IPL 2019: હૈદરાબાદને લાગી લોટરી, 12 પોઈન્ટ સાથે પહોંચી પ્લેઓફમાં

મુંબઈઃ આઈપીએલ-12ના અંતિમ લીગ મેચમાં મુંબઈ ઈન્ડિયન્સે કોલકત્તા નાઇટ રાઇડર્સને 9 વિકેટે હરાવતા સનરાઇઝર્સ હૈદરાબાદને લોટરી લાગી છે. કોલકત્તાના પરાજય સાથે હૈદરાબાદ પ્લેઓફમાં પહોંચી ગયું છે. આ મેચમાં કોલકત્તાએ પ્લેઓફમાં પહોંચવા માટે વિજયની જરૂર હતી. આ મેચ પહેલા કોલકત્તાના 13 મેચોમાં 12 પોઈન્ટ હતા. જ્યારે હૈદરાબાદના 14 મેચોમાં 12 પોઈન્ટ હતા. પરંતુ હૈદરાબાદની નેટ રનરેટ શાનદાર હતી. જેથી કોલકત્તાનો પરાજય થતાં હૈદરાબાદ નેટ રનરેટના આધારે આઈપીએલ-2019ના પ્લેઓફમાં પહોંચનારી ચોથી ટીમ બની ગઈ છે. લીગના છેલ્લા મેચમાં પ્લેઓફની છેલ્લી ટીમ નક્કી થઈ હતી. 

12 પોઈન્ટ સાથે પ્લેઓફમાં પહોંચનારી પ્રથમ ટીમ બની હૈદરાબાદ
આઈપીએલની 12 સિઝનમાં આ પ્રથમ ઘટના છે જ્યારે કોઈ ટીમ 12 પોઈન્ટ સાથે પ્લેઓફમાં પહોંચી હોય. આ પહેલા 11 સિઝનમાં કોઈપણ ટીમ 12 પોઈન્ટ સાથે ક્વોલિફાઇ કરી શકી નથી. ઘણી ટીમોએ 14 પોઈન્ટ સાથે પ્લેઓફમાં એન્ટ્રી કરી છે. 

પ્લેઓફમાં સનરાઇઝર્સ હૈદરાબાદ એલિમિનેટર મુકાબલામાં દિલ્હી કેપિટલ્સ સામે ટકરાશે. આ મેચ 8 મેએ વિશાખાપટ્ટનમમાં રમાશે. તો કોલકત્તાને હરાવીને મુંબઈ ઈન્ડિયન્સ પ્રથમ સ્થાને પહોંચી ગયું છે. તે ચેન્નઈ સુપર કિંગ્સ સામે ક્વોલિફાયર-1 વિરુદ્ધ મેચ રમશે. 

Here it is the #VIVOIPL Points Table after the league stage.

Onto the Playoffs now 😎😎 pic.twitter.com/FULlVTcOFJ

— IndianPremierLeague (@IPL) May 5, 2019

સનરાઇઝર્સ હૈદરાબાદની આઈપીએલ-2019માં સફર

ટીમ         તારીખ      પરિણામ
કેકેઆર      24 માર્ચ     હૈદરાબાદ 6 વિકેટે હાર્યું
રાજસ્થાન    29 માર્ચ     હૈદરાબાદ 5 વિકેટે જીત્યું
આરસીબી    31 માર્ચ     SRHનો 118 રને વિજય
દિલ્હી         4 એપ્રિલ    હૈદરાબાદનો 5 વિકેટે વિજય
મુંબઈ         6 એપ્રિલ     મુંબઈનો 40 રને વિજય
પંજાબ         8 એપ્રિલ     પંજાબનો 6 વિકેટે વિજય
દિલ્હી          14 એપ્રિલ    હૈદરાબાદનો 39 રને પરાજય
ચેન્નઈ          17 એપ્રિલ     હૈદરાબાદ 6 વિકેટે જીત્યું
કોલકત્તા        21 એપ્રિલ     હૈદરાબાદ 9 વિકેટે જીત્યું
ચેન્નઈ           23 એપ્રિલ    હૈદરાબાદ 6 વિકેટે હાર્યું
રાજસ્થાન        27 એપ્રિલ    હૈદરાબાદ 7 વિકેટે હાર્યું
પંજાબ           29 એપ્રિલ    હૈદરાબાદ 45 રને જીત્યું
મુંબઈ            2 મે          સુપર ઓવરમાં હૈદરાબાદ હાર્યું
આરસીબી        4 મે           હૈદરાબાદનો 4 વિકેટે પરાજય

Qualified 🙌#OrangeArmy #RiseWithUs pic.twitter.com/fwxpQjqjfh

— SunRisers Hyderabad (@SunRisers) May 5, 2019