IPL 2023: ಆರ್ಸಿಬಿಯ ಮಾರಕ ಬೌಲಿಂಗ್ ದಾಳಿಗೆ ತತ್ತರಿಸಿದ ಲಕ್ನೋ ಸೂಪರ್ ಜೈಂಟ್ಸ್

ಲಕ್ನೋ: ಇಲ್ಲಿನ ಅಟಲ್ ಬಿಹಾರಿ ವಾಜಪೇಯಿ ಕ್ರೀಡಾಂಗಣದಲ್ಲಿ ಲಕ್ನೋ ಜೈಂಟ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು 18 ರನ್ ಗಳ ಭರ್ಜರಿ ಗೆಲುವು ಸಾಧಿಸಿದೆ.

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಬೆಂಗಳೂರು ತಂಡವು ಆರಂಭಿಕ ಆಟಗಾರರಾದ ವಿರಾಟ್ ಕೊಹ್ಲಿ 31 ಹಾಗೂ ಫ್ಯಾಫ್ ದುಪ್ಲೆಸಿಸ್ 44 ರನ್ ಗಳಿಸಿದ್ದು ಬಿಟ್ಟರೆ ಉಳಿದ ಯಾವ ಆಟಗಾರನು ಕೂಡ 20 ರ ಗಡಿ ದಾಟಲಿಲ್ಲ, ಇದರ ಪರಿಣಾಮವಾಗಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಅಂತಿಮವಾಗಿ 20 ಓವರ್ ಗಳಲ್ಲಿ ಒಂಬತ್ತು ವಿಕೆಟ್ ನಷ್ಟಕ್ಕೆ ಕೇವಲ 126 ಗಳನ್ನು ಗಳಿಸಿತು.

ಇದನ್ನೂ ಓದಿ: Viral Video: ಗುಟ್ಟಾಗಿ ಹೊಲದ ಮಧ್ಯೆ ಆಂಟಿ - ಅಂಕಲ್‌ ಗುದ್ದಾಟ.. ಆದ್ರೂ ವೈರಲ್‌ ಆಯ್ತು ವಿಡಿಯೋ!

ಲಕ್ನೋ ತಂಡದ ಪರವಾಗಿ ನವೀನ ಉಲ್ ಹಕ್ ಮೂರು ಹಾಗೂ ರವಿ ಬಿಶ್ನೋಯಿ,ಅಮಿತ್ ಮಿಶ್ರಾ ತಲಾ ಎರಡು ವಿಕೆಟ್ ಗಳನ್ನು ಕಬಳಿಸುವ ಮೂಲಕ ಬೆಂಗಳೂರು ತಂಡದ ಬ್ಯಾಟಿಂಗ್ ಬೆನ್ನೆಲುಬು ಮುರಿದರು.

Victory in Lucknow for @RCBTweets!

A remarkable bowling performance from #RCB as they bounce back in style 👏🏻👏🏻

Scorecard ▶️ https://t.co/jbDXvbwuzm #TATAIPL | #LSGvRCB pic.twitter.com/HBDia6KEaX

— IndianPremierLeague (@IPL) May 1, 2023

ಕೇವಲ 127 ರನ್ ಗಳ ಗೆಲುವಿನ ಗುರಿಯನ್ನು ಬೆನ್ನತ್ತಿದ ಲಕ್ನೋ ತಂಡವು ಸುಲಭವಾಗಿ ಗೆಲ್ಲಬಹುದು ಎಂದು ಭಾವಿಸಲಾಗಿತ್ತು ಆದರೆ ಮೊದಲ ಓವರ್ ನಲ್ಲಿಯೇ ಸಿರಾಜ್ ಕೆಲ್ ಮೆಯರ್ಸ್ ವಿಕೆಟ್ ತೆಗೆದುಕೊಳ್ಳುವ ಮೂಲಕ ಲಕ್ನೊಗೆ ಶಾಕ್ ನೀಡಿದರು. ಇದಾದ ನಂತರ ತಂಡವು ಸುಧಾರಿಸಿಕೊಳ್ಳಲೇ ಇಲ್ಲ, ಲಕ್ನೋ ಪರವಾಗಿ ಕೃಷ್ಣಪ್ಪ ಗೌತಮ್ 23 ರನ್ ಗಳಿಸಿದ್ದು ಅಧಿಕ ವೈಯಕ್ತಿಕ ಮೊತ್ತವಾಗಿತ್ತು. ಬೆಂಗಳೂರು ತಂಡದ ಮಾರಕ ಬೌಲಿಂಗ್ ದಾಳಿಗೆ ತುತ್ತಾದ ಲಕ್ನೋ ತಂಡವು ಅಂತಿಮವಾಗಿ ಕೇವಲ 108 ರನ್ ಗಳಿಗೆ ಸರ್ವಪತನವನ್ನು ಕಂಡಿತು.

ಇದನ್ನೂ ಓದಿ: Gas Leak Incident: ಲುಧಿಯಾನಾದಲ್ಲಿ ಗ್ಯಾಸ್ ಸೋರಿಕೆಯಿಂದ ದುರ್ಘಟನೆ, 9 ಸಾವು 10 ಜನರಿಗೆ ಗಾಯ

ಬೆಂಗಳೂರು ತಂಡದ ಪರ ಜೋಶ್ ಹೇಜಲ್ ಹುಡ್, ಹಾಗೂ ಕರ್ಣ ಶರ್ಮಾ ತಲಾ ಎರಡು ವಿಕೆಟ್ ಗಳನ್ನು ಕಬಳಿಸುವ ಮೂಲಕ ಲಕ್ನೋ ತಂಡದ ಬ್ಯಾಟಿಂಗ್ ಬೆನ್ನೆಲುಬನ್ನು ಮುರಿದರು.