Ola ના ડ્રાઈવર હવે આપને નહીં પુછે કે ક્યાં જવું છે? કંપનીના આ નિર્ણયથી મુસાફરોને થશે ફાયદો

નવી દિલ્લીઃ જો તમે ઓફિસ અથવા બીજે ક્યાંય જવા માટે (Ola) કેબ બુક કરો છો, તો અમુક સમયે કેબ ડ્રાઈવરે તમારી રાઈડ કેન્સલ કરી હશે અથવા તમને પૂછ્યું હશે કે ક્યાં જવું છે. પણ હવે એવું નહીં થાય. હવે કેબ ડ્રાઈવર તમારું ડેસ્ટિનેશન લોકેશન નહીં પૂછે. વાસ્તવમાં, Olaએ મંગળવારે કહ્યું છે કે તેના ડ્રાઇવર પાર્ટનર હવે સવારી શરૂ કરતા પહેલા જ પેસેન્જરે તેમના મોબાઇલ ફોન પર ક્યાં જવું છે તે જોઈ શકશે અને તેઓ રોકડ અથવા ઑનલાઇન દ્વારા ચુકવણી કરશે.

Ola ના કો-ફાઉન્ડરે ટ્વીટ કરીને આપી માહિતી-

Addressing the 2nd most popular question I get - Why does my driver cancel my Ola ride?!!

We're taking steps to fix this industry wide issue. Ola drivers will now see approx drop location & payment mode before accepting a ride. Enabling drivers is key to reducing cancelations. pic.twitter.com/MFaK1q0On8

— Bhavish Aggarwal (@bhash) December 21, 2021

મળતી માહિતી મુજબ, મંગળવારે એક ટ્વીટમાં ઓલાના કો-ફાઉન્ડર ભાવિશ અગ્રવાલે કહ્યું કે ડ્રાઈવર દ્વારા રાઈડ કેન્સલ કરવી એ આ સમગ્ર મોબાઈલ એપ આધારિત બિઝનેસની મોટી સમસ્યા છે. કંપની તેને ખતમ કરવા માંગે છે.

મુસાફરોને થશે ફાયદો-
કંપનીના આ નિર્ણય બાદ તેનો ફાયદો એ થશે કે જો કોઈપણ કેબ ડ્રાઈવર રાઈડ કેન્સલ કરવા ઈચ્છે છે તો તે તરત જ કરી દેશે. આની સાથે, મુસાફરને રાહ જોવી પડશે નહીં અને આનાથી તેનો સમય બચશે. જેઓ ઓલા કેબ કે બાઇક બુક કરે છે તેઓને આ સમસ્યાનો સામનો કરવો પડે છે. ઘણી વખત, બુકિંગ કન્ફર્મ થયા પછી, કેબ ડ્રાઇવર્સ પિક-અપ લોકેશન પર પહોંચતા પહેલા પેસેન્જરને ફોન કરે છે અને પૂછે છે કે તેઓ ક્યાં જવા માગે છે અને તેમને પેમેન્ટ રોકડ અથવા ઓનલાઈન મળી જશે. જો મુસાફરને જે જોઈએ છે તે ન મળે, તો તેઓ ગંતવ્ય સ્થાન પર જવાનો ઇનકાર કરે છે અને રાઇડને રદ કરે છે.

કેબ ડ્રાઈવરને ખબર પડી જશે યાત્રિકનું ડેસ્ટિનેશન-
આવી સ્થિતિમાં ઘણી વખત મુસાફરોને મોટું નુકસાન થાય છે. તેઓ સમયસર તેમના ગંતવ્ય સ્થાને પહોંચી શકતા નથી. કેબ ડ્રાઈવરોને પણ આનો ફાયદો થશે, જો કોઈ લોકેશન પર જવું તેમના માટે આરામદાયક ન હોય તો તેઓ રાઈડ કેન્સલ કરી શકે છે.