ವೃದ್ಧೆಯ ವೇಷಧರಿಸಿ ಬಂದು ಬ್ಯಾಂಕ್ ದರೋಡೆ ಮಾಡಿದ ಕಿಲಾಡಿ ಕಳ್ಳ

ದರೋಡೆ

ಅಮೆರಿಕದ ಜಾರ್ಜಿಯಾದಲ್ಲಿ ವಯಸ್ಸಾದ ಮಹಿಳೆಯಂತೆ ವೇಷ ಧರಿಸಿ ಬಂದ ದರೋಡೆಕೋರ ಬ್ಯಾಂಕ್ ಅನ್ನು ದೋಚಿ ಪರಾರಿಯಾಗಿದ್ದಾನೆ. ಹೂವಿನ ಡಿಸೈನ್‌ ಇರುವ ಉಡುಗೆ, ಬಿಳಿ ಸ್ನೀಕರ್ಸ್, ಕಿತ್ತಳೆ ಲ್ಯಾಟೆಕ್ಸ್ ಕೈ ಗವಸುಗಳು, ಬಿಳಿ ವಿಗ್ ಮತ್ತು ಕಪ್ಪು ಮುಖವಾಡ ಧರಿಸಿ ಬಂದ ದರೋಡೆಕೋರನೊಬ್ಬ ಬ್ಯಾಂಕ್‌ ರಾಬರಿ ಮಾಡಿದ್ದಾನೆ. ಪೊಲೀಸರ ಪ್ರಕಾರ, ಸೋಮವಾರ ಅಟ್ಲಾಂಟಾದ ಆಗ್ನೇಯ ಹೆನ್ರಿ ಕೌಂಟಿಯಲ್ಲಿ ಈ ಘಟನೆ ನಡೆದಿದೆ.

ಇದನ್ನೂ ಓದಿ: Viral Video: ಮೂರು ಹಾವುಗಳ ಮಿಲನ.. ವಿಡಿಯೋ ಕಂಡು ದಂಗಾದ ಜನ

ಮಾರುವೇಷದಲ್ಲಿದ್ದ ವ್ಯಕ್ತಿ ಗುಲಾಬಿ ಬಣ್ಣದ ಚೀಲವನ್ನು ಹೊತ್ತುಕೊಂಡು ಬಂದೂಕು ಹಿಡಿದು ಮೆಕ್‌ಡೊನೊ ನಗರದ ಚೇಸ್ ಬ್ಯಾಂಕ್‌ಗೆ ಬಂದಿದ್ದಾನೆ. ನಂತರ ಅವರು ಸಿಬ್ಬಂದಿಗೆ ಹಣದ ಬೇಡಿಕೆಯ ಟಿಪ್ಪಣಿಯನ್ನು ನೀಡಿದ್ದಾನೆ, ಅವರನ್ನು ಬೆದರಿಸಿ ಹಣ ತೆಗೆದುಕೊಂಡಿದ್ದಾನೆ ಎಂದು ಅಟ್ಲಾಂಟಾ ಜರ್ನಲ್-ಕಾನ್ಸ್ಟಿಟ್ಯೂಷನ್ ಪೊಲೀಸರನ್ನು ಉಲ್ಲೇಖಿಸಿ ವರದಿ ಮಾಡಲಾಗಿದೆ.

ಹಣವನ್ನು ತೆಗೆದುಕೊಂಡ ನಂತರ, ವ್ಯಕ್ತಿ  ಬಿಳಿ ಬಣ್ಣದ ಎಸ್‌ಯುವಿಯಲ್ಲಿ ಪರಾರಿಯಾಗಿದ್ದಾನೆ. ಮಾರುವೇಷದಲ್ಲಿದ್ದ ಆರೋಪಿಗಳ ಫೋಟೋಗಳನ್ನು ಮೆಕ್‌ಡೊನೊ ಪೊಲೀಸ್ ಇಲಾಖೆ ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದೆ.

"ಬ್ಯಾಂಕ್ ಒಳಗೆ ತೆಗೆದ ಸಿಸಿಟಿವಿ ರೆಕಾರ್ಡಿಂಗ್ ಮತ್ತು ಫೋಟೋಗಳ ಆಧಾರದ ಮೇಲೆ, ಶಂಕಿತ ವ್ಯಕ್ತಿಯು ಹೂವಿನ ಡಿಸೈನ್‌ ಇದ್ದ ಉಡುಗೆ, ವಿಗ್ ಮತ್ತು ಕಪ್ಪು ಮುಖವಾಡವನ್ನು ಧರಿಸಿದ್ದಾನೆ ಎಂದು ಇಲಾಖೆಯು ದೃಢಪಡಿಸಲು ಸಾಧ್ಯವಾಯಿತು" ಎಂದು ಇಲಾಖೆ ಬರೆದಿದೆ.

ಇದನ್ನೂ ಓದಿ: Shocking News: ಗರ್ಭಿಣಿ ಮೇಲೆ ಹರಿದ ಟ್ರಕ್.. ಗರ್ಭ ಒಡೆದು ಹೊರಬಂದ ಮಗು

ಆರೋಪಿಯ ಫೋಟೋಗಳನ್ನು ಹೊಂದಿರುವ ಫೇಸ್‌ಬುಕ್ ಪೋಸ್ಟ್, ನಿರೀಕ್ಷೆಯಂತೆ, ಸಾಮಾಜಿಕ ಮಾಧ್ಯಮದಲ್ಲಿ ಪ್ರತಿಕ್ರಿಯೆಗಳ ಸರಣಿಯನ್ನು ಪಡೆದಿದೆ. ಕೆಲವರು ಏಕಾಂಗಿಯಾಗಿ ಕಳ್ಳತನ ಮಾಡಿದ್ದಕ್ಕಾಗಿ ಆತನನ್ನು ಹೊಗಳಿದ್ದಾರೆ.