Fighter Aircraft: વિશ્વના ટોપ 10 ખતરનાક ફાયટર જેટ, એકવાર ઉડાન ભરે તો દુશ્મનોનું મિટાવી દે છે નામોનિશાન

Top 10 Fighter Aircraft: કોઈપણ દેશની વાયુસેનામાં (Fighter Jets)એ યુદ્ધની દિશા બદલી કાઢે છે. તેમની સ્પીડ, ફાયરપાવર, રડારમાં ફસાઈ ન જવાની ક્ષમતા અને હથિયારથી જ એ એરફોર્સ કે દેશની તાકાતનો અંદાજ આપે છે. આ યાદીમાં ભારતના રાફેલ ફાઈટર જેટનો સમાવેશ કરવામાં આવ્યો છે. જ્યારે, એચએએલ તેજસ માર્ક-1એની પણ પ્રશંસા કરવામાં આવી છે, જો કે તે વિશ્વના દસ ખતરનાક ફાઇટર જેટની યાદીમાં સામેલ નથી. 

1. લોકહીડ માર્ટિન F-35 લાઈટનિંગ II (Lockheed Martin F-35 Lightning II): નંબર એક પર હોવા છતાં આ અમેરિકન ફાઈટર જેટની ઝડપ અને નિયંત્રણને લઈને વિવાદ છે. આમ છતાં તેના 750 પ્લેન બનાવવામાં આવ્યા છે. 11 દેશો તેનો ઉપયોગ કરી રહ્યા છે. ઘણા દેશો વધુ ઉત્પાદનની માંગ કરી રહ્યા છે. તેને માત્ર એક પાયલોટ દ્વારા ઉડાડવામાં આવે છે. લંબાઈ 51.4 ફૂટ, પાંખો 35 ફૂટ અને ઊંચાઈ 14.4 ફૂટ છે. મહત્તમ ઝડપ 1975 KM/કલાક છે. કોમ્બેટ રેન્જ 1239 KM છે. મહત્તમ 50 હજાર ફૂટની ઉંચાઈ સુધી જઈ શકે છે. તેમાં 4 બેરલ સાથે 25 મીમીની રોટરી તોપ છે. જે એક મિનિટમાં 180 ગોળીઓ ચલાવે છે. તેમાં ચાર આંતરિક અને છ બાહ્ય હાર્ડપોઈન્ટ છે. એર-ટુ-એર, એર-ટુ-સર્ફેસ, એર-ટુ-શિપ અને એન્ટિ-શિપ મિસાઇલો તૈનાત કરી શકાય છે. આ સિવાય ચાર પ્રકારના બોમ્બ લગાવી શકાય છે.

2. સુખોઈ સુ-57 (Sukhoi Su-57) : Sukhoi Su-57 ફેલોન રશિયાનું પ્રથમ સ્ટીલ્થ એરક્રાફ્ટ છે. તેને એક પાયલોટ દ્વારા ઉડાડવામાં આવે છે. લંબાઈ 65.11 ઈંચ, પાંખો 46.3 ફૂટ અને ઊંચાઈ 15.1 ફૂટ છે. મહત્તમ ઝડપ 2135 KM/કલાક છે. સુપરસોનિક રેન્જ 1500 KM છે. મહત્તમ 66 હજાર ફૂટની ઉંચાઈ સુધી જઈ શકે છે. 30 એમએમ ઓટોકેનન ફીટ કરવામાં આવી છે. ત્યાં 12 હાર્ડપોઈન્ટ છે. 6 અંદર અને 6 બહાર. આ લડાકું વિમાનમાં એર-ટુ-એર, એર-ટુ-સર્ફેસ, એન્ટિ-શિપ, એન્ટિ-રેડિયેશન, ગાઇડેડ, અનગાઇડેડ, ક્લસ્ટર બોમ્બ, એન્ટિ-ટેન્ક બોમ્બ અને એક્ટિવ હોમિંગ બોમ્બ લગાવી શકાય છે.

3. Chengdu J-20 (Chengdu J-20): ચીનનું પ્રથમ પાંચમી પેઢીનું ફાઈટર જેટ છે. જેને J-20 માઇટી ડ્રેગન પણ કહેવામાં આવે છે. તે ખૂબ જ ભારે અને શક્તિશાળી ફાઈટર એરક્રાફ્ટ છે. ચીને તેને અમેરિકન F-22 અને Su-57 સાથે ટક્કર આપવા માટે બનાવ્યું છે. તેને માત્ર એક પાયલોટ દ્વારા ઉડાડવામાં આવે છે. લંબાઈ 69.7 ફૂટ, પાંખોનો ફેલાવો 42.8 ફૂટ અને ઊંચાઈ 15.5 ફૂટ છે. શસ્ત્રો અને બળતણ વિના તેનું વજન 17 હજાર કિલોગ્રામ છે. મહત્તમ ઝડપ 2450 KM/કલાક છે. કોમ્બેટ રેન્જ 2000 કિમી છે. ઓપરેશનલ રેન્જ 5500 KM છે. મહત્તમ 66 હજાર ફૂટની ઉંચાઈ સુધી જઈ શકે છે. તેમાં છ પ્રકારની મિસાઈલ લગાવી શકાય છે. 

