, in desperate hope of securing Govt aid for her son's college fees of 45,000 💔

pic.twitter.com/khwErl0DLA

— KARTHIK DP (@dp_karthik) July 18, 2023

પોલીસના સૂત્રો પ્રમાણે મહિલાએ દુર્ઘટનાના એક દિવસ પહેલા અન્ય એક બસની સામે કૂદવાનો પ્રયાસ કર્યો હતો. પરંતુ ત્યારે તે ટૂ-વ્હીલર સામે ટકરાઈ ગઈ હતી. તેના થોડા સમય બાદ તે ફરી રસ્તો પાર કરે છે અને બીજી બસ સામે ટકરાઈ જાય છે. આ ઘટનાના સીસીટીવી ફૂટેજ પણ સામે આવ્યા છે. તેમાં મહિલા બસ સામે ટકરાતી જોવા મળી રહી છે. બસમાં ટક્કર બાદ મહિલાનું મોત થઈ જાય છે. 

આ પણ વાંચોઃ હવે ખરો ખેલ શરૂ! આગામી લોકસભા ચૂંટણીમાં NDA ને ટક્કર આપશે વિપક્ષનું મહાગઠબંધન INDIA

પ્રાપ્ત વિગત અનુસાર મહિલા પુત્રની સ્કૂલ ફી ન ચુકવી શકવાને કારણે ડિપ્રેશનમાં હતી. તેવામાં તેને કોઈએ ગેરમાર્ગે દોરતા કહ્યું કે અકસ્માતમાં મોત થશે તો તેના પરિવારને સરકાર વળતર આપશે. મહિલા 15 વર્ષથી પતિથી અલગ થયા બાદ પોતાના પુત્રનું પાલન પોષણ કરી રહી હતી.