શનિ ગ્રહની વક્રી ચાલના અશુભ પ્રભાવથી બચવું હોય તો કરી લો આ ઉપાય, શનિ પીડા થશે દુર

Vakri Shani Effect: શનિ ગ્રહ 17 જૂન 2023 ના રોજ કુંભ રાશિમાં વક્રી થયો છે. શનિની વક્રી ચાલ કષ્ટકારી હોય છે. શનિ વક્રી થવાથી કેટલીક રાશિના લોકોના જીવનમાં ઊથલપાથલ સર્જાઈ છે. 4 નવેમ્બર સુધી શનિ વક્રી અવસ્થામાં રહેશે. તેવામાં આવનારો સમય વધારે કષ્ટદાયી સાબિત થઈ શકે છે. પરંતુ વક્રી શનિના કારણે આવતી સમસ્યાઓને દુર કરવા માટે કેટલાક ઉપાયો કરી શકાય છે. આ ઉપાયો કરવાથી શનિની અશુભ અસરોથી બચી શકાય છે. 

આ ઉપાયો શનિવારના દિવસે કરવાના હોય છે કારણ કે આ દિવસ શનિદેવને સમર્પિત હોય છે. જો કોઈ વ્યક્તિ પર શનિ દોષ હોય તો તેને ઘણી બધી સમસ્યાનો સામનો કરવો પડે છે. તેવામાં આગામી કેટલાક શનિવાર સુધી આ ઉપાયો કરી લેવાથી વક્રી શનિના કારણે સર્જાતી સમસ્યાઓથી મુક્તિ મેળવી શકાય છે. 

આ પણ વાંચો:

શનિ દોષથી મુક્તિ મેળવવાના ઉપાય

- જો વક્રી શનિના કારણે તમારા જીવનમાં સમસ્યા આવતી હોય તો શનિવારે સવારે પંચામૃતમાં કાળા તલ મિક્સ કરી અને શિવજીને અર્પણ કરવા. તેનાથી કષ્ટથી મુક્તિ મળશે અને શનિ ગ્રહ શાંત થશે.

- શનિવારે કોઈ જરૂરીયાતમંદ વ્યક્તિને ભોજન કરાવો તેનાથી શનિ કૃપા પ્રાપ્ત થાય છે.

- એક વાટકીમાં સરસવનું તેલ લેઈ તેમાં પોતાનો ચહેરો જોઈને વાટકી સહિત તેલ દાન કરી દેવું. આમ કરવાથી શનિ કૃપા પ્રાપ્ત થાય છે.

- શનિવારના દિવસે ગરીબ વ્યક્તિમાં કાળા ધાબડા, કાળા કપડા કે કાળા રંગની કોઈપણ વસ્તુ દાન કરવી. જરૂરિયાતમંદ વ્યક્તિને જૂતા ચપ્પલનું દાન કરવાથી પણ શનિ કૃપા પ્રાપ્ત થાય છે.

આ પણ વાંચો:

- શનિવારના દિવસે પીપળાના ઝાડને પાણી અર્પણ કરવું. ત્યારબાદ ઘઉંના લોટના બનેલા દીવામાં સરસવના તેલનો દીવો પ્રગટાવવો.

- વક્રી શનિના દુષ્પ્રભાવથી બચવું હોય તો રોજ સવારે જલ્દી જાગી જવું જોઈએ અને શિવ મંદિરમાં જઈ શિવજીનો જળાભિષેક કરવો. આ સિવાય પોતાનું ચરિત્ર સારું રાખવું અને ખોટા કામ કરવા નહીં. તેનાથી પણ શનિ પીડાથી મુક્તિ મળે છે.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)