Jioની શાનદાર સ્કીમ! તમારા લકી નંબર કે બર્થ ડેટને આ રીતે બનાવો મોબાઇલ નંબર

Jio Mobile Number Scheme: મોબાઈલ નેટવર્ક પ્રોવાઈડર Jio દ્વારા એક નવી સ્કીમ શરૂ કરવામાં આવી છે. આ અંતર્ગત તમે તમારી પસંદનો નંબર લઈ શકો છો. તમે તમારા લકી નંબર અથવા જન્મ તારીખને તમારો મોબાઈલ નંબર બનાવી શકો છો. Jioની આ નવી સ્કીમ હેઠળ તમે કોઈપણ નંબર પસંદ કરી શકો છો. મોબાઈલ નંબર 10 અંકોનો હોય છે, જેમાંથી તમે છેલ્લા 4 થી 6 નંબર જાતે પસંદ કરી શકો છો. લોકોને આ સ્કીમ ખૂબ જ ઇન્ટરેસ્ટિંગ લાગી રહી છે. તો મનપસંદ મોબાઈલ નંબર મેળવવો હોય તો શું કરવું..

પસંદગીના નંબર માટે કેટલી કિંમત ચૂકવવી પડશે?
Jioની આ સ્કીમનો લાભ લેવા માટે તમારે માત્ર એક જ વાર 499 રૂપિયા ચૂકવવા પડશે. Jioની આ ઑફર પોસ્ટપેડ અને પ્રીપેડ બંને યુઝર્સ માટે છે. કોઈપણ યુઝરે 499 થી વધુ એક રૂપિયો ચૂકવવો પડશે નહીં. આ યોજના હેઠળ યુઝર્સ તેમના મોબાઇલ નંબરની પસંદગીની સિક્વન્સ સિલેક્ટ કરી શકે છે.

ફોલો કરો આ સ્ટેપ્સ 

- Jioની આ સ્કીમનો લાભ લેવા માટે, પહેલા https://www.jio.com/selfcare/choice-number/ વેબસાઈટની મુલાકાત લો. પછી સેલ્ફ કેર સેક્શન પર જાઓ. આ સિવાય તમે ફોનમાં MyJio એપ ડાઉનલોડ કરીને પણ આ સ્ટેપ પર પહોંચી શકો છો.

- ત્યારબાદ તમે મોબાઈલ નંબર સિલેક્શન સેક્શનમાં જાઓ.

- ત્યાં તમે તમારો હાલનો નંબર દાખલ કરો. પછી OTT થી તમારો નંબર વેરીફાઈ કરો.

- આ પછી તમને નવો નંબર પસંદ કરવાનો વિકલ્પ મળશે.

- આ વિકલ્પ પર જઈને તમે મોબાઈલ નંબરના છેલ્લા 4 થી 6 અંકો તમારી પસંદગી મુજબ પસંદ કરી શકશો.

- મનપસંદ મોબાઇલ નંબર પસંદ કર્યા પછી, ચુકવણી વિકલ્પ પર જાઓ. અહીં તમારે 499 રૂપિયા ચૂકવવા પડશે.

- પેમેન્ટ કર્યાના લગભગ 24 કલાક પછી નવો મોબાઈલ નંબર એક્ટિવેટ થઈ જશે.