Twitter Official Label: ટ્વિટરે જાહેર કરી દીધું 'બ્લૂ ટિક' થી પણ આગળનું ફીચર, અને ખાસ થઇ જશે ઓળખ

Twitter Rolls Out Official Label: સોશિયલ નેટવર્કિંગ પ્લેટફોર્મ ટ્વિટર (Twitter) એ ગત થોડા સમયમાં ઘણા ફેરફાર જોયા છે જેને યૂઝર્સ અને કર્મચારી, બંને પુરી રીતે સમજી શક્યા નથી. તમને જણાવી દઇએ કે લેઓફ અને ફીચર્સમાં ફેરફારો વચ્ચે એક નવું ફીચર પણ જાહેર કરી દીધું છે. આ ફીચર બધા માટે નથી, તેને ફક્ત ખાસ એકાઉન્ટ્સ માટે રોલઆઉટ કરવામાં આવ્યું છે અને તેનાથી તે એકાઉન્ટને વધુ એક મોટી અને સારી ઓળખ મળી જશે. આ ઓળખ 'બ્લૂ ટિક' એટલે કે વેરિફિકેશનથી પણ એક પગલું આગળની ઓળખ હશે. આવો ડિટેલમાં જાણીએ આ ફીચર શું છે અને તેને કયા યૂઝર્સ માટે રોલ આઉટ કરવામાં આવ્યું છે. 

Twitter એ જાહેર કરી દીધું 'બ્લૂ ટિક' થી પણ આગળનું ફીચર
ટ્વિટરના સીઇઓએ જાણકારી આપી છે કે તે કેટલાક ખાસ એકાઉન્ટ્સ માટે એક નવું ફીચર જાહેર કરી રહ્યા છે. આ ફીચરથી ટ્વિટરના 'હાઇ પ્રોફાઇલ' એકાઉન્ટ્સને એક ખાસ ઓળખ મળશે. તમને જણાવી દઇએ કે આ ઓળખ 'બ્લૂ ટિક' યૂઝર્સથી પણ ઉપર હશે. આ નવા ફીચર અંતગર્ત યૂઝર્સને તેમની પ્રોફાઇલમાં એક ગ્રે પટ્ટી પર 'ઓફિશિયલ' (Official) લખેલું લેબલ મળી જશે.

આ ખાસ એકાઉન્ટ્સને મલશે આ નવું 'લેબલ'
તમને જણાવી દઇએ કે આ લેબલ દરેક માટે નથી અને તેને ફક્ત કેટલાક ખાસ એકાઉન્ટ્સ માટે જાહેર કરવામાં આવશે. આ લેબલને વેરિફિકેશનવાળા 'બ્લૂ ટિક'ની માફક ખરીદી પણ નહી શકાય. કહેવામાં આવ્યું છે કે આ લેબલને પ્રાપ્ત કરવા માટે સરકારી એકાઉન્ટ્સ, કોમર્શિયલ કંપની, બિઝનેસ પાર્ટનર્સ, મીડિયા આઉટલેટ્સ, પબ્લિશર્સ અને કેટલીક હસ્તીઓના એકાઉન્ટ્સમાંથી સિલેક્ટ કરવામાં આવશે. 

તમને યાદ કરાવી દઇએ કે આ ફીચર તો પેડ નથી પરંતુ જો તમે ઇચ્છો તો એક મંથલી ચાર્જ આપીને તમારા એકાઉન્ટને 'બ્લૂ ટિક' વેરિફિકેશન જરૂર અપાવી શકો છો.