Airtel-Jioಗೆ BSNL ಟಕ್ಕರ್ .! ಕಡಿಮೆ ದುಡ್ಡಿನಲ್ಲಿ ನಿತ್ಯ ನೀಡುತ್ತಿದೆ 3GB ಡಾಟಾ

BSNL ಬಳಕೆದಾರರಿಗೆ ಇಡೀ ತಿಂಗಳು 3GB ದೈನಂದಿನ ಡೇಟಾದೊಂದಿಗೆ ಪ್ರಿಪೇಯ್ಡ್ ಯೋಜನೆಯನ್ನು ನೀಡುತ್ತಿದೆ. ದಿನವಿಡೀ ಇಂಟರ್ನೆಟ್ ಅಗತ್ಯವಿರುವವರಿಗೆ ಈ ಯೋಜನೆ ಉತ್ತಮವಾಗಿದೆ. ಈ ಯೋಜನೆಯನ್ನು WFH ಜನರಿಗೆ ಪರಿಪೂರ್ಣವೆಂದು ಪರಿಗಣಿಸಲಾಗಿದೆ.

BSNL Prepaid Plan (file photo)

ಬೆಂಗಳೂರು : ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ ಇತ್ತೀಚೆಗೆ ಅನೇಕ  ಹೊಸ ಹೊಸ ಯೋಜನೆಗಳನ್ನು ಪರಿಚಯಿಸಿದೆ. ಬಿಎಸ್ಎನ್ಎಲ್ ನೀಡುತ್ತಿರುವ ಅಗ್ಗದ ಯೋಜನೆಗಳ ಪರಿಣಾಮವಾಗಿ, ಅನೇಕ ಜನರು ಬಿಎಸ್ಎನ್ಎಲ್ ನತ್ತ ಮುಖ ಮಾಡುತ್ತಿದ್ದಾರೆ.   ಬಿಎಸ್ಎನ್ಎಲ್  ತನ್ನ ಬಳಕೆದಾರರಿಗೆ ಇಡೀ ತಿಂಗಳು  ದೈನಂದಿನ 3GB ಡೇಟಾದೊಂದಿಗೆ ಪ್ರಿಪೇಯ್ಡ್ ಯೋಜನೆಯನ್ನು ನೀಡುತ್ತಿದೆ. 

3GB ದೈನಂದಿನ ಡೇಟಾದೊಂದಿಗೆ BSNL ಪ್ರಿಪೇಯ್ಡ್ ಯೋಜನೆ :
BSNL ನ ಪ್ರಿಪೇಯ್ಡ್ ಯೋಜನೆಯು  299 ರೂ. ಗೆ ಬರುತ್ತದೆ. ಈ ಯೋಜನೆಗೆ 30 ದಿನಗಳ ಮಾನ್ಯತೆ ಇರಲಿದೆ.  ಅಲ್ಪಾವಧಿಯ ಪ್ಲಾನ್ ಗಳನ್ನು ತೆಗೆದುಕೊಳ್ಳುವ ಬಳಕೆದಾರರಿಗೆ ಈ ಯೋಜನೆ ಅತ್ಯುತ್ತಮವಾಗಿದೆ. ಇದಲ್ಲದೆ, ಬಳಕೆದಾರರು ಇದರಲ್ಲಿ ದೈನಂದಿನ 3GB ಡೇಟಾವನ್ನು ಪಡೆಯುತ್ತಾರೆ. 

ಇದನ್ನೂ ಓದಿ : ಮಾರುಕಟ್ಟೆಗೆ ಬಂತು 8 ಸಾವಿರ ರೂಪಾಯಿ ಬೆಲೆಯ 32 ಇಂಚಿನ ಟಿವಿ.!

ಡೇಟಾ ಪ್ರಯೋಜನದ ಜೊತೆಗೆ, ಬಳಕೆದಾರರು 30 ದಿನಗಳವರೆಗೆ  ಅನಿಯಮಿತ ಧ್ವನಿ ಕರೆ ಮತ್ತು ದಿನಕ್ಕೆ 100 SMS ಪಡೆಯುತ್ತಾರೆ.  ಖಾಸಗಿ ಟೆಲಿಕಾಂ ಕಂಪನಿಗಳು ಅದೇ ಬೆಲೆಗೆ ನೀಡುತ್ತಿರುವುದನ್ನು ಹೋಲಿಸಿದರೆ ಇದು ಉತ್ತಮ ಪ್ರಿಪೇಯ್ಡ್ ಯೋಜನೆಯಾಗಿದೆ.

ಈ ಬೆಲೆಯಲ್ಲಿ ಏರ್‌ಟೆಲ್ ಮತ್ತು ವಿಐ ನೀಡುವ ಪ್ರಯೋಜನಗಳೇನು ?
ವೊಡಾಫೋನ್ ಐಡಿಯಾ ಮತ್ತು ಏರ್ ಟೆಲ್ 299 ರೂ  ಪ್ರಿಪೇಯ್ಡ್ ಯೋಜನೆಗಳಲ್ಲಿ 1.5GB ದೈನಂದಿನ ಡೇಟಾದೊಂದಿಗೆ ನೀಡುತ್ತವೆ.  ಅಂದರೆ BSNL ನೀಡುವ ಅರ್ಧದಷ್ಟು ಡೇಟಾ. ಅಲ್ಲದೆ, ಉಲ್ಲೇಖಿಸಲಾದ ಖಾಸಗಿ ಟೆಲಿಕಾಂಗಳ  299 ರೂ ಯೋಜನೆಯು ಕೇವಲ 28 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. 

ಇದನ್ನೂ ಓದಿ : ಸ್ಯಾಮ್‌ಸಂಗ್ ತರುತ್ತಿದೆ 200MP ಕ್ಯಾಮೆರಾ ಹೊಂದಿರುವ ಸ್ಮಾರ್ಟ್‌ಫೋನ್ ..! ಹೊಸ ಫೋನ್ ವಿಡಿಯೋ ಇಲ್ಲಿದೆ