ವಿರಾಟ್ ಕೊಹ್ಲಿ ನಾಯಕತ್ವದಿಂದ ಮಂಕಾದ ಈ ಕ್ರಿಕೆಟ್ ಆಟಗಾರರ ಭವಿಷ್ಯ..!

file photo

ನವದೆಹಲಿ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ 2021 ರ ಟಿ 20 ವಿಶ್ವಕಪ್ ಅಂತ್ಯದ ವೇಳೆಗೆ ಟಿ 20 ನಾಯಕತ್ವ ತ್ಯಜಿಸುವ ನಿರ್ಧಾರ ಪ್ರಕಟಿಸಿದ್ದಾರೆ.ಈಗ ರೋಹಿತ್ ಶರ್ಮಾ ಅವರು ಕೊಹ್ಲಿ ಅವರಿಂದ ಟಿ 20 ಮಾದರಿಯಲ್ಲಿ ಮತ್ತು ಬಹುಶಃ ಏಕದಿನ ಕ್ರಿಕೆಟ್ ನಲ್ಲಿಯೂ ಅಧಿಕಾರ ವಹಿಸಿಕೊಳ್ಳುವ ನಿರೀಕ್ಷೆಯಿದೆ.

ಇದನ್ನೂ ಓದಿ: Punjab crisis: ಹದಿನೈದು ದಿನಗಳಲ್ಲಿ ಹೊಸ ಪಕ್ಷಕ್ಕೆ ಚಾಲನೆ ನೀಡಲಿದ್ದಾರೆ ಅಮರಿಂದರ್ ಸಿಂಗ್..!

ರೋಹಿತ್ ನಾಯಕನಾದ ನಂತರ ಟಿ 20 ಮತ್ತು ಏಕದಿನ ಮಾದರಿಯಲ್ಲಿ ಕೊಹ್ಲಿಯ ವೃತ್ತಿಜೀವನದ ಮೇಲೆ ಪರಿಣಾಮ ಬೀರುತ್ತದೆಯೇ ಎಂಬುದು ಈಗ ಹೆಚ್ಚಿನ ಕ್ರಿಕೆಟ್ ಅಭಿಮಾನಿಗಳ ಪ್ರಶ್ನೆಯಾಗಿದೆ.ಕೊಹ್ಲಿ (Virat Kohli) ಎಲ್ಲಾ ಮೂರು ಸ್ವರೂಪಗಳಲ್ಲಿ ನಾಯಕನಾದಾಗ, ಯುವರಾಜ್ ಸಿಂಗ್, ಸುರೇಶ್ ರೈನಾ ಮತ್ತು ರವಿಚಂದ್ರನ್ ಅಶ್ವಿನ್ ಸೇರಿದಂತೆ ಕೆಲವು ಭಾರತೀಯ ಕ್ರಿಕೆಟಿಗರ ವೃತ್ತಿಜೀವನದ ಮೇಲೆ ಪರಿಣಾಮ ಬೀರಿದೆ.

ವಿರಾಟ್ ಕೊಹ್ಲಿ ನಾಯಕತ್ವದಿಂದ ಮಂಕಾದ ಕ್ರಿಕೆಟ್ ಆಟಗಾರರು

ಯುವರಾಜ್ ಸಿಂಗ್

ಯುವರಾಜ್ ಸಿಂಗ್ ಅವರು 2007 ಟಿ 20 ವಿಶ್ವಕಪ್ ಮತ್ತು 2011 50 ಓವರ್‌ಗಳ ವಿಶ್ವಕಪ್ ವಿಜೇತ ತಂಡಗಳ ಅವಿಭಾಜ್ಯ ಅಂಗವಾಗಿದ್ದರು.ಎಂಎಸ್ ಧೋನಿ ನಾಯಕತ್ವದಲ್ಲಿ ಯುವರಾಜ್ ವೃತ್ತಿಜೀವನವು ಯಶಸ್ವಿಯಾಯಿತು,ಒಟ್ಟಾರೆಯಾಗಿ, ಯುವರಾಜ್ ತನ್ನ ಅಂತಾರಾಷ್ಟ್ರೀಯ ವೃತ್ತಿಜೀವನದಲ್ಲಿ 40 ಟೆಸ್ಟ್, 304 ಏಕದಿನ ಮತ್ತು 58 ಟಿ 20 ಪಂದ್ಯಗಳಲ್ಲಿ ಆಡಿದ್ದಾರೆ.ಆದರೆ ಯುವರಾಜ್ ಕೊಹ್ಲಿ ನಾಯಕತ್ವದಲ್ಲಿ ಆ ಫಾರ್ಮ್ ಅನ್ನು ಉಳಿಸಿಕೊಳ್ಳಲು ವಿಫಲರಾದರು ಮತ್ತು ಅಂತಿಮವಾಗಿ 2019 ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ನಿಂದ ನಿವೃತ್ತರಾದರು.

ಇದನ್ನೂ ಓದಿ: AMRUT 2.0: ಏನಿದು ಅಮೃತ್ -2.0..? ಈ ಯೋಜನೆ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ

ಸುರೇಶ್ ರೈನಾ

ಧೋನಿಯ ನಾಯಕತ್ವದಲ್ಲಿ ಯಶಸ್ವಿಯಾದ ಇನ್ನೊಬ್ಬ ಎಡಗೈ ಆಟಗಾರ ಸುರೇಶ ರೈನಾ ಆಗಿದ್ದಾರೆ. ಧೋನಿ ನಾಯಕತ್ವದಲ್ಲಿ, ರೈನಾ 228 ಏಕದಿನ ಪಂದ್ಯಗಳಲ್ಲಿ ಭಾಗವಹಿಸಿದರು ಮತ್ತು 35 ಕ್ಕಿಂತ ಉತ್ತಮವಾದ ಸರಾಸರಿ ಮೂಲಕ 6,200 ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ.ಆದಾಗ್ಯೂ, ಕೊಹ್ಲಿ ತಂಡದ ನಾಯಕನಾದ ನಂತರ ರೈನಾ ಫಾರ್ಮ್ ಕಳೆದುಕೊಂಡರು. 

ರವಿಚಂದ್ರನ್ ಅಶ್ವಿನ್

ತಮಿಳುನಾಡು ಮತ್ತು ದೆಹಲಿ ಕ್ಯಾಪಿಟಲ್ಸ್ ಆಫ್ ಸ್ಪಿನ್ನರ್ ಏಕದಿನ ಮತ್ತು ಟಿ 20 ವೃತ್ತಿಜೀವನ ಕೂಡ ಕೊಹ್ಲಿ ನಾಯಕತ್ವದಲ್ಲಿ ಸ್ಥಗಿತಗೊಂಡಿದೆ. ಧೋನಿ ನಾಯಕತ್ವದಲ್ಲಿ ಅಶ್ವಿನ್ ಹೆಚ್ಚಿನ ಅವಕಾಶವನ್ನು ಪಡೆದಿದ್ದರು. ಆದರೆ ಕೊಹ್ಲಿ ನಾಯಕತ್ವದಲ್ಲಿ ಅಶ್ವಿನ್ ಕೇವಲ 20 ಏಕದಿನ ಪಂದ್ಯಗಳನ್ನು ಆಡಿ  25 ವಿಕೆಟ್ ಪಡೆದಿದ್ದಾರೆ.