T20: જાણો ભારતને ક્યારે-ક્યારે મળી સૌથી મોટી હાર

નવી દિલ્હીઃ ન્યૂઝીલેન્ડે વેસ્ટપૈક સ્ટેડિયમમાં રમાયેલી પ્રથમ ટી20 મેચમાં ભારતને 80 રનથી પરાજય આપ્યો હતો. રન પ્રમાણે ટી-20 ક્રિકેટ મેચમાં ભારત માટે આ સૌથી મોટી હાર છે. બીજી તરફ આ મેચમાં ન્યૂઝીલેન્ડે ટી-20 આંતરરાષ્ટ્રીયમાં પોતાની છઠ્ઠી સૌથી મોટી જીત નોંધાવી છે. આ મેચમાં ન્યૂઝીલેન્ડે પ્રથમ બેટિંગ કરતા નિર્ધારિત 20 ઓવરોમાં છ વિકેટના નુકસાન પર 219 રનનો મોટો સ્કોર બનાવ્યો હતો. ભારતીય ટીમ આ લક્ષ્યને હાસિલ ન કરી શકી અને 19.2 ઓવરોમાં 139 રન બનાવી ઓલઆઉટ થઈ ગઈ હતી. 

બીજી સૌથી મોટી હારઃ આ પહેલા રનના અંતરથી ભારતની સૌથી મોટી હાર ઓસ્ટ્રેલિયા વિરુદ્ધ મે 2010માં બ્રિજટાઇનમાં હતી જ્યાં તેનો 49 રનથી પરાજય થયો હતો. હવે નવ વર્ષ બાદ ભારતનો આ રેકોર્ડ તૂટી ગયો છે. 

An exciting start to the T20I series! A record total at @WestpacStadium and 5 T20I wins in a row at the venue. Also complete the winning start to the Double-Headers with the @WHITE_FERNS #NZvIND pic.twitter.com/XzcCAlF1IV

— BLACKCAPS (@BLACKCAPS) February 6, 2019

ત્રીજી સૌથી મોટી હારઃ વર્ષ 2016માં ભારતની ધરતી પર  નાગપુરમાં ન્યૂઝીલેન્ડ વિરુદ્ધ રમાયેલી ટી20 મેચ પણ ભારત માટે ખરાબ રહ્યો હતો. આ મેચમાં ન્યૂઝીલેન્ડના હાથે ભારતનો 47 રને કારમો પરાજય થયો હતો. આ ભારતની ત્રીજી સૌથી મોટી હાર હતી. 

ચોથી સૌથી મોટી હારઃ તેનાથી એક વર્ષ બાદ 2017માં ગુજરાતના રાજકોટમાં ફરી ન્યૂઝીલેન્ડે ભારતને 40 રનથી પરાજય આપ્યો હતો. આ મેચ રનના અંતરથી ભારતનો ચોથો સૌથી મોટો પરાજય હતો. વિકેટો પ્રમાણે ભારતને ત્રણવાર 9 વિકેટથી હાર મળી છે અને એકવાર વિન્ડિઝે અને બે વાર ઓસ્ટ્રેલિયાએ તેને આ અંતરથી હરાવ્યું છે. ખાસ વાત છે કે આ ત્રણેય મેચ ઘરની બહાર રમાઈ હતી.