Bigg Boss Kannada 11: ಬಿಗ್ ಬಾಸ್ ಕನ್ನಡ ಸೀಸನ್‌ 11 ದಿನದಿಂದ ದಿನಕ್ಕೆ ತೀವ್ರ ಕುತೂಹಲ ಮೂಡಿಸುತ್ತಿದೆ. ಪ್ರತಿವಾರವೂ ಒಬ್ಬೊಬ್ಬ ಸ್ಪರ್ಧಿ ಬಿಗ್ ಮನೆಯಿಂದ ಹೊರಹೋಗುತ್ತಿದ್ದು, ಸ್ಟ್ರಾಂಗ್‌ ಸ್ಪರ್ಧಿಗಳು ತಮ್ಮ ಆಟದ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಗ್ರ್ಯಾಂಡ್‌ ಫಿನಾಲೆ ಹತ್ತಿರ ಬರುತ್ತಿದ್ದಂತೆಯೇ ಎಲ್ಲಾ ಸ್ಪರ್ಧಿಗಳು ಫುಲ್‌ ಅಲರ್ಟ್‌ ಆಗಿದ್ದು, ಟ್ರೋಫಿ ಗೆಲ್ಲುವ ಸ್ಪರ್ಧಿ ಯಾರು ಅನ್ನೋ ಕುತೂಹಲ ಮೂಡಿದೆ.
ಇಂದು ಪ್ರಸಾರವಾಗಲಿರುವ ಎಪಿಸೋಡ್ ಅಂದರೆ ʼಸೂಪರ್ ಸಂಡೇ ವಿತ್ ಬಾದ್ಷಾ ಸುದೀಪʼ ಪ್ರೋಮೋವನ್ನು ಕಲರ್ಸ್‌ ಕನ್ನಡ ತನ್ನ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಂಡಿದೆ. ಈ ಪ್ರೋಮೋದಲ್ಲಿ ಬಿಗ್‌ಬಾಸ್‌ ಸ್ಪರ್ಧಿಗಳು ಹಿಂದೂ ಫೈರ್‌ಬ್ರಾಂಡ್‌ ಎನಿಸಿಕೊಂಡಿರುವ ಚೈತ್ರಾ ಕುಂದಾಪುರರನ್ನ ಕಸದ ಬುಟ್ಟಿಗೆ ಹಾಕಿದ್ದಾರೆ. ಹಾಗಾದ್ರೆ ಇದರ ಅರ್ಥವೇನು..? ಕಿಚ್ಚ ಸುದೀಪ್‌ ಸ್ಪರ್ಧಿಗಳಿಗೆ ಹೇಳಿದ್ದೇನು ಅನ್ನೋದರ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ...
ಸೂಪರ್ ಸಂಡೇ ವಿತ್ ಬಾದ್ಷಾ ಸುದೀಪ | ಇಂದು ರಾತ್ರಿ 9#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa #BBKPromo pic.twitter.com/H7zCwGaF0H
— Colors Kannada (@ColorsKannada) December 22, 2024
ಅಂದಹಾಗೆ ಈ ಪ್ರೋಮೋ ಓಪನ್‌ ಆಗುತ್ತಿದ್ದಂತೆಯೇ ಕಿಚ್ಚ ಸುದೀಪ್‌ ಅವರು ಸ್ಪರ್ಧಿಗಳಲ್ಲಿ ಒಂದು ಪ್ರಶ್ನೆಯನ್ನ ಕೇಳುತ್ತಾರೆ. ʼನಿಮ್ಮ ಪ್ರಕಾರ ಒಬ್ಬ ಸ್ಪರ್ಧಿಯ ಇಂಪಾರ್ಟೆನ್ಸ್‌ ಈ ಮನೆಗೆ ಇಲ್ಲ, ಅವರು ಸಂಪೂರ್ಣ ವೇಸ್ಟ್‌!! ಅವರು ಯಾರು?ʼ ಎನ್ನುತ್ತಾರೆ. ಈ ಪ್ರಶ್ನೆಗೆ ಉತ್ತರಿಸಿದ ಸ್ಪರ್ಧಿಗಳ ಪೈಕಿ ಬಹುತೇಕರು ಚೈತ್ರಾ ಕುಂದಾಪುರರನ್ನೇ ಟಾರ್ಗೆಟ್‌ ಮಾಡುತ್ತಾರೆ. ಈ ಪೈಕಿ ಐಶ್ವರ್ಯ ಮಾತನಾಡಿ, ʼನಿಮ್ಮ ಮುಖವಾಡ ಕಳಚುತ್ತೇನೆ ಎಂದು ಬಿಟ್ಟು ಅವರೇ ಒಂದು ವೇಷ ತೊಟ್ಟುಕೊಂಡು ಆಡುತ್ತಿದ್ದಾರೆʼ ಅಂತಾ ಆರೋಪಿಸುತ್ತಾರೆ. ಇದಕ್ಕೆ ಚೈತ್ರಾ ಕೋಪದಲ್ಲಿ ಐಶ್ವರ್ಯರನ್ನ ಗುರಾಯಿಸುವುದನ್ನು ವಿಡಿಯೋದಲ್ಲಿ ನೀವು ಕಾಣಬಹುದು.
