તમે જાણો છો, સગર્ભા સ્ત્રીઓથી ફફડી જાય છે સાપ? ખૂબ જ વિચિત્ર છે કારણ

Snakes: સનાતન ધર્મમાં સાપને દેવતા તરીકે પૂજવામાં આવે છે. નાગપંચમીનો તહેવાર સાપને સમર્પિત છે અને આ તહેવાર દેશના વિવિધ ભાગોમાં ઉજવવામાં આવે છે. સામાન્ય ભાષામાં, નાગ માટે સાપ શબ્દ વધુ પ્રચલિત છે. સાપની દુનિયા ખૂબ જ રસપ્રદ અને વિચિત્ર છે. સાપ વિશે ઘણી ખોટી માન્યતાઓ છે અને અસંખ્ય વાર્તાઓ છે જેના પર ફિલ્મો પણ બની છે. સાપને દૂધ પીવડાવવાથી લઈને તેના ઝેરીલા હોવા, સાપ કરડવા જેવી અનેક ગેરસમજો પ્રચલિત છે. ગર્ભવતી મહિલાઓ અને સાપ વિશે પણ ઘણી વાતો પ્રસિદ્ધ છે.

શું સગર્ભા સ્ત્રીઓને જોઈને સાપ ખરેખર અંધ થઈ જાય છે?
એવું કહેવાય છે કે સાપ કરડવાથી મૃત્યુની શક્યતા ઘણી ઓછી હોય છે કારણ કે બધા સાપ પૂરતા ઝેરી હોતા નથી. બલ્કે સાપના ડંખના ડરથી લોકો મૃત્યુ પામે છે. તેવી જ રીતે, એક ખોટી માન્યતા છે કે સાપ દૂધ પીવે છે, જ્યારે વિજ્ઞાનનો અભિપ્રાય આનાથી અલગ છે. એ જ રીતે, એવું પણ માનવામાં આવે છે કે સાપ ગર્ભવતી મહિલાઓથી ડરે છે અને તેમની નજીક પણ જતા નથી. કહેવાય છે કે ગર્ભવતી મહિલાઓને જોઈને સાપ આંધળા થઈ જાય છે.

આ પણ વાંચો:
1500 રૂપિયાથી પણ ઓછી કિંમતમાં ખરીદો આ Smartwatch, ક્વોલિટી સાથે મળશે શાનદાર ફીચર્સ
આગામી 24 કલાક ક્યાંક હીટવેવ તો ક્યાંક ભારે વરસાદની આગાહી
WhatsApp લાવી રહ્યું છે નવું ફીચર! હવે નહી કરવુ પડે ટાઈપીંગ, આ રીતે મોકલી શકશો મેસેજ

સાપ ગર્ભવતી સ્ત્રીને દૂરથી ઓળખી શકે છે
વાસ્તવમાં, ગર્ભાવસ્થા પછી સ્ત્રીના શરીરમાં કેટલાક એવા તત્વો બને છે, જેના દ્વારા સાપ સરળતાથી ઓળખે છે કે આ મહિલા ગર્ભવતી છે. સગર્ભા સ્ત્રીઓને સાપ કેમ કરડતા નથી તેની પાછળ એક દંતકથા છે. બ્રહ્મવૈવર્ત પુરાણની કથા અનુસાર એક વખત એક ગર્ભવતી મહિલા ભગવાન શિવની તપસ્યા કરી રહી હતી. ત્યારે 2 સાપ ત્યાં આવ્યા અને તેમના આગમનથી ગર્ભવતી મહિલાનું ધ્યાન ભટક્યું. તપસ્યાના ભંગને કારણે સ્ત્રીના ગર્ભમાં ઉછરી રહેલા બાળકે આખા નાગ પરિવારને શ્રાપ આપ્યો હતો કે જો કોઈ નાગ-નાગીન ગર્ભવતી સ્ત્રીની નજીક જશે તો તે અંધ થઈ જશે. ત્યારથી એવું માનવામાં આવે છે કે સગર્ભા સ્ત્રીને જોઈને સાપ અંધ થઈ જાય છે અને તેને કરડતા પણ નથી.

પરંતુ સગર્ભા સ્ત્રીઓ આ બાબતો ધ્યાનમાં રાખો
સગર્ભા સ્ત્રીને સાપ કરડતો ન હોય તેવા વૈજ્ઞાનિક રીતે હજુ સુધી એવા કોઈ પુરાવા મળ્યા નથી. તેથી, સગર્ભા સ્ત્રીઓએ સાપની નજીક ન જવું જોઈએ, નહીં તો સાપ મહિલા અને ગર્ભમાં રહેલા બાળકને નુકસાન પહોંચાડી શકે છે. તેથી સાપ અથવા આવા ખતરનાક જીવોથી અંતર રાખવું વધુ સારું છે.