Kumar Vishwas News: દિલ્હી MCD ચૂંટણી પહેલા કવિ કુમાર વિશ્વાસને જાનથી મારવાની ધમકી, FIR દાખલ

નવી દિલ્હીઃ Kumar Vishwas Threat News: ગુજરાત વિધાનસભા અને દિલ્હી એમસીડી ચૂંટણી વચ્ચે કવિ કુમાર વિશ્વાસને જાનથી મારી નાખવાની ધમકી મળી છે. તેમને દિલ્હીના મુખ્યમંત્રી અરવિંદ કેજરીવાલ પર ટિપ્પણી ન કરવાની ચેતવણી પણ આપવામાં આવી છે. કુમાર વિશ્વાસના મેનેજરે જણાવ્યું કે ઈમેલ દ્વારા આ ધમકી આપવામાં આવી રહી છે. 

કુમાર વિશ્વાસના મેનેજર પ્રવીણ પાન્ડેયે કહ્યુ કે થોડા દિવસથી એક વ્યક્તિ તરફથી સતત ઈમેલના માધ્યમથી ધમકી આપવામાં આવી રહી છે. ઈમેલ કરનાર વ્યક્તિએ ભગવાન રામ માટે ખુબ અપમાનજનક વાત કહેતા તેનું મહિમામંડન ન કરવાની ચેતવણી આપી છે. સાથે ધમકી આપનાર વ્યક્તિએ દિલ્હીના મુખ્યમંત્રી અરવિંદ કેજરીવાલને કુમાર વિશ્વાસથી સારા ગણાવતા તેમના પર ટિપ્પણી ન કરવાની ચેતવણી આપી છે. પ્રવીણ પાન્ડેયે જણાવ્યું કે, વ્યક્તિએ ઈમેલમાં લખ્યું છે- હું શહીદ ઉધમ સિંહના શપથ લઉ છું કે તને મારીશ.

अब उन्हें और उनके चिंटुओं मेरे द्वारा मेरे राघवेंद्र सरकार राम का महिमामंडन करना पसंद नहीं।कह रहे हैं “मार देगें” 😲 ये सब ठीक है पर अपने चिंटुओं को बोलो मर्यादा पुरुषोत्तम भगवान राम को गाली न बकें। अपना काम करो नहीं तो याद रखो रावण तक का वंश नहीं बचा ,तुम ऐसे कौन लवणासुर हो ?😊 pic.twitter.com/rZKdvYZce0

— Dr Kumar Vishvas (@DrKumarVishwas) November 20, 2022

આ મામલામાં કુમાર વિશ્વાસની ઓફિસ તરફથી ઈમેલની સૂચના ગૃહ મંત્રાલય તરફથી ઉપલબ્ધ કરાવવામાં આવેલી સુરક્ષા એજન્સીને પણ આપવામાં આવી છે. આ મામલા પર કુમાર વિશ્વાસની પ્રતિક્રિયા પણ સામે આવી છે. કુમાર વિશ્વાસે ટ્વીટ કર્યું છે- હવે તેમના અને તેમના ચાટુકારો દ્વારા મારા રાઘવેન્દ્ર સરકારના રામના ગુણગાન પસંદ નથી. કહી રહ્યાં છે કે મારી નાખીશું આ બધુ બરાબર છે પરંતુ પોતાના ચાટુકારોને કહે કે મર્યાદા પુરૂષોત્તમ ભગવાન રામને ગાળો ન આપે. તમારો કામ કરો બાકી યાદ રાખો રાવણનો વંશ પણ નથી બચ્યો, તમે ક્યા લવણાસુર છો?