આ પણ વાંચો:
અતીક-અશરફ મર્ડર કેસ પાછળ છે મોટું કાવતરું! આ 5 વાતો કરે છે ઈશારો
અમદાવાદીઓ નવુ ઘર લેતા પહેલા ચેક કરી લેજો, ક્યાંક તમારુ મકાન તો આવું ઢચુપચુ નથી ને
ગણેશજી આજે આ 4 રાશિ પર રહેશે મહેરબાન, મકર રાશિવાળાની માથે આવી શકે છે મુસીબત

4. લોકહીડ માર્ટિન F-22 રેપ્ટર (Lockheed Martin F-22 Raptor): વિશ્વનું પ્રથમ અને મૂળ પાંચમી પેઢીનું અમેરિકન ફાઇટર જેટ. તે ક્લોઝ રેન્જ ડોગફાઇટીંગ અને બિયોન્ડ વિઝ્યુઅલ રેન્જ (BVR) માટે પ્રખ્યાત છે. તેને પાયલોટ દ્વારા ઉડાડવામાં આવે છે. તેની લંબાઈ 62.1 ફૂટ, પાંખો 44.6 ફૂટ અને ઊંચાઈ 16.8 ફૂટ છે. મહત્તમ ઝડપ 2414 KM/કલાક છે. કોમ્બેટ રેન્જ 850 કિમી છે. ફેરી રેન્જ 3200 KM છે. તે મહત્તમ 65 હજાર ફૂટની ઊંચાઈ સુધી જઈ શકે છે. તેમાં 20 મીમીની વલ્કન રોટરી કેનન લગાવેલી છે. તેમાં 4 અંડર વિંગ હાર્ડ પોઈન્ટ છે. આમાં 8-8 એર-ટુ-એર અને એર-ટુ-ગ્રાઉન્ડ મિસાઇલ લગાવી શકાય છે.

5. Shenyang FC-31 (Shenyang FC-31): ચીનનું પાંચમી પેઢીનું લાઈટ કેરિયર બોર્ન ફાઈટર જેટ. તેને ચીનનું સૌથી ઘાતક ફાઈટર જેટ કહેવામાં આવે છે. તેને એક પાયલોટ દ્વારા ઉડાડવામાં આવે છે. તેની લંબાઈ 56.9 ફૂટ, પાંખો 37.9 ફૂટ અને ઊંચાઈ 15.9 ફૂટ છે. મહત્તમ ઝડપ 2205 KM/કલાક છે. કોમ્બેટ રેન્જ 1200 કિમી છે. મહત્તમ 52 હજાર ફૂટની ઉંચાઈ સુધી જઈ શકે છે. તેમાં 6 હાર્ડ પોઈન્ટ છે. જેમાં એર ટુ એર અને એર ટુ ગ્રાઉન્ડ મિસાઈલ અને બોમ્બ લગાવી શકાય છે.

6. Boeing F-15EX Eagle-2 (Boeing F-15EX Eagle II): એરક્રાફ્ટ અમેરિકન એર પાવરની ઓળખ છે આ ફાઇટર  વિમાન. સામાન્ય ભાષામાં તેને F-15 કહે છે. તેને 2 પાયલોટ દ્વારા ઉડાડવામાં આવે છે. તેની લંબાઈ 63.9 ફૂટ, પાંખો 42.9 ફૂટ અને ઊંચાઈ 18.6 ફૂટ છે. તે મહત્તમ 2656 KM/કલાકની ઝડપે ઉડે છે. કોમ્બેટ રેન્જ 1272 KM અને ફેરી રેન્જ 3900 KM છે. તે મહત્તમ 60 હજાર ફૂટની ઊંચાઈ સુધી જઈ શકે છે. તે 250 મીટર પ્રતિ સેકન્ડની ઝડપે સીધી ઉડે છે. તેમાં 20 મીમીની ગેટલિંગ તોપ લગાવવામાં આવી છે. આ સિવાય એર-ટુ-એર, એર-ટુ-સરફેસ મિસાઇલનો ઉપયોગ કરી શકાય છે. તે સિવાય 17 પ્રકારના બોમ્બ લગાવી શકાય છે.

