IPL 2018: રાજસ્થાનને હરાવીને હૈદરાબાદની ટીમ ટોપ પર પહોંચી

જયપુર : આઇપીએલ 2018માં એકવાર ફરીથી હૈદરાબાદની ટીમે શાનદાર પ્રદર્શન કરતા રાજસ્થાનને 11 રનથી પરાજીત કર્યું હતું. આ સાથે જ આઇપીએલમાં સતત ત્રીજી જીત મેળવી હતી. આ ત્રણ મેચ હૈદરાબાદે પોતાની શાનદાર બોલિંગનું પ્રદર્શન કર્યું હતું. પહેલા બેટિંગ કરવા માટે ઉતરેલી હૈદરાબાદની ટીમ માત્ર 151 રનમાં જ સંકેલાઇ ગઇ હતી. જો કે રાજસ્થાનની ટીમ આ નાનકડા સ્કોરને પ્રાપ્ત કરવામાં પણ અસમર્થ રહી હતી. કારણ હતું હૈદરાબાદનાં બોલર્સ. જેનાં પગલે રાજસ્થાન 6 વિકેટનાં નુકસાને માત્ર 140 રન જ બનાવી શકી હતી. 

હૈદરાબાદની તરફથી સિદ્ધાર્થ કૌલે બે વિકેટ ઝડપી. તે ઉપરાંત સંદીપ શર્મા, બાસિલ થંપી, રાશિદ ખાન અને યુસુફ પઠાણે 1-1 વિકેટ ઝડપી હતી. રાજસ્થાન રોયલ્સની તરફથી સૌથી વધારે રન આંજિક્ય રહાણેએ બનાવ્યા. જો કે તેની 65 રનની અણનમ રમત છતા પણ ટીમે હારનો સામનો કરવો પડ્યો હતો. આ સાથે જ રાજસ્તાનની ટીમ પોઇન્ટ ટેબલમાં ચેન્નાઇને હરાવીને ટોપ પર પહોંચી.

અગાઉ રાજસ્થાનની ટીમે એકવાર ફરીથી શાનદાર પ્રદર્શન કરતા હૈદરાબાદની ટીમને 151નાં નાનકડા સ્કોરમાં જ સંકેલી લીધી હતી. પહેલા બેટિંગ કરવા માટે ઉતરેલી હૈદરાબાદની ટીમને જોસેફ આર્ચરાનો સામનો કરી શક્યું નહોતું. આર્ચરાએ 26 રન આપીને 3 વિકેટ ઝડપી હતી. તો કૃષ્ણા ગૌતમે પણ 18 રન આપીને 2 વિકેટ ઝડપી લીધી હતી. હૈદરાબાદ તરફથી વિલ્યમસને સૌથી વધારે 63 રન બનાવ્યા હતા. ઉપરાંત હેલ્સે 45 અને પાંડેએ 16 રન બનાવ્યા હતા.