Smriti Irani એ કહ્યું, 'પંજાબની પુણ્ય ધરતી પર કોંગ્રેસના ખૂની ઇરાદા નિષ્ફળ રહ્યા'

નવી દિલ્હી: પ્રધાનમંત્રી નરેન્દ્ર મોદીની સુરક્ષામાં ઉણપને કારણે ચન્ની સરકાર ચારે બાજુથી ઘેરાયેલી જોવા મળી રહી છે. કેન્દ્રીય મંત્રી સ્મૃતિ ઈરાનીએ કોંગ્રેસ પર આકરા પ્રહારો કર્યા છે. તેમણે કહ્યું કે કોંગ્રેસ પીએમ મોદીથી નફરત કરે છે, પરંતુ પંજાબમાં કોંગ્રેસના લોહિયાળ ઈરાદા નિષ્ફળ ગયા. આ ઘટનાએ સાબિત કર્યું છે કે પંજાબમાં પોલીસ અને વહીવટી તંત્રની હાલત ખરાબ છે.

સ્મૃતિ ઈરાનીએ પૂછ્યું કે આ ઘટના પછી રાજ્યની પંજાબ કોંગ્રેસે કોઈ વાતચીત કેમ નથી કરી. તેમણે કહ્યું કે પ્રધાનમંત્રીની સુરક્ષા સાથે મજાક કરવામાં આવી છે, આવું ઇતિહાસમાં ક્યારેય બન્યું નથી. પીએમનો જીવ જોખમમાં મુકાયો હતો. દેશ પ્રધાનમંત્રી વિરુદ્ધના આ ષડયંત્રને સમર્થન નહીં આપે.

ભારતના ઇતિહાસમાં આજે પંજાબની પુણ્ય ધરતી પર કોંગ્રેસના ખૂની ઇરાદા નિષ્ફળ રહ્યા છે. જે લોકો કોંગ્રેસ પાર્ટીમાં મોદીથી ધૃણા કરે છે તે આજે દેશના પ્રધાનમંત્રીને તેમની સિક્યોરિટીને કેવી રીતે ભંગ કરી શકાય તેના માટે પ્રયત્નશીલ છે. તમે જે આક્રોશ મારામાં અને સુંધાશુંજીમાં જોઇ રહ્યા છો તે માત્ર અમારા રાજકીય સંગઠન સુધી સિમિત નથી. અમે વારંવાર કહ્યું નફરત કોંગ્રેસને મોદીથી છે હિસાબ હિંદુસ્તાન પાસે અને હિંદુસ્તાનના પ્રધાનમંત્રી સાથે ન કરો. 

પંજાબ સરકારને અને કોંગ્રેસે આજે જવાબ આપવો પડશે પ્રધાનમંત્રી કયા રૂટથી એક સ્થળેથી બીજા સ્થળે પહોંચે છે. તે સમગ્ર રૂટની સુરક્ષાની વ્યવસ્થામાં કોઇપણ વિક્ષેપ નહી પડે તેવું આશ્વાસન પંજાબ પોલીસે પ્રધાનમંત્રીના સુરક્ષા ટુકડીને આપ્યું હતું. શું જાણીને જોઇને પ્રધાનમંત્રીની સુરક્ષા ટીમને ખોટું બોલવામાં આવ્યું હતું. બીજો પ્રશ્ન એ છે કે પ્રધાનમંત્રી કાફલાને જ્યારે રોકવાનો પ્રયત્ન કરવામાં આવ્યો, 20 મિનિટ સુધી તેમની સુરક્ષા ભંગ કરવામાં આવી જે લોકોએ પ્રધાનમંત્રીની સુરક્ષાને ભંગ કરી તે લોકોને પ્રધાનમંત્રીની ગાડી સુધી કોણે અને કેવી રીતે પહોંચાડ્યા. 

'પીએમની સુરક્ષા સાથે થઇ મજાક'
સ્મૃતિ ઈરાનીએ પૂછ્યું કે આ ઘટના પછી રાજ્યની પંજાબ કોંગ્રેસે કોઈ વાતચીત કેમ કરી નથી. તેમણે કહ્યું કે પ્રધાનમંત્રીની સુરક્ષા સાથે મજાક કરવામાં આવી છે, આવું ઇતિહાસમાં ક્યારેય બન્યું નથી. પીએમનો જીવ જોખમમાં મુકાયો હતો. દેશ પ્રધાનમંત્રી વિરુદ્ધના આ ષડયંત્રને સમર્થન નહીં આપે.