7. ડસોલ્ટ રાફેલ (Dassault Rafale) : રાફેલ અને યુરો ફાઈટરને ફાઈટર જેટની જેમ બનાવવામાં આવ્યા છે પરંતુ બાદમાં ફ્રાન્સે રાફેલને પ્રોજેક્ટથી અલગ કરી દીધું હતું. ભારતીય વાયુસેનામાં 36 રાફેલ ફાઈટર જેટ છે. તેને એક કે બે પાઇલોટ દ્વારા ઉડાડવામાં આવે છે. તે 50.1 ફૂટ લાંબુ, 35.9 ફૂટ પાંખો અને 17.6 ફૂટ ઊંચું છે. તેની મહત્તમ ઝડપ 1912 KM/કલાક છે. પરંતુ કોમ્બેટ રેન્જ 1850 કિમી છે. ઓપરેશનલ રેન્જ 3700 KM છે. તે મહત્તમ 51,952 ફૂટની ઊંચાઈ સુધી જઈ શકે છે. તે એક સેકન્ડમાં 305 મીટર સુધી સીધું ઉડવા માટે સક્ષમ છે. તેમાં 30 મીમીની ઓટોકેનન છે, જે પ્રતિ મિનિટ 125 રાઉન્ડ ફાયર કરે છે. આ સિવાય તેમાં 14 હાર્ડપોઈન્ટ છે. આમાં એર-ટુ-એર, એર-ટુ-ગ્રાઉન્ડ, એર-ટુ-સર્ફેસ, ન્યુક્લિયર ડિટરન્સ મિસાઈલ લગાવી શકાય છે. આ સિવાય અન્ય ઘણા પ્રકારના બોમ્બ પણ તૈનાત કરી શકાય છે.

8. યુરોફાઇટર ટાયફૂન (Eurofighter Typhoon): યુરોપનું સૌથી વિશ્વસનીય ફાઇટર એરક્રાફ્ટ. તે બે વેરિઅન્ટમાં આવે છે. એક અને બે સીટર. લંબાઈ 52.4 છે, પાંખો 35.4 ફૂટ છે અને ઊંચાઈ 17.4 ફૂટ છે. તે મહત્તમ 2125 KM/કલાકની ઝડપે ઉડે છે. કોમ્બેટ રેન્જ 1389 KM છે, જ્યારે ઓપરેશનલ રેન્જ 2900 KM છે. તે મહત્તમ 65 હજાર ફૂટની ઊંચાઈ સુધી જઈ શકે છે. જેમાં 27 mm માઉઝર રિવોલ્વર તોપ છે. જે પ્રતિ મિનિટ 150 રાઉન્ડ ફાયર કરે છે. કુલ 13 હાર્ડપોઈન્ટ છે. જેમાં એર-ટુ-એર, એર-ટુ-સર્ફેસ અને એન્ટી-શિપ મિસાઇલ લગાવી શકાય છે. આ સિવાય 6 પ્રકારના બોમ્બ લગાવી શકાય છે. 

9. Sukhoi Su-35S (Sukhoi Su-35S): રશિયન બનાવટની સુખોઈ Su-30, Su-35, Su-37 અને ચાઈનીઝ શેનયાંગ J-16 તમામ Su-27ના પ્લેટફોર્મ પર બનેલી છે. આ 4.5 જનરેશનનું ફાઈટર જેટ છે. તેને 1 પાયલોટ દ્વારા ઉડાડવામાં આવે છે. લંબાઈ 71.10 ફૂટ, પાંખો 50.2 ફૂટ અને ઊંચાઈ 19.4 ફૂટ છે. તેની સ્પીડ 2400 KM/કલાક છે. તેની રેન્જ 3600 KM છે. જ્યારે કોમ્બેટ રેન્જ 1600 KM છે. તે મહત્તમ 59 હજાર ફૂટની ઉંચાઈ સુધી ઉડી શકે છે. તેમાં 30 મીમીની ઓટોકેનન છે, જે પ્રતિ મિનિટ 150 રાઉન્ડ ફાયર કરે છે. તેમાં 12 હાર્ડપોઈન્ટ્સ છે, જેમાં એર-ટુ-એર, એર-ટુ-સર્ફેસ, એન્ટી-શિપ, એન્ટી-રેડિયેશન મિસાઈલ લગાવી શકાય છે. આ સિવાય 6 પ્રકારના ગાઈડેડ બોમ્બ લગાવી શકાય છે. મતલબ કે દુશ્મનના મૃત્યુની પુષ્ટિ થાય છે.

10. Saab JAS 39E Gripen: સ્વીડનમાં બનેલા આ ફાઈટર જેટને બજેટ ફાઈટર જેટ કહેવામાં આવે છે. તેનું E વર્ઝન અત્યાધુનિક અને લેટેસ્ટ છે. તે 4.5 જનરેશનનું ફાઈટર એરક્રાફ્ટ છે. તેને 1 પાયલોટ દ્વારા ઉડાડવામાં આવે છે. લંબાઈ 49.10 ફૂટ છે. પાંખો 28.3 ફૂટ અને ઊંચાઈ 14.9 ફૂટ છે.  એક સમયે 7200KG વજનના હથિયારો લઈ જઈ શકે છે. મહત્તમ 2460 KM પ્રતિ કલાકની ઝડપે ઉડે છે. કોમ્બેટ રેન્જ 1500KM છે. મહત્તમ 52 હજાર ફૂટની ઉંચાઈ સુધી જઈ શકે છે. તે અડધા કિલોમીટરના રનવે પરથી ઉડે છે. તેમાં કુલ 10 હાર્ડપોઈન્ટ છે, જેમાં મિસાઈલ અને બોમ્બનું મિશ્રણ લગાવી શકાય છે. આ સિવાય તેની પાસે 27 mm માઉઝર રિવોલ્વર તોપ છે જે પ્રતિ મિનિટ 120 રાઉન્ડ ફાયર કરે છે.