છુપા રૂસ્તમ છે આ પ્રીપેડ પ્લાન, 99 રૂપિયામાં મળશે અનલિમિટેડ કોલિંગનો ફાયદો, અને વેલિડિટી પણ

Rs 99 Plan: ભારત સંચાર નિગમ લિમિટેડ (BSNL) તેના ગ્રાહકોને ઘણા પ્રકારના પ્લાન ઓફર કરે છે. કંપની વિવિધ ગ્રાહકોની જરૂરિયાતો અનુસાર ઘણા પ્રકારના પ્લાન ઓફર કરે છે. સરકારી ટેલિકોમ કંપની ગ્રાહકોને 100 રૂપિયાથી ઓછી કિંમતમાં પ્રીપેડ પ્લાન ઓફર કરે છે.

આજકાલ 100 રૂપિયાથી ઓછી કિંમતમાં બેસિક વેલિડિટીવાળા પ્લાન પણ મળતા નથી. જ્યારે  BSNL દ્વારા ગ્રાહકોને 100 રૂપિયાથી ઓછી કિંમતમાં અનલિમિટેડ વૉઇસ કૉલિંગનો લાભ આપવામાં આવે છે. આવો જાણીએ કયો પ્લાન છે.

અમે અહીં BSNLના 99 રૂપિયાના પ્લાન વિશે વાત કરી રહ્યા છીએ. આ પ્લાનની ખાસ વાત એ છે કે તે શોર્ટ વેલિડિટી સાથે આવતો નથી. આ પ્લાનમાં ગ્રાહકોને 18 દિવસની વેલિડિટી આપવામાં આવી છે. જે એકદમ સારી બાબત છે. ચાલો આ પ્લાન વિશેની બાકીની વિગતો જાણીએ.

BSNL નો રૂ. 99 નો પ્લાનઃ સરકારી ટેલિકોમ કંપનીનો રૂ. 99 નો પ્લાન એક STV (સ્પેશિયલ ટેરિફ વાઉચર) છે. તે દેશભરના તમામ ગ્રાહકો માટે ઉપલબ્ધ છે. આ પ્લાન 18 દિવસની માન્યતા સાથે આવે છે અને ગ્રાહકોને અનલિમિટેડ વૉઇસ કૉલિંગ લાભો મળશે. જો કે આ પ્લાનમાં ગ્રાહકોને SMS કે ડેટા બેનિફિટ્સ આપવામાં આવતા નથી. એવામાં જો તમને ડેટાની જરૂર હોય તો તમારે એક અલગ ડેટા વાઉચરની જરૂર પડશે.

આ પ્રીપેડ પ્લાન એવા ગ્રાહકો માટે ખૂબ જ સારો છે જેઓ ઓછા બજેટમાં થોડી વેલિડિટી સાથે પ્રીપેડ પ્લાન ઈચ્છે છે. જોકે, BSNLની એક સમસ્યા એ છે કે કંપની સમગ્ર ભારતમાં 4G નેટવર્ક પણ ઓફર કરતી નથી.

BSNL હાલમાં દેશભરમાં 4G નેટવર્ક લોન્ચ કરવાની પ્રક્રિયામાં છે અને કંપનીએ કહ્યું છે કે તેને પછીથી 5G પર અપગ્રેડ કરવામાં આવશે. જો તમારી પાસે 2G/3G સિમ છે, તો BSNL ભલામણ કરે છે કે તમે 4G સિમ પર અપગ્રેડ કરો. આ BSNL દ્વારા મફતમાં આપવામાં આવે છે.