Google Pay, PhonePe અથવા Paytm થી પેમેન્ટ કરતા હોવ તો આ 5 બાબતોનુ ખાસ રાખજો ધ્યાન, બાકી થઈ જશો કંગાળ!

ઓનલાઈન પેમેન્ટ અથવા યુપીઆઈ દ્વારા પેમેન્ટનો યુગ શરૂ થયો છે. દેશમાં મોટી સંખ્યામાં લોકો ગૂગલ પે, પેટીએમ અને ફોન પે જેવી એપનો ઉપયોગ કરી રહ્યા છે. જેનાથી તમે સ્માર્ટફોનના ઉપયોગથી એક જ ક્લિક પર ઈઝીલી પેમેન્ટ્સ કરી શકો છો..

Google Pay, PhonePe અથવા Paytm વડે પેમેન્ટ કરતી વખતે ધ્યાનમાં રાખજો આ બાબતો

એક કરતાં વધુ પેમેન્ટ એપ્લિકેશન
તમારે તમારા ફોન પર એક કરતાં વધુ પેમેન્ટ એપ્લિકેશન રાખવાનું ટાળવું જોઈએ. જો જરૂરી હોય તો, પ્લેસ્ટોર અથવા એપ સ્ટોર પરથી હંમેશા માત્ર વિશ્વસનીય અને વેરિફાઈડ પેમેન્ટ એપ્લિકેશન્સ જ ઇન્સ્ટોલ કરવી.

પિન શેર કરશો નહીં
તમારો UPI પિન કોઈની સાથે શેર કરશો નહીં. આ નિયમ તમારા મિત્રો અને નજીકના લોકોને પણ લાગુ પડે છે. જો તમને લાગતું હોય કે તમારો પિન અન્ય લોકોએ શોધી કાઢ્યો છે, તો તેને તરત જ બદલો.

એપ અપડેટ કરતા રહો
તમામ એપ્સ નિર્માતા કંપનીઓ સમયાંતરે અપડેટ્સ જાહેર કરતી રહે છે. આના દ્વારા એપ્સમાં નવા ફીચર્સ ઉમેરવામાં આવે છે અને સુરક્ષામાં વધારો થાય છે. તમારે હંમેશા UPI પેમેન્ટ એપને લેટેસ્ટ વર્ઝન પર અપડેટ કરતા રહેવું જોઈએ.

સ્ક્રીન લોક
ફક્ત તમારા સ્માર્ટફોન પર જ નહીં, આ એપ્સ પર પણ લૉક રાખો. ક્યારેક ફોન ખોવાઈ જાય અથવા ખોટા હાથમાં જાય તો તમારું બેંક ખાતું ખાલી થઈ શકે છે. પાસવર્ડ રાખતી વખતે તમારું નામ, મોબાઈલ નંબર અથવા જન્મ તારીખનો ઉપયોગ કરશો નહીં.

આવી લિંક્સ પર ક્લિક કરશો નહીં
ઘણા લોકો તમને વોટ્સએપ અથવા ઈમેલ પર કેટલીક લિંક મોકલે છે અને પૈસાની લાલચ આપીને આ લિંક પર ક્લિક કરવાનું કહે છે. આ સિવાય કેટલાક છેતરપિંડી કરનારાઓ તમને બેંક કર્મચારી બતાવીને છેતરપિંડી કરવાનો પ્રયાસ કરે છે અને તમારી વિગતો પણ પૂછે છે. કોઈપણ અજાણી લિંક પર ક્યારેય ક્લિક ન કરો.

આ પણ વાંચો:
અહીં બની રહી છે ભારતની પ્રથમ અંડરવોટર રેલરોડ, 6 કલાકની મુસાફરી 40 મિનિટમાં
ખબર છે... કયા સમયે પાણી પીવું યોગ્ય અને કયા સમયે ઝેર સમાન? વાંચી લો
મહિલાઓ માટે ખાસ કામની આ છે ટિપ્સ, હેરફોલથી બચવું હોય કરો આ ઉપાય, દૂર થશે સમસ્યા
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube