Medical seat fraud: ಮಾಜಿ ಸಚಿವ ಆರ್.ಎಲ್.ಜಾಲಪ್ಪ ಪುತ್ರನಿಗೆ ಜೈಲು ಶಿಕ್ಷೆ, 20 ಲಕ್ಷ ರೂ. ದಂಡ!

Medical seat fraud Case: ಮೆಡಿಕಲ್ ಸೀಟ್ ಕೊಡಿಸುವುದಾಗಿ ವಂಚಸಿದ್ದ ಮಾಜಿ ಶಾಸಕ ಜೆ.ನರಸಿಂಹಸ್ವಾಮಿಗೆ ನ್ಯಾಯಾದೀಶೆ ಪ್ರೀತ್.ಜೆ ಅವರು ದಂಡದ ಜೊತೆಗೆ ಶಿಕ್ಷೆ ಪ್ರಕಟಿಸಿದ್ದಾರೆ.

ಆರ್.ಎಲ್.ಜಾಲಪ್ಪ ಪುತ್ರನಿಗೆ ಜೈಲು ಶಿಕ್ಷೆ!

ಬೆಂಗಳೂರು: ಮಾಜಿ ಕೇಂದ್ರ ಸಚಿವ, ದಿವಂಗತ ಆರ್.ಎಲ್. ಜಾಲಪ್ಪ ಪುತ್ರ ಜೆ.ನರಸಿಂಹಸ್ವಾಮಿಗೆ ಜೈಲು ಶಿಕ್ಷೆ ವಿಧಿಸಲಾಗಿದೆ. ಜಾಲಪ್ಪ ಪುತ್ರನಿಗೆ 6 ತಿಂಗಳು ಜೈಲು ಶಿಕ್ಷೆ ಹಾಗೂ 20 ಲಕ್ಷ ರೂ. ದಂಡ ವಿಧಿಸಿ ಕೋರ್ಟ್ ಆದೇಶಿಸಿದೆ.

ಬೆಂಗಳೂರಿನ ಜನಪ್ರತಿನಿಧಿಗಳ ವಿಶೇಷ ನ್ಯಾಯಾಲಯದಿಂದ ಈ ಆದೇಶ ಹೊರಡಿಸಲಾಗಿದೆ. ಮೆಡಿಕಲ್ ಸೀಟ್ ಕೊಡಿಸುವುದಾಗಿ ವಂಚಸಿದ್ದ ಮಾಜಿ ಶಾಸಕ ನರಸಿಂಹಸ್ವಾಮಿಗೆ ನ್ಯಾಯಾದೀಶೆ ಪ್ರೀತ್.ಜೆ ಅವರು ದಂಡದ ಜೊತೆಗೆ ಶಿಕ್ಷೆ ಪ್ರಕಟಿಸಿದ್ದಾರೆ.

ಇದನ್ನೂ ಓದಿ: ಶಕ್ತಿ ಯೋಜನೆ ಹೊಡೆತ: ಆಟೋ ಮಾರಾಟಕ್ಕೆ ನಿಂತ ಆಟೋ ಚಾಲಕರು

ಪ್ರಕಾಶ್ ಕುಮಾರ್ ಯರಪ್ಪ ಪುತ್ರಿಗೆ ಮೆಡಿಕಲ್ ಸೀಟ್ ಕೊಡಿಸುವುದಾಗಿ ದೊಡ್ಡಬಳ್ಳಾಪುರದ ಮಾಜಿ ಶಾಸಕ ನರಸಿಂಹಸ್ವಾಮಿ ಹಣ ಪಡೆದಿದ್ದ. ಇದೀಗ ಪ್ರಕರಣದಲ್ಲಿ ಅವರು ಜೈಲು ಶಿಕ್ಷೆಗೆ ಗುರಿಯಾಗಿದ್ದಾರೆ.

ದೇವರಾಜು ಅರಸು ಮೆಡಿಕಲ್‌ ಕಾಲೇಜಿನಲ್ಲಿ ಸೀಟ್ ಕೊಡಿಸುವುದಾಗಿ ವಂಚನೆ ಮಾಡಲಾಗಿತ್ತು. ಪುತ್ರಿಯ ಮೆಡಿಕಲ್ ಸೀಟ್‍ಗಾಗಿ ಪ್ರಕಾಶ್ ಕುಮಾರ್ ಯರಪ್ಪ 45 ಲಕ್ಷ ರೂ. ನೀಡಿದ್ದರು.

ಇದನ್ನೂ ಓದಿ: Budget 2023: ರಾಜ್ಯ ಬಜೆಟ್ 2023: ಸರ್ಕಾರದ ತೆರಿಗೆ ಸಂಗ್ರಹ ಸ್ಥಿತಿಗತಿ ಹೇಗಿದೆ?

ಈ ಪ್ರಕರಣದಲ್ಲಿ ಮೇಲ್ಮನವಿ ಸಲ್ಲಿಸುವುದಾಗಿ ತಿಳಿಸಿ ನರಸಿಂಹಸ್ವಾಮಿ ಸಂಬಂಧಿಸಿದ ವಕೀಲರು ಜಾಮೀನು ಕೋರಿದ್ದರು. ಹೀಗಾಗಿ ಮಾಜಿ ಶಾಸಕ‌ ನರಸಿಂಹಸ್ವಾಮಿಗೆ ಕೋರ್ಟ್ ಜಾಮೀನು ಮಂಜೂರು ‌ಮಾಡಿದೆ.