ಮತ್ತೊಬ್ಬ ಸ್ಪರ್ಧಿ ಹನುಮಂತು ಮಾತನಾಡಿ, ʼಮಾತು ಮನೆ ಕೆಡಿಸ್ತು ತೂತು ಒಲೆ ಕೆಡಿಸ್ತುʼ ಅನ್ನೋ ರೀತಿ ಚೈತ್ರಕ್ಕೆ ಈ ಮನೆಯನ್ನೇ ಕೆಡಿಸಿದ್ದಾರೆʼ ಎಂದು ಆರೋಪಿಸುತ್ತಾರೆ. ಈ ವೇಳೆಯೂ ಚೈತ್ರಾ ಸಿಟ್ಟಿನಿಂದ ಹನುಮಂತನನ್ನು ನೋಡುತ್ತಾರೆ. ಮೋಕ್ಷಿತಾ ಪೈ ಮಾತನಾಡಿ, ʼಕಳಪೆ ಬಂತು ಅಂದ್ರೆ ಚೈತ್ರಾ ಅವರು ಹುಷಾರು ತಪ್ಪುತ್ತಾರೆ. ವೀಕೆಂಡ್‌ನಲ್ಲೂ ಡಲ್‌ ಆಗಿರುತ್ತಾರೆ. ಮತ್ತೆ ರಾತ್ರಿ ದಿಢೀರ್‌ ಚಾರ್ಜ್‌ ಆಗುತ್ತಾರೆ. ಫೈರ್‌ ಬ್ರ್ಯಾಂಡ್‌ ಇಸ್‌ ಬ್ಯಾಕ್‌ ಅಂತಾ ಹೇಳುತ್ತಾರೆ. ಅದು ಹೇಗೆ ಅಂತಾ ನನಗೆ ಗೊತ್ತಿಲ್ಲ ಸರ್‌ʼ ಅಂತಾ ಹೇಳುತ್ತಾರೆ.
ರಜತ್‌ ಮಾತನಾಡಿ, ʼಚೈತ್ರಾ ಅವರು ಡವ್‌ ಮಾಡುವುದನ್ನು ಬಿಟ್ಟು ಮನೆಗೆ ಹೋಗುವುದು ಉತ್ತಮ. ಬಹುತೇಕ ಎಲ್ಲ ಸ್ಪರ್ಧಿಗಳು ಕಸದ ಚೀಲಕ್ಕೆ ಚೈತ್ರಾರ ಫೋಟೋವನ್ನು ಅಂಟಿಸಿ ಅದನ್ನು ಕಸದ ಬುಟ್ಟಿಗೆ ಹಾಕುತ್ತಾರೆ. ಸ್ಪರ್ಧಿಗಳ ಆರೋಪಕ್ಕೆ ಚೈತ್ರಾ ಸಿಟ್ಟಿನಿಂದಲೇ ಗುರಾಯಿಸುವುದನ್ನು ನೀವು ವಿಡಿಯೋದಲ್ಲಿ ಕಾಣಬಹುದು. ಪ್ರತಿಯೊಬ್ಬ ಸ್ಪರ್ಧಿಗಳ ಆರೋಪಕ್ಕೆ ಚೈತ್ರಾ ಯಾವ ರೀತಿಯ ಪ್ರತಿಕ್ರಿಯೆ ನೀಡುತ್ತಾರೆ ಅನ್ನೋದರ ಬಗ್ಗೆ ಇಂದಿನ ಎಪಿಸೋಡ್‌ನಲ್ಲಿ ಕಾದು ನೋಡಬೇಕಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://tinyurl.com/7jmvv2nz
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.
