ಕರೋನಾ ಲಸಿಕೆ ಯಾವಾಗ ಬರಲಿದೆ? ಇಂದು ಕೇಂದ್ರ ಆರೋಗ್ಯ ಸಚಿವರಿಂದ ಮಾಹಿತಿ ಸಾಧ್ಯತೆ

ಕೇಂದ್ರ ಆರೋಗ್ಯ ಸಚಿವ ಡಾ.ಹರ್ಷ್ ವರ್ಧನ್ ಅವರು ಮಧ್ಯಾಹ್ನ 1 ಗಂಟೆಗೆ ಕರೋನಾ ಲಸಿಕೆಗೆ ಸಂಬಂಧಿಸಿದಂತೆ ಪೂರ್ಣ ವಿವರಗಳನ್ನು ದೇಶದ ಮುಂದೆ ಇಡಲಿದ್ದಾರೆ ಎಂದು ಹೇಳಲಾಗಿದೆ.

ನವದೆಹಲಿ: ಕರೋನಾ ಲಸಿಕೆಯನ್ನು ದೇಶಕ್ಕೆ ತಲುಪಿಸುವ ಯೋಜನೆಯನ್ನು ಇಂದು ಬಿಡುಗಡೆ ಮಾಡಬಹುದು ಎಂದು ನಿರೀಕ್ಷಿಸಲಾಗಿದ್ದು,  ಕರೋನಾ ಲಸಿಕೆ ಯಾವಾಗ ಬರುತ್ತದೆ ಮತ್ತು ಅದರ ಮೊದಲ ಪ್ರಮಾಣವನ್ನು ಯಾರು ಪಡೆಯುತ್ತಾರೆ ಎಂದು ಆರೋಗ್ಯ ಸಚಿವ ಡಾ.ಹರ್ಷ್ ವರ್ಧನ್ ಇಂದು ತಿಳಿಸಲಿದ್ದಾರೆ ಎನ್ನಲಾಗುತ್ತಿದೆ.

ಕೇಂದ್ರ ಆರೋಗ್ಯ ಸಚಿವ ಡಾ.ಹರ್ಷ್ ವರ್ಧನ್ ಅವರು ಮಧ್ಯಾಹ್ನ 1 ಗಂಟೆಗೆ ಕರೋನಾ ಲಸಿಕೆ (Corona Vaccine) ಗೆ ಸಂಬಂಧಿಸಿದಂತೆ ಪೂರ್ಣ ವಿವರಗಳನ್ನು ದೇಶದ ಮುಂದೆ ಇಡಲಿದ್ದಾರೆ ಎಂದು ಹೇಳಲಾಗಿದೆ. ವಾಸ್ತವವಾಗಿ ಭಾರತದಲ್ಲಿ 3 ಲಸಿಕೆಗಳನ್ನು ಮಾನವರ ಮೇಲೆ ಪರೀಕ್ಷಿಸಲಾಗುತ್ತಿದೆ, ಅದರಲ್ಲಿ ಎರಡು ಸ್ಥಳೀಯವಾಗಿವೆ. ಭಾರತ ಸರ್ಕಾರವು ಇತರ ದೇಶಗಳಲ್ಲಿ ಅಭಿವೃದ್ಧಿಪಡಿಸಬೇಕಾದ ಲಸಿಕೆಗಳ ಮೇಲೂ ಕಣ್ಣಿಟ್ಟಿದೆ.

अगर #कोरोना वैक्सीन आया तो कैसे पहुंचेगा भारत की 140 करोड़ की आबादी तक?#OnlineClasses से बच्चों की आंखों को होने वाले नुकसान से क्या हैं बचाव के उपाय?

ऐसे कई रोचक सवालों के जवाब के लिए इंतज़ार कीजिए #SundaySamvaad का, आज दोपहर 1 बजे ।@MoHFW_INDIA @IndiaDST @moesgoi pic.twitter.com/Rto6WKHfsy

— Dr Harsh Vardhan (@drharshvardhan) October 4, 2020

ಭಾರತದ ಕರೋನಾವೈರಸ್ (Coronavirus) ಮಹಾಮಾರಿಗೆ ಬಲಿಯಾದವರ ಸಂಖ್ಯೆ 1 ಲಕ್ಷ ದಾಟಿದೆ. ಆರೋಗ್ಯ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ ಪ್ರಸ್ತುತ 64 ಲಕ್ಷ 73 ಸಾವಿರ ಜನರು ಕರೋನಾ ಸೋಂಕಿಗೆ ಒಳಗಾಗಿದ್ದಾರೆ. ಈ ಪೈಕಿ 54 ಲಕ್ಷದ 27 ಸಾವಿರ ಜನರನ್ನು ಗುಣಪಡಿಸಲಾಗಿದೆ ಮತ್ತು 9 ಲಕ್ಷ 44 ಸಾವಿರ ಜನರು ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಡಾ. ಹರ್ಷ್ ವರ್ಧನ್ (Dr Harsh Vardhan) ಅವರ ಪ್ರಕಾರ ಕರೋನಾವನ್ನು ನಿಯಂತ್ರಿಸುವಲ್ಲಿ ಭಾರತದ ಸ್ಥಾನವು ಉಳಿದ ದೇಶಗಳಿಗಿಂತ ಉತ್ತಮವಾಗಿದೆ. ಕರೋನಾದಿಂದ ಚೇತರಿಸಿಕೊಳ್ಳುತ್ತಿರುವ ಜನರ ದರಗಳು ಮತ್ತು ದೇಶದಲ್ಲಿ ಮರಣ ಪ್ರಮಾಣ ಕಡಿಮೆಯಾಗಿರುವುದು ಇದಕ್ಕೆ ಉದಾಹರಣೆಯಾಗಿದೆ.

ಕರೋನಾ ಲಸಿಕೆಯನ್ನು ಮುಂದಿನ ವರ್ಷದ ಮೊದಲ ತ್ರೈಮಾಸಿಕದಲ್ಲಿ ದೇಶಕ್ಕೆ ನೀಡಬಹುದು ಎಂದು ಈ ಹಿಂದೆ ಡಾ.ಹರ್ಷ್ ವರ್ಧನ್ ಹೇಳಿದ್ದರು. ಈ ನಿಟ್ಟಿನಲ್ಲಿ ಡಾ.ಹರ್ಷ್ ವರ್ಧನ್ ಅವರು ಇಂದು ಸಂವಾದ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. ಇದರಲ್ಲಿ ದೇಶವು ಯಾವಾಗ ಕರೋನಾ ಲಸಿಕೆ ಪಡೆಯಬಹುದು. ಯಾವ ರೋಗಿಗಳಿಗೆ ಮೊದಲು ಈ ಲಸಿಕೆ ನೀಡಲಾಗುವುದು ಎಂಬುದರ ಬಗ್ಗೆ ಒಂದು ಸ್ಪಷ್ಟ ಚಿತ್ರಣ ಸಿಗುವ ಸಾಧ್ಯತೆ ಇದೆ.