કોંગ્રેસ યુવા નેતૃત્વ પર નિશાન સાધ્યું
આ ઘટનાક્રમ દરમિયાન કોંગ્રેસની યુવા નેતાગીરીએ જોશની ઉજવણી કરી હતી. આ કઇ વાતનો ઉત્સવ છે, આ કેવા પ્રકારનો જોશ છે? આક્રોશ એ વાતનો છે કે જ્યારે સુરક્ષા કર્મચારીઓએ પંજાબ સરકારનો સંપર્ક કરવાનો પ્રયાસ કર્યો, ત્યારે કોઈએ મુખ્યમંત્રી કાર્યાલય સાથે વાતચીત કરી ન હતી.

કોંગ્રેસના લોહિયાળ ઈરાદાઓ નિષ્ફળ ગયા
આતંકવાદના જમાનામાં અને આતંકવાદથી પ્રભાવિત વિસ્તારોમાં પણ આ પ્રકારની ચૂક થઇ ન હતી, જેવી પ્રધાનમંત્રીની સુરક્ષા સાથે થઇ છે. ભારતના ઈતિહાસમાં આજે પંજાબની પવિત્ર ધરતી પર કોંગ્રેસના લોહિયાળ ઈરાદાઓ નિષ્ફળ ગયા. કોંગ્રેસમાં પ્રધાનમંત્રીને નફરત કરનારાઓ આજે તેમની સુરક્ષાને નિષ્ફળ કરવા માટે પ્રયાસરત હતા. 

'હું જીવતો પરત ફર્યો છું'
જે લોકો આ ષડયંત્રનો ભાગ છે તેમને હું કહું છું કે મને વિશ્વાસ છે કે ન્યાય ચોક્કસ થશે. દેશના પ્રધાનમંત્રીનો વાળ વાંકો કરવાનું કરવાના આ કાવતરાને દેશ સમર્થન કરશે નહી. પંજાબ સરકાર શેની રાહ જોઈ રહી હતી? મીડિયામાં કદાચ એટલા માટે કેટલાક લોકોએ રિપોર્ટ કર્યો કે પ્રધાનમંત્રીજીએ ચન્નીજી માટે સંદેશ આપ્યો હતો કે 'હું જીવતો પરત ફરી રહ્યો છું'. 

પંજાબમાં કાયદો અને વ્યવસ્થા ખૂબ જ ખરાબ
તેમણે કહ્યું કે પંજાબમાં કાયદો અને વ્યવસ્થા એટલી ખરાબ છે કે ડીજીપી દ્વારા દાવો કરવામાં આવ્યો હતો કે તેઓ સુરક્ષાની વિગતો આપવામાં અસમર્થ છે. કોંગ્રેસે આનો જવાબ આપવો જોઈએ. આપણા દેશના ઈતિહાસમાં આ પહેલા ક્યારેય કોઈ રાજ્ય સરકારે જાણી જોઈને પ્રધાનમંત્રીને નુકસાન થાય તેવું દૃશ્ય બનાવ્યું નથી. આપણે જાણીએ છીએ કે કોંગ્રેસ પીએમ મોદીને નફરત કરે છે, પરંતુ આજે તેઓએ ભારતના પીએમને નુકસાન પહોંચાડવાનો પ્રયાસ કર્યો.

એવો પ્રશ્ન ઉઠાવતા ભાજપના નેતાએ પૂછ્યું કે શું તેઓ જાણી જોઈને પ્રધાનમંત્રીની સુરક્ષા ટુકડીને ખોટું બોલ્યા હતા. પ્રધાનમંત્રીની સુરક્ષાનો ભંગ કરનાર લોકોને પ્રધાનમંત્રીની કાર સુધી કોણ અને કેવી રીતે લાવ્યું? તે જ સમયે, તેમણે પૂછ્યું કે શા માટે રાજ્ય સરકાર તરફથી સુરક્ષાનું નેતૃત્વ કરનારાઓએ PMને સુરક્ષિત કરવાના કોઈપણ કૉલ અથવા પ્રયાસોનો જવાબ આપ્યો નથી.

PM મોદીની સુરક્ષામાં ખામી છે કે ષડયંત્ર?
તે જ સમયે, રાજ્યસભાના સાંસદ અને ભાજપના પ્રવક્તા ડૉ. સુધાંશુ ત્રિવેદીએ કહ્યું કે આજે આવી ઘટના બની છે, જે ભારતના ઈતિહાસમાં અભૂતપૂર્વ છે. આતંકવાદના જમાનામાં અને આતંકવાદથી પ્રભાવિત વિસ્તારોમાં પણ આજે પ્રધાનમંત્રીની સુરક્ષામાં જે પ્રકારની ક્ષતિઓ જોવા મળી હતી તે પ્રકારની સુરક્ષામાં ક્ષતિ નહોતી.