ಭಾರತ ತಂಡಕ್ಕೆ ಮುಂದಿನ ಕೋಚ್‌ ಗೌತಮ್‌ ಗಂಭೀರ್‌..? ಸುಳಿವು ಕೊಟ್ಟಿದ್ದು ಅದೊಂದು ನಡೆ..!

Goutham Gambir: ಭಾರತದ ಮಾಜಿ ಕ್ರಿಕೆಟಿಗ ಹಾಗೂ ಕೆಕೆಆರ್‌ ತಂಡದ ಮೆಂಟರ್‌ ಆಗಿ ಕಾರ್ಯ ನಿರ್ವಹಿಸುತ್ತಿದ್ದ, ಗೌತಮ್ ಗಂಭೀರ್ ಟೀಂ ಇಂಡಿಯಾದ ಮುಖ್ಯ ಕೋಚ್ ಆಗಿ ಅಧಿಕಾರ ವಹಿಸಿಕೊಳ್ಳಲು ರೆಡಿಯಾಗಿದ್ದಾರೆ. ಈಗಾಗಲೇ ಗಂಭೀರ್ ಮತ್ತು ಡಬ್ಲ್ಯೂವಿ ರಾಮನ್ ಇಬ್ಬರೂ ಈಗಾಗಲೇ ಈ ಸ್ಥಾನಕ್ಕಾಗಿ ಪೈಪೋಟಿ ನಡೆಸುತ್ತಿದ್ದು, ಈ ಸ್ಥಾನಕ್ಕೆ ಗೌತಮ್‌ ಆಯ್ಕೆಯಾಗುವುದು ಬಹುತೇಕ ಖಚಿತವಾಗಿದೆ.

ರಾಹುಲ್ ದ್ರಾವಿಡ್ ಮುಖ್ಯ ಕೋಚ್ ಸ್ಥಾನದಿಂದ ಕೆಳಗಿಳಿದ ನಂತರ, ತೆರವಾದ ಸ್ಥಾನವನ್ನು ತುಂಬಲು ಗಂಭೀರ್ ಪ್ರಧಾನ ಅಭ್ಯರ್ಥಿಯಾಗಿ ಕಾಣುತ್ತಿದ್ದರೂ ಕೂಡ ಈ ಸ್ಥಾನಕ್ಕಾಗಿ ಬಹಳ ಪೈಪೋಟಿ ನಡೆಯುತ್ತಿದೆ.  

ಇದನ್ನೂ ಓದಿ: IND vs ZIM: ಮೂರನೇ ಪಂದ್ಯಕ್ಕೆ ರೆಡಿಯಾಯ್ತು ಪ್ಲೇಯಿಂಗ್‌ XI..! ಇಬ್ಬರು ಔಟ್‌.. ಶಿವಂ ದುಬೆ ಇನ್..?

ಮಾಜಿ ಭಾರತೀಯ ಮಹಿಳಾ ತಂಡದ ಕೋಚ್ ಡಬ್ಲ್ಯೂವಿ ರಾಮನ್ ಅವರ ಹೊರತಾಗಿಯೂ, ಗಂಭೀರ್ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯ (BCCI) ಕ್ರಿಕೆಟ್ ಸಲಹಾ ಸಮಿತಿಯನ್ನು ಪ್ರಭಾವಿತಗೊಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಟೀಂ ಇಂಡಿಯಾದ ಮುಖ್ಯ ಕೋಚ್ ಹುದ್ದೆಗೆ ಫೇವರಿಟ್ ಎಂದು ಪರಿಗಣಿಸಲಾಗಿರುವ ಗಂಭೀರ್ ಇತ್ತೀಚೆಗೆ ಕೋಲ್ಕತ್ತಾದ ಈಡನ್ ಗಾರ್ಡನ್ಸ್‌ನಲ್ಲಿ ನಡೆದ ವಿದಾಯ ಶೂಟ್‌ನಲ್ಲಿ ಭಾಗವಹಿಸಿದ್ದರು. ಈ ಕ್ರಮವು ಗಂಭೀರ್‌ಗೆ ಭಾರತ ತಂಡದ ಮುಂದಿನ ಮುಖ್ಯ ಕೋಚ್ ಆಗುವ ಅವಕಾಶವನ್ನು ಹೆಚ್ಚಿಸಿದೆ. ಬಿಸಿಸಿಐ ನ ರೂಲ್ಸ್‌ ಪ್ರಕಾರ ಎರಡು ತಂಡಗಳಿಗೆ ಕೋಚ್‌ ಆಗಿ ಕಾರ್ಯ ನರ್ವಹಿಸುವಂತಿಲ್ಲ. ಇದೀಗ ಕೆಕೆಆರ್‌ ತಂಡಕ್ಕೆ ವಿದಾಯ ಹೇಳುವ ಮೂಲಕ ಗೌತಮ್‌ ಟೀಂ ಇಂಡಿಯಾದ ಕೋಚ್‌ ಆಗುವ ನಡೆಯನ್ನು ಖಚಿತಪಡಿಸಿದ್ದಾರೆ. 

"ಇದೊಂದು ಸಣ್ಣ ಘಟನೆ. ಆದರೆ ಗೌತಮ್ ಗಂಭೀರ್ ತಮ್ಮ ಅಭಿಮಾನಿಗಳಿಗೆ ಸಂದೇಶದ ಮೂಲಕ ವಿದಾಯ ಹೇಳಲು ಬಯಸಿದ್ದರು, ಆದ್ದರಿಂದ ವೀಡಿಯೊವನ್ನು ಈಡನ್ ಗಾರ್ಡನ್ಸ್‌ನಲ್ಲಿ ಚಿತ್ರೀಕರಿಸಲಾಗಿದೆ" ಎಂದು ವಿವರಗಳನ್ನು ಬಹಿರಂಗಪಡಿಸುವ ಮೂಲಕ ಸಿಎಬಿ ಅಧಿಕಾರಿಯೊಬ್ಬರು ಮಾಹಿತಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ:  ರೋಹಿತ್‌ ಶರ್ಮಾರನ್ನು ತಬ್ಬಿ ಕಣ್ಣೀರಿಟ್ಟ ನೀತಾ ಅಂಬಾನಿ..!

ಈ ವೀಡಿಯೊ ಗಂಭೀರ್ ಅವರ ಪ್ರಯಾಣವನ್ನು ಹೈಲೈಟ್ ಮಾಡುತ್ತದೆ ಮತ್ತು 2024 ರ ಐಪಿಎಲ್ ಋತುವಿನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ (KKR)ನ ಮಾರ್ಗದರ್ಶಕರಾಗಿ ಅವರ ಇತ್ತೀಚಿನ ಸೇವೆಗಳನ್ನು ಉಲ್ಲೇಖಿಸುತ್ತದೆ ಎಂದು ವರದಿ ಹೇಳುತ್ತದೆ. ಭಾರತ ತಂಡದ ನೂತನ ಮುಖ್ಯ ಕೋಚ್ ಆಗಿ ಗಂಭೀರ್ ಅಧಿಕೃತವಾಗಿ ನೇಮಕಗೊಂಡ ಬಳಿಕ ವಿಡಿಯೋ ಬಿಡುಗಡೆಯಾಗಲಿದೆ.