GT vs DC IPL 2023: હાર્દિક પંડ્યા ફિફ્ટી બેકાઇ ગઇ, દિલ્હીએ ગુજરાત 5 રનથી હરાવ્યું
Delhi beats Gujarat by 5 runs: આ જીત છતાં દિલ્હીની ટીમ પોઈન્ટ ટેબલમાં છેલ્લા સ્થાને એટલે કે 10મા સ્થાને છે. તેઓ નવ મેચમાં ત્રણ જીત અને છ હાર સાથે છ પોઈન્ટ ધરાવે છે. આ સાથે જ આ સિઝનમાં ગુજરાતની ટીમની આ ત્રીજી હાર હતી. હાર્દિકની ટીમે અત્યાર સુધી નવમાંથી છ મેચ જીતી છે અને તે 12 પોઈન્ટ સાથે પોઈન્ટ ટેબલમાં ટોચ પર છે.
Trending Photos
- 9
- 10
- 7
- 5
)
GT vs DC, IPL 2023: IPL 2023ની 44મી મેચમાં ગુજરાત ટાઇટન્સનો સામનો દિલ્હી કેપિટલ્સ સામે થયો હતો. આ મેચ અમદાવાદના નરેન્દ્ર મોદી સ્ટેડિયમમાં રમાઈ હતી. ટોસ જીતીને પ્રથમ બેટિંગ કરતા દિલ્હીએ 20 ઓવરમાં આઠ વિકેટ ગુમાવીને 130 રન બનાવ્યા હતા. તેના જવાબમાં ગુજરાતની ટીમ 20 ઓવરમાં છ વિકેટ ગુમાવીને 125 રન બનાવી શકી હતી.
દિલ્હીએ ગુજરાતને પાંચ રનથી હરાવ્યું
IPL 2023ની 44મી મેચમાં દિલ્હી કેપિટલ્સે ગુજરાત ટાઇટન્સને પાંચ રનથી હરાવ્યું હતું. અમદાવાદના નરેન્દ્ર મોદી સ્ટેડિયમમાં રમાયેલી મેચમાં ટોસ જીતીને પ્રથમ બેટિંગ કરતા દિલ્હીએ 20 ઓવરમાં આઠ વિકેટ ગુમાવીને 130 રન બનાવ્યા હતા. જવાબમાં ગુજરાતની ટીમ 20 ઓવરમાં છ વિકેટ ગુમાવીને 125 રન બનાવી શકી હતી.
પોઇન્ટ ટેબલ સ્થિતિ
આ જીત છતાં દિલ્હીની ટીમ પોઈન્ટ ટેબલમાં છેલ્લા સ્થાને એટલે કે 10મા સ્થાને છે. તેઓ નવ મેચમાં ત્રણ જીત અને છ હાર સાથે છ પોઈન્ટ ધરાવે છે. આ સાથે જ આ સિઝનમાં ગુજરાતની ટીમની આ ત્રીજી હાર હતી. હાર્દિકની ટીમે અત્યાર સુધી નવમાંથી છ મેચ જીતી છે અને તે 12 પોઈન્ટ સાથે પોઈન્ટ ટેબલમાં ટોચ પર છે.
છેલ્લી ત્રણ ઓવરનો રોમાંચ
છેલ્લી ત્રણ ઓવરમાં ગુજરાતને જીતવા માટે 37 રનની જરૂર હતી. ત્યારબાદ હાર્દિક પંડ્યા અને અભિનવ મનોહર ક્રિઝ પર હતા. ખલીલ અહેમદ 18મી ઓવરમાં બોલિંગ કરવા આવ્યો હતો. તેણે પહેલા જ બોલ પર અભિનવ મનોહરને આઉટ કર્યો હતો. ખલીલે આ ઓવરમાં ચાર રન આપ્યા હતા. ગુજરાતને છેલ્લી બે ઓવરમાં 33 રનની જરૂર હતી. રાહુલ તેવટિયા હાર્દિક સાથે બેટિંગ કરવા ઉતર્યા હતા. તે જ સમયે એનરિક નોર્ટજે બોલિંગ કરવા આવ્યો હતો. તેણે પ્રથમ ત્રણ બોલમાં ત્રણ રન લીધા હતા. આ પછી તેવટિયાએ ઓવરના છેલ્લા ત્રણ બોલમાં ત્રણ સિક્સર ફટકારી હતી. નોર્ટજે 19મી ઓવરમાં 21 રન આપ્યા હતા. આવી સ્થિતિમાં ઇશાંત શર્માની સામે 12 રન બચાવવાનો ટાર્ગેટ હતો. તે જ સમયે તેવટિયા અને હાર્દિક ક્રિઝ પર હતા.
ઈશાંતે 20મી ઓવરના પહેલા બોલ પર બે રન આપ્યા હતા. હાર્દિકે બીજા બોલ પર સિંગલ લીધો હતો. ત્રીજા બોલ પર તેવટિયા કોઈ રન બનાવી શક્યો નહોતો. ચોથા બોલ પર ઈશાંતે તેવટિયાને રિલે રુસોના હાથે કેચ કરાવ્યો હતો. તે સાત બોલમાં 20 રન બનાવીને આઉટ થયો હતો. રાશિદ ખાન પાંચમા બોલ પર બે રન બનાવી શક્યો હતો. આ સાથે જ રાશિદે છેલ્લા બોલ પર સિંગલ સ્કોર કર્યો હતો. આ રીતે ઈશાંતે માત્ર છ રન જ ખર્ચ્યા અને દિલ્હીએ પાંચ રનથી મેચ જીતી લીધી.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
