Elon Musk એ ફરી આપ્યો જોરદાર ઝટકો! ન્યૂઝ લિંક પર ક્લિક કરતાં જ કપાશે એકાઉન્ટમાંથી પૈસા

Elon Musk એ ટ્વિટર યુઝર્સને ફરી એક મોટો ઝટકો આપ્યો છે. એલોન મસ્કે રવિવારે જાહેરાત કરી હતી કે આવતા મહિનાથી ટ્વિટર ન્યૂઝ સંસ્થાઓને દરેક આર્ટિકલ માટે ક્લિક દીઠ ચાર્જ કરવાની મંજૂરી આપશે. કન્ટેન્ટ ક્રિએટર્સ માટે આ નવી સુવિધા સાથે તેમાંથી કમાણી કરવા માટે, ટ્વિટરનો હેતુ વૈશ્વિક મંદી વચ્ચે મીડિયા હાઉસને મદદ કરવાનો છે, જેના કારણે ઘણી સંસ્થાઓ દ્વારા છટણી અને કાર્યક્રમો બંધ કરવામાં આવ્યા છે.

લિંક પર ક્લિક કરવા માટે પૈસા કાપવામાં આવશે
મસ્કએ જણાવ્યું હતું કે, આવતા મહિનાથી શરૂ થતાં આ પ્લેટફોર્મ મીડિયા પબ્લિશર્સને પ્રતિ-ક્લિકના આધારે યૂઝર્સને ચાર્જ કરવાની મંજૂરી આપશે. આ તે યૂઝર્સ માટે મદદરૂપ થશે જેઓ માસિક સબ્સ્ક્રિપ્શન લેવાને બદલે કોઈ ચોક્કસ લેખ વાંચવા માટે ચૂકવણી કરવા માગે છે. મસ્કે કહ્યું, તે મીડિયા સંસ્થાઓ અને જનતા બંને માટેફાયદાનો સોદો હશે.

બધા પૈસા જશે કંટેટ ક્રિએટર્સ પાસે
અગાઉ, ટ્વિટરે શનિવારે કહ્યું હતું કે વિશ્વભરના સર્જકો હવે 'મોનેટાઇઝેશન' ટૂલ દ્વારા ટ્વિટર પર સાઇન અપ કરીને કમાણી કરી શકે છે. મસ્કે કહ્યું કે સમગ્ર આવક કન્ટેન્ટ ક્રિએટર્સ પાસે જશે અને ટ્વિટર હાલ કોઈ ફી વસૂલશે નહીં.

ટ્વિટરના CEO એ જાહેરાત કરી કે, અમે એક વર્ષ પછી 10 ટકા રાખીશું, પરંતુ iOS/Android સબ્સ્ક્રિપ્શન ફી બે વર્ષમાં 30 ટકાથી ઘટીને 15 ટકા થઈ જશે, તેથી ક્રિએટર્સ હજુ પણ નફામાં રહેશે. તેમણે ઉમેર્યું હતું કે ઘણા લોકો માટે, તે આવકનો એક મહત્વપૂર્ણ સ્ત્રોત છે અને તેમને ઉત્તમ સામગ્રી બનાવવા માટે વધુ સમય આપે છે.

આ દરમિયાન ટ્વિટરે જાહેરાતો પર 'કમ્યુનિટી નોટ્સ' પણ લાગુ કરી છે. મસ્કે જણાવ્યું હતું કે, ધ્યેય આ પ્લેટફોર્મને શક્ય તેટલું સત્ય-શોધવાનું બનાવવાનું છે, બીજા શબ્દોમાં કહીએ તો, અન્ય દરેક વસ્તુની તુલનામાં ઓછામાં ઓછું અસત્ય.